Revelation 7:10 - ASII LAKDAP Bible (BSI)

¹⁰ Raüta, tsangshiq ka tiihong raüta akha rü trangto taikang: “Hokham ngacho na ngati, nashiq Shiikeawe nai Skuse raq, rekhat tangto she!”

Hawa Naga Bible 2001

¹⁰ Tsuinghez rueq thuic yunghvlc maq, “Palc daungc wvnc lvmx kejux kuex hoc daungraungc htauk nuex ngaungc yaq naungshiq Tishox nuiyc Khelbuenx Saz kox wawc vkaz rvtueq,” ngoz tueq ramc wuez tueq.

Muklom

¹⁰ Ning jujong aa ring eq batta, “Hiqtang Shkewa chingko wang bara lungwang tongching na tong aa, etho Kelwut sa chingko wang lunwan sha thupha.”

Revelation 7:10 Referencias Cruzadas

Tvtsvmc 115:1

Ümniimiili dongdii, O Tatiwe lei, ümniimiili dongdii, kiimaq naishiq ma riimak, ümkhushü ka tiijong ratlo, tiipitmaüphan ümlungwii nai tsapsaü kapse riimtlaü kra miitu;

Tvtsvmc 3:8

Rekhat ka Tatiwe raq tiitang kuqtlo, apaiq riitiq asenginok ka mishman kuqlaq.

Tvtsvmc 37:39

Tatiwe raq kechu maiqsetiim ka tiichhiikuqtlo kiimaq tsangshiq ka chamchao wa tiiwongkuqtlo.

ISAIA 43:11

“Shiikeawe ka, Ngi lamlam li dongdii, ümnaq tiichhiikelotti ka Ngi arli.

ISAIA 45:15

Israilnok Shiikeawe, asenginok chhiiti, apaiq ka atiipaü raüta siti Shiikeawe.

ISAIA 45:21

Warong ra, lantea namshiq kha ka rung na shok wa rongkiq; kha phoketi liipan na bom mirwaisolaq. Rathup niiphü akha mihong wan nguta juro tiithaita? Kriika Ngi, Tatiwe, asenginok chhiitiwe raq tiithaito riimak shea? Arjaq tisho ahin ka ahü.

JEREMIA 3:23

Naishiq raq hiqlam thun thaq na thatsang wan kai. Kriiriika naishiq ma jamlailiip min ahü riito. Israilnok ma khrum kewanti ka Tatiwe, nashiq Shiikeawe riili khrum kuqtlo.

Hosea 13:4

Tatiwe raq ngutlo, “Ngi ka namshiq Shiikeawe. Namshiq ka Ejip mung wa sheawan kang. Namshiq Chhiiwanti Shiikeawe ka ngi arli. Ngi tlea raüta ahin Shiikeawe ahü.

Jona 2:9

Shatmaq ngi riika ümnaq tiitsam kam wan, shinge kli mishinge ha. Ümniima honglu kli mikuq ha. Lata ngi raq kongphiq kha kang kra, ümniima mikuq wan ha. Tiichhii wantiwe ka Tati ümniili!”

JEKERIA 4:7

Pumjong kaü ikha ümkhaki na jaqsham tiibanbiti siraü min, amo mirwan. Ümniiraq Shomjam ka mitiihea hai haü. Krai mren, ümniiraq atiisup longpo suk tlaü kra chhiraüta, mungmaiqse raq, ‘Tsomwanto! tsomwanto!’ ngutiishe arü ariiq michochisiq wan.’ ”

JEKERIA 9:9

O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.

Luke 3:6

Maiqse angu kunli raq, Shiikeawe Tiichhii Wan jaqsham kra michhi wan!’ ”

John 1:29

Kiimaq napjai ranaiq niishe, Johan raq Jesuq ka apaiq phanü na awarai she chhito. Kra chhi raüta, Johan raq nanok ma chongto, “Liirong laq arhata, mangjong maiqse ngarai howanti Shiikeawe Skuse!

John 1:36

Kra akhing na apaiq raq Jesuq ka lam na awarai chhito. Kra chhi raüta, “Liirong laq, ahata Shiikeawe Skuse!” nguta tsangnai rai riibomto.

John 4:22

Namshiq Samaria phan riika, riikhaqli maq juwa shomnoq tlan kriika sap man. Shatmaq, naishiq Jehudinok phan riika juwa shomnoq tiikai kriika asap hai. Ara jamkhano chongtiikang ngukla, Shiikeawe raq maiqse ka jamkho tiichhii tlaq, kra lam phan chongketi ka, naishiq Jehudinok phan lümaq chongkuqtlo.

Ephesians 2:8

Riita, ara chongtiikai arai mren, Shiikeawe raq namshiq tiichhii kuqtaq kriika, apaiq kaphap mangchan wokhong maq, namshiq raq kamtsantsii thü lan kha maq, tiichhii kuqto. Arka namshiq raq jaqsham ahea phan sham lanta, tiichhiike ka riimak. Shatmaq arka, apaiq raq, namshiq ma phe maq akuq, kongphiq. Krai mren, juwe riimin maiqmii dea kechu maiqse nguta tiisom ra chang lam ka ahü.

Revelation 12:10

Kiijiishe, ngi raq rasetiim raq ramungtan na hong raüta akha chongto taikang, “Ümchaü nashiq Shiikeawe ajong we raq rekhat ka tangto she. Ningkun ajong rümti hokham Shiikea, apaiq Messia raq apaiq ningkun tiichhi kuqto she. Ümchaü sanha mangjong hiq ka ajaq khong mong niishe. Naphu nano Shiikeawe man na ranaiq rawa shaphaqti we, Thawe ka ramungtan wa, mangjong hiq niishe tiidea baiqto.

Revelation 19:1

Arjai miishe, ngi raq ramungtan na maiq ka ahing amun rüriiq wan trang ikha taikang. Kriika akha rü trangto, “Shiikeawe tiitsam rong i! Shiikeawe ka nashiq Chhiiti. Apaiq ka ajong pinthum kiimaq achhai anyii Shiikeawe.

Revelation 21:5

Kiijiishe, hokham ngacho na ngati we raq nguto, “Ümchaü ngi raq phanrap ka anye she tiiq tiikang!” Apaiq raq ngi ma hali thaüto, “Ara bomtsi ara waiq thülaq. Ara bomchong ara tengteng kiimaq akamsea chang.”

Revelation 22:3

Shiikeawe manson raq ham tlaq phan ka, ara chela na ahü she. Shiikeawe nai Skuse ngachang hokham ngacho ka chela mong na miraq. Kiimaq apaiq jaqshisetiim ümchuwa sitlaq kriiraq, apaiq ka mishom noq.

Revelation 4:6

Kiimaq hali, hokham ngacho khaki na sammoktra jü chhai wa ikha, chamni phong maklüp jaqlüp wüjang jang hea achhai anyii chhikang. Hokham ngacho ka komtlii siimblai wiita na, ngamkaü kaüblai asi. Kra ngamkaü tiim ka tsangshiq khum na, khaki niimin kiimaq ajai nü niimin, amakpo siisaq diimshat asi.

Revelation 5:7

Kiijiishe, Skuse ka wa raüta, hokham ngacho na ngatlaq we jaqtsi nü kiiwa lakdam kom ka jaüto.