Revelation 17:9 - ASII LAKDAP Bible (BSI)

⁹ “Ara tak wan miika, taksu phaqchi nai anyan phaqchi raa tlo. Kra akhupho miishi sitlaq kriika hiq lam lam miishi, Jechak nyung ngatlaq kra shiiton. Kiimaq akhupo miishi kriika, hokham wemiishi raq mung milangki kra ngo riito.

Hawa Naga Bible 2001

⁹ “Vruex lvmx vyuq seng vtueq taksux tharc nuiyc vtuiuz vtay httaz yaq. Vkhux poz mvshix kuex yalxjuik nyuiuz ngaungc yaq kanx mvshix ngoc rvtueq. Hokhvmx waz mvshix ngoc muinz rvtueq.

Muklom

⁹ “Iri rangma tallam etho asam atol ang ching. Sanat kho tang sha miqnu tong aa sanat kangphang tang. Esha sanat lungwang tang tho atha.

Revelation 17:9 Referencias Cruzadas

DANIEL 12:4

Apaiq raq ngi ma nguto, “Riita, Daniel lei, kra lakdamkom ka, ümchaü akom laüta shaq thülaq. Laüta phangthum akhing misaüho shaq wiiwii, sil maq trap laüta phan thü laq. Kiimaq kra liipan na maiqse pahea raq, jamlai mra wa pin tlaq kra, sap wan haijaq nguta atu na phaqchi rit, kai mihun niiwan.”

Hosea 14:9

Taksuti raq tak wan ronglaq. Ara bomchong ara. Tatiwe tri lam phan ka tingting. Tingting maiq raq arlam miphan wan. Raüta mishongnga wan. Shatmaq ngarai maiqse arjaq mithap wan. Tsangshiq raq tri raütu shipoq wanto.

Matthew 13:11

Kiijiishe Jesuq raq treto, “Ramungtan sap wan anyan phaqchi apaü raüta athü kra namshiq miika kuqto she. Shatmaq tsangshiq miika tiichhikuq mak dea.

Matthew 24:15

“Daniel shammi we raq, ‘Riiqkhiq Ashe Sumla Ka Shomjam Na Miraq,’ nguta chongthütaq bomtsi kra kupi wan ka namshiq riishe michhi han. Kriika Shomjam mong na Asii khok kiijaq chap raü michhi han.” (Aphat wanti raq ara liichum arka samhea maq tak rong laq!)

Revelation 13:1

Kiijiishe, ngi raq ngamthaiq kaü ashi sammoktra jü mong maq dong wanto chhikang. Arong ka roqshi. Kiimaq akhupo ka miishi. Arongtek na hokham khuphok phok raqraq riito. Kiimaq akhupotek na mang tiiwaiq raqraq asi. Kra mang tiiwaiq tlaq kriika, Shiikeawe shummii mang siisaq.

Revelation 13:18

Ara waiqtaq ara liichum tak miitu ka, namshiq taksu maiqse ma jawan raa tlo. Ümriiti wa taksu maiqse, kriiti raq ara ngamthaiq kaü lombot liichum ka mitak lot. Jamkhano ngukla, kra lombot ka maiq weshi mang liichum. Kra lombot ka 666.

Revelation 17:18

“Ümniiraq chhi laü jechak nyung kaü kriika, mangjong hiq na honyung hokham bi sitlaq kra pengti, ajong pinthum chela sitlaq kra nangnga ngutlo.”

Revelation 17:3

Kiijiishe, Asii Wenyi raq ngi ka rom wanto. Kiimaq rase raq ngi ka kumtsaiphii na sheahoto. Kiijaq ngi raq jechak nyung ashi ka, shiiroro ngamthaiq kaü raikhü na nga raü chhikang. Kra ngamthaiq kaü khum niika, Shiikeawe shummii mang thun pahea, diim phinphin tiiwaiq raqraq asi. Kra ngamthaiq kaü khupo ka miishi. Kiimaq arong ka roqshi.

Revelation 17:7

Kra chhi raüta, rase raq ngi ma nguto: “Ümniika jam nguto wangthang raiho laü?” nguta rase ngi ma waito. “Tailaq, ngi raq ümniima, ara jechak nyung rilung liichum, apaü raüta athü kra nai apaiq chao tlaq ngamthaiq kaü, akhupo miishi, kiimaq arong roqshi sitlaq kra liichum kra chongkuq pha.