Revelation 9:5 - ASII LAKDAP Bible (BSI)

⁵ Kupchi kong miika maiqse ka tiitsaili tsea baiq aming ka ahü. Tsangshiq raq maiqse ka jipi lübiingi, kai tsaija chhunja tiichamchao raa, nguta arang kuqto. Kupchi raq akaq tsi ka phangkaü raq anyiq tsi ikha mitsi nguta chongtlo.

Hawa Naga Bible 2001

⁵ Kup jawrawx htenc rueq miq htenc kuex yapix lex bv-ngac tvkuilc daz shuex maq lvy vtueq vthvy gay vkhangx kuq muq. Kvruex tvkuilc daz yaq thuiuz vsac kuex phvmx rueq kauk yaq ikhoc thuiuz yaq.

Muklom

⁵ Ning aa miqtang sha jin tikwat moq, etharin japi banga nángduk miqtang sha qhíngqhong aa kak ajo chamtan tak aa thimal jin tsamnang na.

Revelation 9:5 Referencias Cruzadas

2 KAÜWA WERAÜ 10:11

Tsangshiq ma akha chongkuq laq, ‘Iwe raq namshiq raikhü na holai ka laihea tiiho kuqto; ngi riika kriithaq lai heashe mitiiho kuqha. Apaiq raq namshiq raikhü na chunpo nyam sintsang maq tsatto; ngi riika kumrang tsatchang sintsang nyam miishe mitsat ha!’”

2 KAÜWA WERAÜ 10:14

Arka jerobi raq apaiq ma tsü chongkuqtaq kra phan phan bomto. Apaiq raq akha nguto, “Iwe raq namshiq raikhü na hekii laihea tiiho kuqto; ngi riika kriithaq na alaiq lin she mitiiho kuqha. Apaiq raq namshiq ka chunpo nyam sintsang maq tsatto; ngi riika kumrang tsatchang sintsang nyam miishe mitsat ha!”

YOBA 2:6

Kiijiishe Tatiwe raq Soitan maq nguto, “Ahea na ikhii jiiha, apaiq ka ümjaqkhon na. Shatmaq ümniiraq apaiq miisaq ka tiithum mai mak.”

EJEKIEL 2:6

“Shatmaq, ümnaq atsaikaiti maiqse ka tsangshiq ma naqhaikiq. Kiimaq tsangshiq raq jamlai wa bomtlaq kriima naq haikiq. Tsangshiq raq ümkiq ka akhii miraq kiimaq ümniika shummii shaq shaq li miraq. Kriika phangkaü phong rai sidam ikha miraq. Shatmaq tsangshiq phoq ngeng nok kra chhi laüta naqhaikiq. Kiimaq tsangshiq raq jamlai wa ngutlaq kriima naqhaikiq.

DANIEL 7:6

Ngi raq kra liirea bala niili, ngamthaiqkaü ashi hali dong wan nongto. Kriika chiqwaiq kaü ikha. Shatmaq araikhü niika wushi rakong ikha, arakong blai asi. Kiimaq akhupo ka blai jong ri. Kiimaq apaiq miika arang akuq asi riito.

John 19:11

Kiijiishe, Jesuq raq Pilat bom ka treto, “Ümjaq na i tsitsü ara tiipit miitu arang ka Shiikeawe raq akuq tiina. Kriikha na, jurwa ngi ka ümjaq mong na shaphaq baiqtaq, kriiti riika, ümngarai thaq niimin ngarai jonghea she tang wanto.”

Revelation 11:7

Riita, tsangnai raq ümtiikiishe wa traho bom chongke kra lotjiiq, kra lot jai hiqbikho maq adong ngamkaü raq tsangnai ka mikhat. Raüta, apaiq raq tsangnai ka mitang. Raüta, tsangnai ka mitsat baiq.

Revelation 13:5

Kra jü mong maq adong ngamthaiq kaü miika, Shiikeawe ni na wamak chang, Shiikeawe shummii bom shiikong miilong tiishomra akhing kuqto. Kiimaq apaiq ma arang ka jipi lüroq blai ri lünai miitu kuqto.

Revelation 13:7

Kra ngamthaiq kaü ma, Shiikeawe sengi ka khat miitu arang ka kuqto. Raüta tsangshiq ka apaiq raq mitang. Ngamthaiq kaü miika maiq aphan aphan thaq na, maiq amung amung thaq na, maiq phan bom ümchuwa sitlaq kra thaq na, kiimaq maiq kaü wa weraü ümchuwa sitlaq kriithaq na, kunli jamsha wan miitu arang kuqto.

Revelation 9:10

Tsangshiq mai ta nai tsangshiq laikii ka, phangkaü laikii ikha. Kiimaq tsangshiq maita na alaipo asi kiimaq nyiq raüta tsangshiq raq maiqse ka jipi lübiingi mitiichamchao.

Revelation 9:3

Kra wakhuk phumpong wa ikha, rawang win na mong tlaq kiiwa, kupchi dong raüta mangjong hiq raikhü na riiphong wanto. Kra kupchi tha wa kra miika, phangkaü raq nyiq raüjaq henghea tsi tlaq ikha, maiqlang pitchang henghea thabi ningkun kuqto.