Revelation 21:3 - ASII LAKDAP Bible (BSI)

³ Ngi raq hokham ngachang ngacho maq tiihong raüta abom, maiq bom ashi akha taikang, “Ümchaü Shiikeawe jam ka maiqse rai she! Apaiq ka tsangshiq raishe misi. Kiimaq tsangshiq ka apaiq sengi she miraq. Shiikeawe apaiq ka tsangshiq rai nong nong she misi wan dam. Kiimaq apaiq ka tsangshiq Shiikeawe miraq.

Hawa Naga Bible 2001

³ Ngaz rueq hoc daungraungc maq jungx yaq kvjaz yunghvlc vshiz tay tauk kuex: “Majuiuc Tishox kuex miqsaz rulc vdvmz nuex httax yaq! Vpiq kuex tsuingshiq rulc vdvmz nuex httax tuex, tsuingshiq kuex vpiq miqsaz muex yaungx wuez tuex. Tishox vpiq shauk pumz kuex tsuingshiq rulc vdvmz nuex httax vtueq vpiq kuex tsuingshiq Tishox muex yaungx tuex.

Muklom

³ Nga lungwang tongching wang jujong aa ira raaq atha tat táng, “Sinn u! Shkewa katáng sha miqna jaktung na sey angta! Etho piq ning jamoq tong na etho ning tha piq miqtang angna. Shkewa piq hun ning jamoq tong na etho ning Shkewa angna.

Revelation 21:3 Referencias Cruzadas

1 HOKHVMX 8:27

“Shatmaq, O Shiikeawe lei, ümniika ara mangjong hiqrai khü na silichang ka mibin haü shea? Jamkhano ngukla ramungtan wang win sitlaq kra tlotli santla ümnaq singa miitu ka aranse miraq. Riita ikhiijiika ara ngi raq ahaiha Shomjam khoshose armong niika jamkho misiim haü?

2 KAÜWA WERAÜ 6:18

“Shatmaq O Shiikeawe lei, ümniika ngohea shaq shaq mangjong hiq na maiqse phong na maiqwe re nai jechakre phong niika misilot haü dea sha? Ramungtan jonglu tlaq kra santla, aranse, kiijaq ümkhum ka siim mak. Ikhiijiika ara ngi raq ahaiha Shomjam se armong niika ümkhiim ka jamkho misüm?

DUNGWVNC 25:8

Mungmaiqse raq Ngi miitu asii tombutiip ashi hai ratlo. Kriika Ngi tsangshiq rai sidam miitu.

DUNGWVNC 29:45

Ngi ka Israilnok phong na misi damha. Kiimaq Ngi ka tsangshiq Shiikeawe ma mirha.

ISAIA 12:6

Jajon na siti wiitarü raq rütrang ronglaq, lantea shi ronglaq! Israilnok asii Shiikeawe ka jonghea, kiimaq apaiq ka asenginok rai sitlo.”

JEREMIA 31:33

Ngi raq Israilnok rai tongshong anye shong tiikang kriika, akhiishe miraq: Ngi raq itri raütu ka tsangshiq khum niishe mithüha kiimaq tsangshiq mongjii na miwaiq kuqha. Ngi ka tsangshiq Shiikeawe miraq. Kiimaq tsangshiq ka isengi miraq.

JEREMIA 32:38

Kiitiikaq tsangshiq ka isenginok she miraq. Kiimaq Ngi ka tsangshiq Shiikeawe she mijaha.

EJEKIEL 37:27

Ngi ka kiijaq tsangshiq rai adam she misi wanha. Ngi ka tsang Shiikeawe miraq. Tsangshiq ka Isenginok miraq.

EJEKIEL 43:7

“Maiqse lei, Ngi hokham ngacho ka arjaq. Ngi ka arjaq Israilnok rai misiha. Lata tsangshiq ka pattup pat-sa miitu she mipeng wanha. Israilnok mungmaiqse raq kiimaq tsangshiq hokhambi raq jiimin, i mangchong asii arka ahin phra thun shomnoq raüta riimakla, tsang hokhambi maa thun ka lap raüta tiishe shi mak she miraq.

EJEKIEL 48:35

Chela trotam na siimblai ri wa kiitelong peruk ka alu nü na tlotli mitar hingtiikaü. Kiimaq chela mang ka ümchaü armiishe, “Tatiwe-KA-ARJAQ ASI!” nguta miraq.

JEKERIA 13:9

Kiimaq ngi raq mantsam wa manshi tiichong tlaq kra, wa mong maq mitleaha, lata kampho ikha wa na michenha. Chaq chentlaq ikha tsangshiq ka michenha. Kiijiishe tsangshiq raq, ijaq wa achu mijaü. Kiimaq ngi riimin mitreha, Ngi raq, ‘Tsangshiq ka isengi,’ nguta minguha, Kiimaq tsangshiq raq mingu, Tatiwe ka nashiq Shiikeawe.”

JEKERIA 8:8

Lata raq tsangshiq ka shedong mung maq riita shenyap mung na saüli atsuq wan kiiwa Jerusalem chela niishe mitiisi wan ha. Tsangshiq ka isengi ma mija. Kiimaq ngi ka tsangshiq Shiikeawe ma mija ha. Lata ngi raq tsangshiq ka tsapkapkap miishe kiimaq tingting tri sham lata mirüm wan ha.

John 1:14

Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.

John 14:23

Kiijiishe, Jesuq raq apaiq bom ka treto, “Jurwa ngi lungwii tlaq, kriiti ka i wokhong na, i bom chong ka phaqchii nichii maq tai raüta misi. I We raq apaiq ka kai milungwii. Kiimaq, i We nainai ka kilaita, apaiq rai adam na misi hai.

2 Corinthians 6:16

Shiikeawe asii shomjam ka thawe makchuk jam rai apong dam chang lamlu min asi sha? Nashiq ka atra Shiikeawe sichang shomjam ahata! Shiikeawe raq akha chongto: “Ngi raq I jamjong ka I sengi rai mihai ha, Lata tsangshiq rai misiha, ngi ka tsangshiq Shiikeawe ma mijaha; kiimaq tsangshiq ka I sengi miraq.”

2 Corinthians 6:18

Ngi ka namwe jong ma mija kang, kiimaq namshiq ka I setiim, maiqwe sere nai jechak sere ma mija wan han, nguta Ajong TATIWE raq chongtlo.”

1 Thessalonians 3:11

Nashiq Shiikeawe, nashiq ma Awejong Shiikeawe, Apaiq raq, kiimaq nashiq Tati Jesuq Khristo raq, naishiq ka namshiq phana wa miitu lam midi kuq laq nguta achuli jaütiikai!

Hebrews 11:16

Kra rii na, tsangshiq ka ramungtan na tsangshiq miitu hiqshong rahai, athuk atsom thü tlaq kiijaq saü tlo hai jiilei nguta maklii khamthii maq siwanto. Krai mren, Shiikeawe raq tsangshiq ka apaiq sengibi ma tiija wan dam miitu Shiikeawe ka jeasi mak. Kiimaq krai mren, Shiikeawe raq tsangshiq miitu tsangshiq siwan chang hiqshong rahai chela ashi tei kuqto.

Hebrews 8:10

Riita ija, ümchaü sanha, Ngi raq rawiichii ji na Israilnok ka, I tongshong anye miishe mitiiham nong ha. Arka, Ngi Tatiwe raq chongtiikang. Ngi raq I thungtri raütu thun ka, tsangshiq khutsai na mithii kuq ha, Kiimaq tsangshiq tsan mong na miwaiq kuq ha. Lata, Ngi ka tsangshiq Shiikeawe ma mija ha. Kiimaq tsangshiq ka I sengi ma mija.

Hebrews 8:2

Apaiq ka ümchaü, Asii thaq niimin Asii Khok siqlaitap niishe nga raüta, Ajong Pinthum Ramwe ma ja raüta, Shiikeawe shomnoq jaqsham tlo. Riita ara chongtiikai, ramungtan na sitlaq, Shiikeawe shomnoq chang chiisan jolitiip sitlaq kriika, Tati Shiikeawe raq ahai. Maiqse jaq maq ahai ka riimak.

Revelation 10:4

Tsangshiq raq kra chonglot ri she, ngi raq awaiq riithü la nguta dankang. Shatmaq, ngi ma ramungtan maq maiq bom ashi raq, “Ramok miishi raq jamlai bom wa chongtaq kriika kaiqshak maq apaü laüta thülaq. Kriika naq waiqthü kiq!” nguta tiiwin riimto taikang.

Revelation 10:8

Kiijiishe, ngi raq tai kang ra wa maiq bom kriiraq hali ngi ma thongshiri hali, “Kilaq. Laüta rase jü mong na nai takii na chap raü jaq na, lakdam komse tlinje ka jaükikiq” nguta thaü nongto.

Revelation 12:10

Kiijiishe, ngi raq rasetiim raq ramungtan na hong raüta akha chongto taikang, “Ümchaü nashiq Shiikeawe ajong we raq rekhat ka tangto she. Ningkun ajong rümti hokham Shiikea, apaiq Messia raq apaiq ningkun tiichhi kuqto she. Ümchaü sanha mangjong hiq ka ajaq khong mong niishe. Naphu nano Shiikeawe man na ranaiq rawa shaphaqti we, Thawe ka ramungtan wa, mangjong hiq niishe tiidea baiqto.

Revelation 21:7

Jurwa rekhat tang tlaq kriiti raq i jaq wa ara milap: Ngi ka apaiq Shiikeawe miraq. Kiimaq apaiq ka i se miraq.

Revelation 22:3

Shiikeawe manson raq ham tlaq phan ka, ara chela na ahü she. Shiikeawe nai Skuse ngachang hokham ngacho ka chela mong na miraq. Kiimaq apaiq jaqshisetiim ümchuwa sitlaq kriiraq, apaiq ka mishom noq.

Revelation 7:15

Arningkhan she, ümchaü sanha, tsangshiq ka Shiikeawe wokhong niishe, apaiq shomnoq ranaiq rawa, apaiq shomjam mong na sitlaq ara. Ümchaü sanha, hokham ngacho na ngati we raq, tsangshiq ka achi arakhong maq pangshat she.