Revelation 15:2 - ASII LAKDAP Bible (BSI)

² Kiijiishe, ngi raq chamni phong ka walü tu nyai rai tlaq mong na liirai tlaq ikha, achhai anyii wa henghea chhai rai tlo chhikang. Kiimaq sammoktra jü maq adong ngamthaiq kaü kiimaq, kra ngamthaiq kaü sumla, kiimaq ngamthaiq kaü mang lombot maq tiiwaiq wan mak maq riikhat raüta, rekhat tang wanti thun maiq phong kriimin ngi raq chhikang. Tsangshiq ka kra chamni phong liliim chhai rai tlaq kra tho na chap raqraq riito. Shiikeawe raq tsangshiq ma akuq phaqlam toro thun ka, tsangshiq jaq na doraq chhaq maq, chapraqraq.

Hawa Naga Bible 2001

² Kvruex yimaq wvr maq vtvshot jamnac jumx ikhoc phvnshiz kuex ngaz rueq khiz tauk. Svl vwvl kuiux nuiyc piq yac yuimx muinz, lombot muingc kuex guimz jix waz muinz, taungx gay jix hez muinz ngaz rueq khiz tauk. Tsuinghez kuex Tishox rueq vkuq torox htenc shuimx vtueq jamnac jumx ikhoc hep nuex jvp wuez yaq.

Muklom

² Etho nga wal jamoq thanol aa ashey shisha jungshi mal khi táng etho bari miqtang sha jatngam sho etho ushila etho piq miing o wat sha jin aa tha nga ning sha khi táng. Ning sha shisha jungshi relna Shkewa ning ma kot aa tung akhak sha lo eq langta.

Revelation 15:2 Referencias Cruzadas

Matthew 3:11

Ngi raq namshiq ka ngarai tiidii wan lan she nguta hakhi kham lamlam li lamkuq wan tiikang. Shatmaq i jai na kaiti we raq namshiq ma Asii Wenyi nai waniitu miishe kham ka milam kuq wan. I jai na kaiti we ka ngi thaq na ajong. Ngi ka apaiq hokpa kra shamke wanti dise khan min thek mang anun pinthum.

1 Peter 1:7

Ara chamchao litkot riihum tlan arka, namshiq kamasham ka awongsii dea nguta chen tlo. Chaq ka athen kai chang hupsam. Shatmaq wa maq tiijo chaq raütiitiq chen tlo. Krai mren, sii hali, namshiq kamasham ka ara chongtiikai chaq piikii thaq niimin ara phan. Kriikha maq, chamchao wa maq tiikhiim chaq raüta chen tlo. Kra riihan jiitiq, Jesuq Khristo saükai akhing na, Shiikeawe raq namshiq kamasham ka mishom ra. Kiimaq namshiq khushü ka mijong. Kiimaq ashreng miraq.

1 Peter 4:12

Lungwii phunainotiim lei, ümchaü bala kamtsantsii maitai namshiq chamchao walü mong maq learai wan tlan kra ningkhan, namshiq ka jamkho chamchao kikai nguta naq wang thang rongkiq. Saüthin wan mak chang phan saürai wan tlo riimak sha nguta naq chapa rongkiq.

Revelation 12:11

Tsangshiq raq apaiq ka Skuse tiijai maq nai, tengteng bomtsi chongkuq wantaq kriimaq tang wanto she. Tsangshiq raq atsai ma kham raüta, tengteng bomtsi ka chongkuqto.

Revelation 13:1

Kiijiishe, ngi raq ngamthaiq kaü ashi sammoktra jü mong maq dong wanto chhikang. Arong ka roqshi. Kiimaq akhupo ka miishi. Arongtek na hokham khuphok phok raqraq riito. Kiimaq akhupotek na mang tiiwaiq raqraq asi. Kra mang tiiwaiq tlaq kriika, Shiikeawe shummii mang siisaq.

Revelation 13:14

Ara hiq mong maq adong anai ngoja ngamthaiq kaü ma, sammoktra jü mong maq adong apha ngamthaiq kaü makki na, awang chang jaqsham wan miitu arang kuqto. Kra awangchang jaqsham pahea sham wantaq kra lümiishe, mangjong maiqse kunli ka, ngarai lam na lao wanto. Kra hiq mong maq adong anai ngoja ngamthaiq kaü raq, sammoktra jü mong maq adong, apha ngamthaiq kaü ka ja maq ase baiq, atsai arki wa, atra she jang wan nongtaq kra ngamthaiq kaü khushü tiijong miitu, sumla phra ka ashi hai raa dongdii ngutiishe aming kuqto.

Revelation 13:17

Ara jü mong ma adong apha ngamthaiq kaü abi khoqramkii maq ju dü niiwa waiqhü riijiiq, kriiti riika, ari athii jamlai min rithii lot mak kiimaq asha ata min shata lot mak miraq. Kra waiq tlaq ka ngamthaiq kaü mang. Riimak la, ngamthaiq kaü mang lombot.

Revelation 21:18

Khetuk ka jaspar longseng maq ahai wan. Kiimaq chela mong riiwe kla chiisan chaq ngam maq ahai wan, chamni chhai rai tlaq ikha wüjang jang hea ali aliim wahea la riito.

Revelation 4:6

Kiimaq hali, hokham ngacho khaki na sammoktra jü chhai wa ikha, chamni phong maklüp jaqlüp wüjang jang hea achhai anyii chhikang. Hokham ngacho ka komtlii siimblai wiita na, ngamkaü kaüblai asi. Kra ngamkaü tiim ka tsangshiq khum na, khaki niimin kiimaq ajai nü niimin, amakpo siisaq diimshat asi.

Revelation 5:8

Apaiq raq kra jaüri, atra ngamkaü blai nai nyungwere roqnai ri blai ka, Skuse khaki na hiq na bumrang riito. Tsangshiq khumtek jaq na toropo nai chaq winpin shamraqraq riito. Chaq winpin niika, Shiikeawe sengi achu jaü honglu homseng athü, asho awo amachhaq riito.