Revelation 9:18 - ASII LAKDAP Bible (BSI)

¹⁸ Mangjong hiq wa maiqse angu ka, mantsam wa manshi ka, ara kumrang nübok maq adong phantsam sawa tha wa: wa, wakhuk kiimaq kan nyai tlaq ikha walü nyai tlaq ara raq khiim raüta jiimto chhikang.

Hawa Naga Bible 2001

¹⁸ Kvruex mvre htenc nuix wawc dung yaq wvrluic, wvr khuiuq nuiyc kanz ngoz yaq kuilc daz phvnx thuimx ningkhvnc nuex miqsaz mvnthuimx wawc mvnshiz thvt gay tueq.

Muklom

¹⁸ Ning nung wang thalat aa wal, walkhu, sulfur atom tsamnang wang miqna tang phaltom shiwang phal shey sha tikwat chakta.

Revelation 9:18 Referencias Cruzadas

Revelation 8:10

Kiijiishe, rase atsam ngojati riishe, alerong ka tsüto. Kra tsü kiita raiqsaiqpo kaü jonghea ashi ka wanii tu ikha, ali aliim wala rawang win wa, mangjong hiq na tiidea baiqto. Kra raiqsaiqpo tiidea baiq wantaq kriiraq, mangjong hiq wa jürai ümchuwa sitlaq kiimaq jüserai thun sitlaq kra wa mantsam wa manshi rii ka wiita nyamto.

Revelation 8:11

Kra raiqsaiqpo kaü mang ka “Akhap wiq” ngutlo. Kra raiqsaiqpo raq mangjong hiq wa kham sitlaq ka, mantsam wa manshi rii ka atiikhap she riibaiqto. Kra khamkhap nyangti maiq pahea jiimto. Tsangshiq ka khamkhap raq chok raüta tsaito.

Revelation 8:12

Kiijiishe, rase blai ngojati riishe alerong ka tsüto. Kra tsükiita rashe kaü ka mantsam wa manshi thento. Kiimaq jipi kiimin mantsam wa manshi kiimaq raiqsaiq diim tlaq kiiwa min, mantsam wa manshi rii ka thento. Krai mren, tsangshiq liliim kiimin mantsam wa manshi ka anyam she riikito. Krai mren ranaiq shi ka mantsam rii wa manshi rii ka rawüli ahü she riito. Kiimaq rawa ka mantsam wa manshi rii ka aliliim ahü she riito.

Revelation 8:7

Krai mren, aphati rase raq alerong kriishe tsüto. Kra tsüri, tsakhiiq nai wa ka tiijai rai adam na triishot raüta, mangjong hiq na raü baiqto. Krai mren, wa raq mangjong hiq raikhü wa, atra phan pe chamtlaq ajaq awai phan pe-awii, sangphii miijii angu thun ka, mantsam wa manshi rii ka wiita she hutjok khiim baiqto.

Revelation 8:8

Kiijiishe, rase anai ngojati riishe alerong ka tsüto. Kra tsükiita, pum kaü ngo chang chang ikha, jonghea walü tu kaü ashi ka, sammoktra jü mong na tiidea baiqto. Kra raq sammok tra jü ka mantsam wa, manshi rii ka tiijai ma tiija baiqto.

Revelation 8:9

Kiimaq jü mong na atra phan sitlaq kiiwa mantsam wa manshi rii ka wiita jiimto. Kiimaq mokkiitu kham thaq na sitlaq kiiwa mantsam wa manshi rii wiita thento.

Revelation 9:15

Krai mren, kra raseblai ka diibaiqto. Tsangshiq ka ara mangjong hiq wa maiqse angu kiiwa mantsam wa manshi ka ümchaü rawii, ümchaü jipi, ümchaü ranaiq, ümchaü nari akhing na tiitsea baiq miitu, kharü maq kha raüta tiijeje dongdii athü.

Revelation 9:17

Krai mren, ngi raq riisham mak maq kumrang kong nai kumrang thaq na chaoti rewe khunyaq khukhi, re na kai ma sürii tlaq kra chhikang. Kra sreabi miirii asam ka tsangshiq khuk na chamchhok pen samraqraq ikha riito. Kra chamchhok pen chhai wa ka walü wa chhai tlaq ikha riito. Kra walü rong ka riishot riishaq riito. Saphir longseng chhai ikha awai kiimaq kan lü tlaq ikha, amin chhai tlo chhikang. Kumrang khupo ka hangsi khupo ikha. Kiimaq tsangshiq nübok wa, walü achhai aliip, wakhuk mong wa, kiimaq walü rong ka kan nyai tlaq ikha, amin wanii tu dong tlo chhikang.

Revelation 9:19

Kumrang kong ma maiqse tiichamchao wan ningkun ka tsangshiq maita na nai tsangshiq nübok na kuqto. Kumrang maita ka paü khupo ikha. Kumrang kong raq tsang maita maq maiq ka paü raq thaü tlaq ikha tiichamchao tsat wanto.