RUTHA 2:14 - ASII LAKDAP Bible (BSI)

¹⁴ Ranaiq dungsea akhing niishe, Boaj raq Rut ma, “Wara ana. Laüta ara winsii ara jaü laq. Laüta ara weashaütai arjaq tsam laüta phaq laq,” nguta heato. Kiijiishe Rut ka ningchangtibi rai adam na nga damto. Kiimaq Boaj raq apaiq ma atiishin ako araq winsii phu wiijam kra hali kuq nongto. Krai mren Rut riimin tsan tiiheali wok phetak phaqto. Kiimaq apaiq raq phaqsea lot jai she, winsii ka achan ana asi riito.

Hawa Naga Bible 2001

¹⁴ Dungc svy vkhing shex httuiuc koq tueq Boa rueq Rutha muex ngoc, “Waung loq, wanx kuex lvmz vtueq vhix tix nuex thuimc ruiux phauk shuiuz,” ngoz tueq jungx tueq. Kvkhoc rvtueq Rutha kuex yauk shuimc jix hez rulc ngaungc naungx tueq, Boa rueq muinz wungjelc raungluingx tvlvy kuq tueq. Rutha rueq phoay laz phuiuz svy yix phuiuz bung kvjungx laz rvtueq.

RUTHA 2:14 Referencias Cruzadas

2 SAMUEL 17:28

Tsangshiq raq sorea winpin thun, hamlii tak thun, akonchang kheathum thun, kiimaq Dawit nai asenginok miitu lamsea: bunwong, jaili, tü adung aja, wa na atiishin ko winsii, motortsi, cherongtsi, ngiq ngu, chis, krim, kiimaq sku wiijam lamho raüta kito. Tsangshiq raq Dawit nai asenginok ka kumtsaiphii wang na ramtsi, khamnyangtsi, kiimaq anü makaiq chhaq sham nguta asap.

Tvtsvmc 23:5

Ümniiraq ngi miitu phaqsea poi jonghea tiihonglaü, kiiwa ijaqtinok tlotli raq ngi ka michhi; ümniiraq ngi ka akiwe ikha taolaü kiimaq ikok na asho awo thiikuqlaü.

ISAIA 32:8

Shatmaq aki miikiimse riika tingting jaqsham kli klotlo. Krai mren tengteng tri miitu chaptlo.

ISAIA 58:7

Namshiq dungthop ka amang aleiti ma kuq ronglaq. Kiimaq namshiq jam hiqkhu ka jamhü wakhüti tiisi ma kilü dije thüronglaq. Juwa khuhü kheahü kriiti ma khea kuqsam ronglaq. Kiimaq namphu namno khrumke miitu naqdam rongkiq.

Matthew 14:20

Krai mren, maiq wiitarü raq wok phetak chhaq phaqsiqto. Nokwe raq phaqsea lot jai she, ajaqshisetiim raq seabung atiichong kra riichom kiita, tamlii roqshi ri anai tuptup mato.

TRI CHONGKE 11:15

Kiimaq nam nyamsekong rümchang nyiimlung rü chamtraq miraq. Namshiq ka pinthum rongboq misi han.

TRI CHONGKE 8:10

Namshiq raq jamlai phan wa phaqsea wa rotlan, kra chamtraq miphaq siq wan han. Kiimaq namshiq raq Tatiwe namshiq Shiikeawe ma apaiq raq namshiq ma hiqpo hiqwin mung kuqtaq kra miitu kechu mitum han.

RUTHA 2:13

Kiijiishe Rut raq, “Shiilangwe lei, ümniiraq ngi ma pinthum lungwii tsantsii tiichhi kuq laü. Ngi khoshose akhnok arka ümkoli ümjaqshisetiim sitlaq kra phongwa nyungshi ra kra khan min thekmang. Shatmaq ümniiraq ngi ma lungwii tsantsii jonghea tiichhi kuq laü. Kra ningkhan, ngi ma tsaiji kongtam puqshi she,” nguta Rut raq treto.

RUTHA 2:15

Phaqsea lot jai Rut ka tsamso riichomkai ngutiishe tiidohoto. Kiijiishe Boaj raq ningchangtibi kiima, “Apaiq ma tsam ka adap tiiphong tlaq kiiwa min tiitsun ronglaq. Apaiq ka naqson rongkiq.

RUTHA 2:18

Rajiko niishe apaiq raq tsam ka howan raüta, chela niishe wawanto. Raüta anyaichhi ma tsamso riichom han wantaq kra tiichhito. Kiimaq apaiq raq ranaiq minphong jai atiichong phaqsea bung kriimin anyaichhi ma kuq wanto.

1 SAMUEL 17:17

Ranaiqshi Jesi raq Dawit ma akha nguto, “Ara ako wong kilo roqshi nai winsii thoproqshi ara hoho laüta, ümphutiim phana piitiip na jaqlo lealea kilaüta kuqkikiq.

1 SAMUEL 25:18

Kra tsütsa ka tai raüta, Abigail raq jaqlo thit liipan niili, winsii thop ka shinai, spiqtai ka ngamkhü tsabum anai tuptup, wa na wiipumtam maq atiijashu sku ngam ka kaü biingi, wong ka atiishin ko raüta tokroqshi ri tok miishi, spiqtsi shin maq aklo winsii shin ka thop shishi, kiimaq phupmup tsi shin maq aklo winsii ka thop shinai thun kra riichomto. Raüta kumtoq kaüsetiim raikhü na miikuqto.