Revelation 7:12 - ASII LAKDAP Bible (BSI)

¹² Tsangshiq raq akha shomnoqto, “Amen! Tiitsamkam, khushü, taksma tsii, kechutum, shreng manto, ningkun tu kiimaq ahong ala tu ka pattup pat-sa miitu nashiq Shiikeawe rii li she mirlaq! Amen!”

Hawa Naga Bible 2001

¹² “Amen! Tvtsvmc kvmc vshix, ngauz vngax, taksux tharc, kejux vyungx, tvtsanc nganc, luimc vkawc nuiyc hungc vlaungc kuex pattup pat-sac naungshiq Tishox nuex mhttax wvnc kueq! Amen!” ngoz tueq jungx wuez yaq.

Muklom

¹² Ning aa batta, “Amen, hiqtang Shkewa ma tasapsey phi ta, phun amun, thung atal, kechu ajong, rangka, tarong etho arong pattuk rangma salwet cham ang aa. Amen!”

Revelation 7:12 Referencias Cruzadas

NEHEMIA 12:46

Arka Hokhamwe Dawit nai shiwe Asaph pat niiphü dongdii, Shiikeawe ma tiitsam kam shinge wan, kiimaq Shiikeawe ma kechutum shinge wanti kong asheati ka asi dongdii riito.

NEHEMIA 12:8

Lewinok: Shiikeawe ma tiitsamkam kechutum shinge wan lam na asheati ka arthun ara riito: Jeshua, Binnui, Kadmiel, Sherebia, Juda, kiimaq Mattania riito.

Tvtsvmc 100:4

Nyap ronglaq Shomjam kilü thun maq kechutum lam maq, tiitsamkam lam maq khok mong thun na waronglaq. Apaiq ma kechutum rong laq lanta apaiq ka tiitsam ronglaq.

Tvtsvmc 106:48

Tati tiitsam ronglaq, Israilnok Shiikeawe ka; ümchaü apaiq tiitsam ronglaq kiimaq pattup pat-sa tiitsam ronglaq! maiq wiita raq, “Amen!” ngu ronglaq. Tati tiitsam ronglaq!

Tvtsvmc 107:22

Tsangshiq raq apaiq ma honglu takuq raüta kechutum ratlo, raüta apaiq raq ümtinkhan wa jaqshamtaq kra ashi lam maq chong raüta shinge ratlo.

Tvtsvmc 116:17

Ngi raq ümniima kechutum honglu mikuqha; lata ümniima ngi achujaü honglu mikuqha.

Tvtsvmc 147:7

Tati ma tiitsamkam shi shikuq ronglaq; nashiq Shiikeawe ma hünong-toro tsükuq ronglaq.

Tvtsvmc 41:13

Tatiwe tiitsam laq, Israilnok Shiikeawe ka! Apaiq ka ümchaü kiimaq pattup pat-sa tiitsam laq! Amen! Amen!

Tvtsvmc 50:14

Shiikeawe miika kechutum honglu kra kuqlaq, kiimaq Ajong Shiikeawe ma jamlai mikuqha ngutiiwa kiq khamlaü kra kuqlaq.

Tvtsvmc 72:19

Apaiq mang chhainyii jonglu kra pattup pat-sa tiitsam ronglaq! Apaiq khushü liliim raq mangjong hiq raikhü ka wiita mililiimlaq. Amen! Amen!

Tvtsvmc 89:52

Tatiwe tiitsamlaq pattup pat-sa! Amen! Amen!

Tvtsvmc 95:2

Nashiq apaiq khaki na warong i kechutum wa laita chojong chise maq tiitsamkam shinge rong i.

ISAIA 51:3

“Ngi raq Jerusalem ma mangchan mitiitsiha, apaiq riimraitlaq mong na siti maiq wiita ma. Apaiq mungtan ka hiqmiq changkhü, Li jiimin Ngi raq kriika bagan ashi mitiijaha, Ngi raq Eden bagan na chhijang kang kiikha mikloha. Chojong chise apeo aleo lishe kiijaq mishong nga wan, kiimaq Ngi ma tiitsamkam shi nai kechutum shi mishinge wan.

JEREMIA 33:11

Chojong chise agi asii watrang kiimaq wiinum shewa maiqlam poi polo watrang poi klo she mitai wan nong haü. Ümniiraq nokmaiqse ka I Shomjam na kechutum honglu thun howan raüta kra kewa lam maq ashi ange watrangli she mitai haü. Tsangshiq raq akha mingu, ‘Tati Ningkun Ajongwe ma kechu tum ronglaq, jamkhano ngukla apaiq ka ahea kiimaq apaiq lungwii tsii ka pattup pat-sa thum mak.’ Ngi raq armung ka man na jamkho rongboq sitaq kiikha, arong awin hali mitiija wan nongha. Arka Ngi, Tatiwe raq toqtan tiikang.”

JEREMIA 33:9

Jerusalem ka Ngi ma chochi raikuk, khushü tiijongti, kiimaq imangchong tiijongti she miraq. Mangjong hiq na siti maiq mung thun pahea raq atiikhai rokrok raüta mishreng wan. Jamkhano ngukla, Ngi raq Jerusalem chelati miitu ümtinkhan wa athuk atsom jaqsham kuq wan tiikang kiimaq Ngi raq chelati miitu ümtin khan wa achi achet chiithe liiwa tiijakuq wan tiikang kra tsütsa ka tsangshiq raq mitai wan.”

Jona 2:9

Shatmaq ngi riika ümnaq tiitsam kam wan, shinge kli mishinge ha. Ümniima honglu kli mikuq ha. Lata ngi raq kongphiq kha kang kra, ümniima mikuq wan ha. Tiichhii wantiwe ka Tati ümniili!”

Matthew 6:13

Naishiq ma tsinhea maitai naq tiisaükiq, shatmaq naishiq ka Abi We maklii wa tiiwongshat riilaq.’

Romans 11:36

Ara jamkhano wai wan tiikai ngukla, phanrap phanrii ka, apaiq raq siisaq phansang kuq wanto. Kiimaq, phanrap siwan tlaq kriika, apaiq lümaq li atra siwan tlo. Kiimaq, apaiq miitu li phanrap ka siwan tlo. Riita, ija pattup pat-sa, Shiikeawe khushü kli dea mijong wan laq! Amen!

1 Corinthians 14:16

Riita ümniiraq ümtiikiiwa Shiikeawe ma kechutum achu jaü tlaü, kiitiikaq ümtsai ümji wenyi miili achu jaü haü jiika, nanok ahinti nyungwe nosere ümchuwa kriijaq lom dam tlaq, kriiti riika sapmak miraq. Riita kriiti riika ümniiraq kechutum achu jaü tlaü kra tlot na, “Amen” ngutiika jamkho mitre dam? Jamkhano ngukla, nyungwe nose riika ümniiraq jamlai wa achü jaü tlaü kriika sapmak miraq.

2 Corinthians 4:15

Riita arthun litkot chamchao homa howan tiikai arka, namshiq khum kra tiikhe wan miitu chamchao wan tiikai. Kiimaq ara naishiq niiko wan tiikai krai mren, Shiikeawe kaphap mangchan raq maiq pahea kra tiichhii kuq wan tlo. Kiimaq Shiikeawe ma kechutum kewan kiimin maiq pahea raq mikuq wan. Arthun arka Shiikeawe khushü tiijong wan miituli.

Colossians 2:7

Namshiq rang ka apaiq khum na atsaü maq cham rong laq. Kiimaq namshiq rilung jam ka apaiq khum na hai rong laq. Lanta namshiq ma jamkhiiwa tlang kuq wan kai, kiikha kamasham na ningkun ajong maq si ronglaq. Lanta tsan na kechutum aliim alei miili si ronglaq.

Colossians 3:17

Ümchaü sanha, namshiq raq, na We Shiikeawe ma kechutum tlan na, abom na kiimaq phanrap jaqsham tlan na, Jesuq Khristo mang niili she sham rong laq.

Jude 1:25

apaiqkli nashiq Shiikeawe kiimaq nashiq Chhiitiwe kriimiili, nashiq Tati Jesuq Khristo lümaq, khushü, jonglu, ningkun, kiimaq arang ka, man na pat achat tlotli wa, kiimaq ümchaü min, kiimaq jai na wattlaq pattup pat-sa kiiwa wiita apaiq riili she mirlaq! Amen.

Revelation 1:18

Ngi ka atra sitiwe! Ngi ka amaa wa shatmaq, ümchaü ka pattup pat-sa miitu atrali she misiha. Amaati nai wulum mung na siti ka, i jaqkhon mong niishe.

Revelation 19:4

Nyungwere roqnai ri blai, kiimaq ngamkaü blai ka hiq na bumrang raüta Shiikeawe ka shomnoqto. Shiikeawe ka ngacho na ngashat. Tsangshiq raq akha nguto, “Amen! Shiikeawe tiitsam rong i!”