Revelation 5:1 - ASII LAKDAP Bible (BSI)

¹ Ngi raq hokham ngacho na ngati we, jaq jaqtsi nü na lakdam kom ashi chhikang. Kra lakdam kom ka siimhap ri na waiqje siisaq. Kiimaq ba miishi na sil maq trap phanje.

Hawa Naga Bible 2001

¹ Hoc daungraungc htauk nuex ngaungc jix waz vpiq yaukkeq kox nuex luik tul kuex ngaz rueq khiz tauk; kvruex luik tul kuex tvsik mvshix maq wung ruiux, samx wvguip nuex luik htenc kuex wuiyq taq tueq.

Muklom

¹ Ethi jio lungwang tongching na tongtey jaqha kot thina takol chol ashey likdap khi táng, esho umong nia rangkho na thawit angta, etho esha sanat maal tang kot eq shakchol angta.

Revelation 5:1 Referencias Cruzadas

ISAIA 29:11

Riisham mak chhi aweatek liichum ka namshiq ma chongkuq mak apaü mirbaiq. Kriika lakdam kom sil maq phanje ikha miraq. Kriikha maq ümniiraq lakdam kom ka lamho laüta maiq weshi ra aphat atsinti nang nga kra phat kuqlaq nguta chonghaü jiila, kriiwe raq apaiq raq phattsü mang ngutli michong. Jamkhano ngukla kra lakdam kom ka sil maq phanje.

ISAIA 34:16

Tatiwe lakdap na atra phan chongtlaq kiijaq sidi ronglaq. Lanta kiijaq jamkho chongtlaq kra phat ronglaq. Arthun ngamse phong phanshi ra min moki mak miraq. Kiimaq phanshi ra wiimin akongti akaü nai ali ahü ngutiika ahü miraq. Tatiwe raq akha sichang dongdii nguta aming kuqto. Apaiq raq ajaq maq dongdii adam na mitriichom wan.

ISAIA 8:16

Namshiq ijaqshisetiim raq Shiikeawe raq ngi ma tsütsa bomtsi achongkuq thun kra tsapkapkap maq saiqsam lantea riim ratlo.

DANIEL 8:26

Riita ara ranap nai raji honglu kewan jaqsham riisham mak maq tiichhikuqto. Raüta chongkuqto. Arka tengteng miku wan. Shatmaq ümchaü ka apaü laütli thülaq. Jamkhano ngukla ara kupi wan miika rahiq luhea shaq dea asi.”

JEKERIA 5:1

Kiimahali thongshi ri ngi raq itok ka ra na dolata liikangta, ngamkhü lakdamkom ka tliireaje rawang win na, rahai na abirai chhikang.

Revelation 10:2

Apaiq jaq na lakdam komse tlii je ashi shamraü riito. Apaiq ka ahok hoktsi nü maq sammoktra jü mong na kiimaq hokpha nü maq jü reko takii na chap raü riito.

Revelation 4:3

Apaiq theaphi ka athii tsinhea phan longseng jespar, kiimaq karnelian longseng chhai tlaq ikha, chhaihea lang lang, awai nai ashii rong chhai rai tlo chhikang. Kiimaq kra hokham ngacho kra komtam na, maitsai kaü ashi asi. Maitsai rong ka emarel longseng chhai tlaq ikha chhai nyiinyii hea.

Revelation 4:9

Atra ngamkaü blai raq ngacho na ngati we kra shomnoq, apaiq khushü jong ka tiitsam kam shinge, shreng manto shinge, kiimaq apaiq somra shinge shishun trang tlo. Apaiq ka pattup pat-sa atrali siruq sitiwe. Ümtiikiiwa ngamkaü blai raq shitrang tlaq, tsangshiq rai dangshi maq

Revelation 5:13

Kiimaq, ngi raq atra phan ümchuwa sitlaq, ramungtan na, mangjong hiq na, wulum mung na, kiimaq sammoktra jü mong na atra tsitsü asi phan ümchuwa, ara ra nai hiq raq aham na diim tlaq tarü kunli raq, akha ashi trang taikang: “Hokham ngacho na ngati we nai Skuse ma, shomra, shreng, khushü, kiimaq ningkun kli pattup pat-sa misi laq!”

Revelation 5:7

Kiijiishe, Skuse ka wa raüta, hokham ngacho na ngatlaq we jaqtsi nü kiiwa lakdam kom ka jaüto.

Revelation 6:1

Kiijiishe, Skuse raq sil miishi wa atrap phan, apha wan sil kra tiibun raüta linto chhikang. Kra linri, ngi raq kra atra ngamkaü blai wa kaüshi raq, ramok wa ikha hong raüta, “Wara!” nguta heato taikang.

Revelation 6:16

Tsangshiq raq aho anyi lam maq, ku akin thun kiima, “Naishiq ara hokham ngacho na ngati we maklii wa tiiwong kuq rong laq. Kiimaq Skuse tsankhiq walü wa kiiwa tiiwong kuq rong laq!

Revelation 8:1

Riita, ümtiikiiwa Skuse raq sil atrap phan miishi ngoja kriishe tiibun raüta lintaq, ramungtan na nari thiq tin khan ka sanglili, kaiq shakshak she sangkito.