RUTHA 1:14 - ASII LAKDAP Bible (BSI)

¹⁴ Kra riibom raüta tsangtsam ka tiithongshi ri hali hoqtrangto. Raütiishe Orphaq riika anyaichhi-nyung theaphi na awashe jo nguta shupthü raüta, apaiq ka anyungwe jam niishe jang wanto.

Hawa Naga Bible 2001

¹⁴ Tsuingnueyc kuex laukshiz hulawx khoar yek tueq. Kvruex yimaq Orpa rueq vnguiy pez kuex shup vtueq gvnhttuingc ngoz kuq ruiux vyuimx nuex yek waung tueq; yuq muinz Rutha kuex piq rulc dvyx rvtueq.

RUTHA 1:14 Referencias Cruzadas

RAPHA HIQWA LAK 31:28

Ümniiraq ngi ma kiim riiphea isaütiim thea phi niimin tiishup maü maq kiho laü. Kiimaq isetiim jechakre miimin han sang maq siki rong kiq jo ngutiimin triibom maü riilaü. Kriika angi maiqjiq kiimung laü!

RAPHA HIQWA LAK 31:55

Kriimaq napjai ranap chu miishe Laban raq asaütiim nai ase jechaksetiim kra kiimriiphea theaphi na shupto. Raütiishe waphaijo nguta bomto. Raütiishe tsanghiq niishe jang wanto.

2 SAMUEL 19:39

Kra riibom lot raütiishe, Dawit nai asengi mungmaiqse kong raq Jordan rai ka jin wanto. Apaiq raq Barjillai theaphi na kiimriiphea lungwii shupto. Raüta apaiq ma ramram kuqto. Kiimaq Barjillai kiimin ajam niishe wawanto.

1 HOKHVMX 19:20

Kiijiishe Elisha raq apaiq minsaü pang kra kiijiili thaqsaq raüta Elija jai kra jowanto. Raüta akha nguto, “Ngi ka inyung nai iwe phana kilata tsangshiq ma kiimriiphea bomchong nümaq shupki pha shaq. Latiishetiq, ümjai ka miphan wan kang.” Kiijiishe Elija raq treto, “Ahea na, kilaq. Jangkikiq. Ngi raq ümniika twin mang!”

TAKSU LAK 17:17

Akhi alu ngutiikai ka armang chan miitu; siphu sino nguraü, chamchao ranaiq riiliimai jiika, jamlai miitu wa?

TAKSU LAK 18:24

Kongti apako ka alu tsing mak, shatmaq riikhaqli khilu ka, na chhiithiqti nam ma raa hea.

ISAIA 14:1

Tatiwe ka thongshiri hali asengi Israilnok ma mangchan mitiichhikuq nong. Raüta tsangshiq ka apaiq riishe nguta mitsea wan nong. Apaiq raq tsangshiq ka tsang mung na thongshiri hali mitiishong wan nong. Kiimaq pongmungti maiq pahea kiijaq waraüta tsangshiq rai misidam.

JEKERIA 8:23

Kra akhing na, pongmungti maiq weroqshi ka Jehudiwe weshi phana miwa. Raüta, ‘Naishiq riimin namshiq rilung lam kra phan wan lungwii tiikai. Jamkhano ngukla, Shiikeawe ka namshiq rai asi nguta taikai,’” nguta mingu.

Matthew 10:37

“Jurwa anyung nai awe ka ngi thaq na chan raüta lungwii tlaq, kriiti ka i jaqshise ma jawan lot mak. Kiimaq jurwa ase maiqwe se lo jechakse lo ka ngi thaq na chan raüta lungwii wan tlaq, kriiti ka i jaqshise ma jawan lot mak.

Matthew 16:24

Kiijiishe Jesuq raq ajaqshisetiim ma chongto, “Jurwa i jai phan wan ro tlaq, kriiti raq maiqmii khum ka alaq riibaiq raa.

Matthew 19:22

Noriiwe raq ara tsiichong bomtsi ara tai raüta, apaiq ka kai atsanbi waliishe tiido wanto. Atsan ka jamkhano biwanta ngukla, apaiq ka pinthum chiithe maiqse riito.

Acts 17:34

Li jiimin, Paul traho bomchong taiti nokwe phong wa, maiqwere wiijamti ka Paul rai she pong wan damto. Kiimaq Paul raq chongkuqtaq tsütsa kiima kamto. Ara kamwantiiti thun phong wiika, maiq weshi Dainosias kiimin riito. Apaiq ka kra rung phung wa wela ashi riito. Kiimahali jechak nyung min ashi riito. Apaiq mang ka Damaris riito. Apaiq kiimin kamwanto. Kiimaq nanok maiq ahinti riimin kamwanto.

TRI CHONGKE 10:20

Tatiwe namshiq Shiikeawe wokhong na phaqchii nichii maq sironglaq. Lanta apaiq kli shomnoq ronglaq. Apaiq rai tiipum tlii lanta sironglaq. Kiimaq namshiq kiqkham bomtsi kiimin apaiq mang chong lantli kham ronglaq.

TRI CHONGKE 4:4

Shatmaq namshiq phong wa maiq ümchu riiwa Tatiwe, namshiq Shiikeawe wokhong na tsapkapkap maq siwan lan, kriiti thun ka ümchaü ranaiq na saüli atra sitlan.

2 Timothy 4:10

Demas ka mangjong rilung lamphan na kihoto she. Apaiq raq ngi ka tiishaü baiq thü raüta kihoto. Raüta, apaiq ka Thesalonia chela na wawanto. Kresens ka Galatia wang na wawanto. Kiimaq Titas ka Dalmatia wang na wawanto.

Hebrews 10:39

Shatmaq, nashiq ka jai na janghoti, raüta tsailam phanhoti ka riimai. Shatmaq, kamtsantsii rümti setiim nguta sitiikai. Kiimaq, Shiikeawe ma kamtiikai. Krai mren, nashiq ka apaiq raq tiikhup wongkuq shat maq sitiikai.

RUTHA 1:13

namnai riika tsangshiq ka maiqlamcho na saüli, maiq ma wahü maq mikhe lot han sha? Maiq ahinti ma wawan man sha mirhan? Riimak, isenai lei, kriika hongmak. Tatiwe raq ngi ma chamchao jonghea tiisaüto. Ngi ka namnai miitu pinthum riiwea tsihea.”

RUTHA 1:15

Kiijiishe Naomi raq, “Liilaq, ümnochhi-nyung kra liimaüta. Apaiq ka anyungwe jam niishe jang wanto. Kiimaq apaiq raq shomnoq tlaq shiikeawe pha niishe jang wan nongto. Ümchaü ümniimin apaiq rai ümnyungwe jam niili she jang wan laq.”

RUTHA 1:7

Kra kaisea walam thapthi wantaq krai mren she, apaiq ka tsangshiq sichang hiqshong kiiwa anam-nyung nai rai Juda mung na jang wan nong lam niishe awarai riito.

RUTHA 2:11

Kiijiishe Boaj raq treto, “Ümniiraq ümwese tsaikai jai maq ümnyai-chhi miitu lungwii tsii ümtinkhan wa tiichikuq laü, kra ngi raq atai wi she. Ümniiraq ümnyung ümwe ümphan ümmaq kiimaq maiqmii mung kra wiita baiqthü laüta, ümniiraq mak maq chhiwa maünok mangtang ramang phan rai siwa dam wawan laü. Kra thun ka wiita ngi raq asapha she.