Romans 1:2 - ASII LAKDAP Bible (BSI)

² Ara Tsütsa Ahea arka, man na rapha hiq wa niiphü dongdii, Shiikeawe raq maiqse ma mikuq ha, nguta kiqkham kongphiq akha kewi she dongdii. Arka Shiikeawe apaiq raq, shammibi lümaq bom ka tiichongkuq thüto. Kra chong wantaq kiqkham bomtsi ka, Asii Bomtsi na aheawiq maq waiqthü raüta thü wantlo.

Hawa Naga Bible 2001

² Mvnnuex Tishox rueq vpiq shvmmax bix maq raz tueq Thuix Thaungx Vhvlx kuq shaungx ngoz tueq bomkhvmc taq tueq lvmz Rumvrc Luik htenc nuex wuiyq shec tueq.

Muklom

² Tungtang qhal shey jakho wang hun urangsamal tang nun o asang likwit na rangtum ta.

Romans 1:2 Referencias Cruzadas

Matthew 1:22

Riita arthun hongtha wantaq arka Tati Shiikeawe raq apaiq sham- mibi lümaq tiichong kuq wantaq bomtsi thun kra tiikupi wan miitu she hongtha wanto.

Luke 1:70

Apaiq raq rathup rapha niiphü dongdii, Asii shammibi lümaq, nashiq ma kiqkham raüpot khakuq wanto.

Acts 10:43

Shammibi thun wiita raq, apaiq mangchong tsa kra chongkuq wanto she. Apaiq ma kamwanti maiq loweatek ngarai ka Shiikeawe raq, Jesuq lümaq wiita midii kuq nguta tsangshiq raq chongkuqto.”

Acts 13:32

Riita, ümchaü naishiq arjaq saü wan kai arka, namshiq ma ara Tsütsa Ahea ara chongke wa nguta saü wan kai. Shiikeawe raq natitiim ma, jaqsham jonghea ashi misham kuq wanha nguta, man na pat na kiqkham kongphiq raüpot khakuq wantaq kra bomtsi ka, ümchaü nashiq tsangshiq lai-ala nguta sitiikai arma kiimaq maiq nanok ahinti wiita miitu she, Shiikeawe raq, Jesuq ka amaa wa tiidong kuq wantaq arshe kuwanto. Arka Shomshi lak anai na chongtlaq, kra phanphan she dea hongtha wanto. Kiijaq akha nguta chong tlo, ‘Ümniika i se she jo; Ümchaü ranaiq miiphat, ngi ka üm We she.’

Acts 26:6

Kiimaq, ümchaü ranaiq ngi arjaq rung na tiichap tlaq arka, Shiikeawe raq natitiim ma phanshi kongphiq mikuq wanha nguta kiqkham raüpot khakuq wantaq, kra kongphiq ka milap wan ha dongdii she nguta, ranphan lalata, sitiikang arkha niishe tiichaptlo.

Romans 16:26

Riita, ümchaü, shammibi raq waiqthütaq kra lümaq tengteng bomtsi ka wiitarü man na, linkuq wanto she. Kiimaq pattup pat-sa Shiikeawe aming maq, maiq mung thun wiita na tiitai kuq wanto she. Kriika tlotli mikam wanlaq nguta, kiimaq apaiq aming ka milang wan laq nguta kuqto.

Romans 3:2

O, phanrap na tsangshiq ka sinkhu niidea wawan tlo na! Arka tengto dea na. Apha na Shiikeawe raq, Jehudinok ma apaiq bomtsi kra rümkom wan miitu, arang kuqto.

Romans 3:21

Shatmaq, ümchaü ka Shiikeawe raq maiqse ka, apaiq rai wehea ma jamkho shram tlaq, kra lamlu kra tiichhi kuqto she. Arka Thungtri lang raüta riimak. Shatmaq tiina, Mosheq Thungtri nai shammibi lak niika ara chong tiikai, Shiikeawe rai shram wan lamlu ara miitu chong kuq thüto.

Titus 1:2

Arka pattup pat-sa rilung ma ran tiikai kra thaq na seng raüta chong tlo. Shiikeawe ka rot mak phan, apaiq raq nashiq ma ara mikuqha nguta kiqkham kuqto, rapha hiqwa min mishaq niiphü dongdii,