Revelation 13:6 - ASII LAKDAP Bible (BSI)

⁶ Jü mong maq adong ngamthaiq kaü raq, Shiikeawe mang, Shiikeawe sichang hiq, kiimaq ramungtan na siti bi thaq na manson kiqsü she riihoto.

Hawa Naga Bible 2001

⁶ Piq rueq Tishox nuiyc vpiq muingc jungc kvmuinz, vpiq httax yaq raungmungx nuiyc kvruex mungx nuex httax yaq lotlaz muex muinz yomnamc yaq.

Muklom

⁶ Etho piq aa Shkewa, umiing, utongching katáng, etho mungtan na tongtey thaji tha junnam ma, unung tha kata.

Revelation 13:6 Referencias Cruzadas

YOBA 3:1

Akha riikharai jai she Job raq bom ka tiipu phahoto. Raüta apaiq rawiichhi ranaiq ka akha son phahoto.

Tvtsvmc 73:9

Tsangshiq raq ramungtan na siti Shiikeawe ma abi kli bomtlo kiimaq mangjong hiq na maiqse ma tiihang tiihiiq amingli kuqtlo.

DANIEL 11:36

“Siria mung hokhamwe raq, apaiq raq athithi kli miklo wan. Apaiq raq apaiq ka phra thun thaq niimin, ajong nguta mitiishom rasiq. Apaiq ka Ajong Thaq Na Ajong Shiikeawe thaq niimin ajong nguta mitsütsitsiq. Apaiq raq ara abi kiimung arka, Shiikeawe raq apaiq ma mo tiiho akhing ranaiq na saüli miklo wan. Shiikeawe riika apaiq raq jamkho thimi wantaq kra phanphan miklo wan.

DANIEL 7:25

Apaiq raq Ajong Thaq Na Ajong Shiikeawe kra mishummii. Kiimaq Shiikeawe sengi wiita, hok maq nishishi mitiichamchao. Apaiq raq tsangshiq Shiikeawe, shomnoq thunglai nai poi tri thun ka, laibaiq wan mitan khan. Kiimaq Shiikeawe sengi ka, apaiq raq wiitsam ri wiithiq mijam sha wan.

DANIEL 7:8

Ngi raq arong thun ka liirat tiikang liipan niili, ara arong phong mong na, arong aranse ashi hali cham wanto chhikang. Kra arongse raq, kongkhu wa arong phong kiiwa, atsam ka arangchong maq chatbaiqto. Ara rongti ka maiqmak ikha, amakpo min asi. Kiimaq anübok miika pinthum shiikong miilong bomtlo.

Matthew 12:34

Namshiq ka paüsang nyiqla kong! Namtsan mong na anyaq rüm wan tlanti raq, bomhea ka jamba wa hum lanto mibom han? Maiqse tsan mong na jamlai phan wa sitlaq, kriili apaiq raq anübok maq mibom.

Matthew 15:19

Akhek ka maiqse tsan mong maq dong tlaq tiima tsantsii abi rüm tlaq kra kata abi pinthum. Maiqse tsan mong na tiima abi rümtlaq kra riili she, maiqse ka matwe ma tiija tlo, maiqchak maiqse rai sra raüta, sipe ma tiija tlo, kiimaq junshüm riirüm sethoq sepii tiija tlo, ahuk arot ma tiija tlo, arot hakhi ma tiija tlo, maiq chongseati ma tiija tlo.

John 1:14

Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.

Romans 3:13

Tsangshiq nübok ka maiq maakho linje athü ikha, tsangshiq tili ka paü lai tu ikha; maiqtsea chang liipu liqsinkii ikha.

Colossians 1:19

Arka Shiikeawe apaiq tsantsii maq lungwii raüta Ase khum na, Shiikeawe apaiq rong arai ka kunkun tiipo kuq wanto.

Colossians 2:9

Ara jamkhano chongtiikang ngukla, Khristo ka maiqse han-ngam khum na pokitaq kiijaq, ara han-ngam khum na Shiikeawe asii rilung rong arai nai apaiq asii phara ka, Shiikeawe apaiq khum na jamkho sitlaq, kiikha kunli asi.

Hebrews 9:2

Shiikeawe shomnoq chang ka tombu maq, jolitiip chan tlo. Kra tiip ka among na khok anai asi. Rin khokti kriika, Asii khok nguta ngutlo. Kra khok mong niika, piijongteng tochang nai ramwebi raq Shiikeawe ma honglu na akuq winsii thü chang chamrii thü tlo. Chamrii na winsii ka thü ruq phan.

Hebrews 9:24

Krai mren, Khristo ka maiqse jaq maq ahaihun jolitiip, Asii khok mong kiijiika wamak dea. Maiqse raq, jaq ma ahaihun jolitiip kriika, ramungtan na chiisan jolitiip sitlaq kra sumla li. Shatmaq, Khristo ka lakshi miili ramungtan na wawanto. Raüta, ümchaü ka apaiq, Shiikeawe man na ngatlo. Raüta, nashiq khrum kuq tlo.

Revelation 11:12

Kiijiishe, shammi we nai raq ramungtan maq tsangnai ma tiihong raüta achong maiqbom ashi akha taito, “Warong ra ana!” Krai mren, tsangnai jaqtibi maklii rashra niili she, tsangnai ka phum rai, ramungtan na wawanto.

Revelation 12:12

O ramungtan thun lei, ümchaü sanha chochi rong liishe! Ramungtan na siti tarü chochi rong liishe. Shatmaq, ümchaü ka mangjong hiq nai sammoktra jü ma, phiiptsi chang she saü wato. Thawe ka namshiq phaniishe satkito. Atsankhiq wa wanii tu kaü piraü she satkito. Apaiq ma mangjong jamsha wan rahiq akhing ka athum wan she!”

Revelation 15:5

Arjai miishe, ngi raq ramungtan wa shomjam kilü ka dito chhikang. Shiikeawe ngachang tiip ka shomjam mong na riito.

Revelation 18:20

Chochi ronglaq, o ramungtan lei, arnyung thentaq ara miitu! Chochi ronglaq, Shiikeawe sengi, kiimwebi kiimaq shammibi lei! Apaiq raq namshiq ma haihii wantaq, kriikha na Shiikeawe raq namshiq tiichhii wan, apaiq ka tüsaiq she tiishut baiqto!

Revelation 21:3

Ngi raq hokham ngachang ngacho maq tiihong raüta abom, maiq bom ashi akha taikang, “Ümchaü Shiikeawe jam ka maiqse rai she! Apaiq ka tsangshiq raishe misi. Kiimaq tsangshiq ka apaiq sengi she miraq. Shiikeawe apaiq ka tsangshiq rai nong nong she misi wan dam. Kiimaq apaiq ka tsangshiq Shiikeawe miraq.

Revelation 4:1

Arjai miishe hali, ngi raq ra nü na liikangta, ramungtan na kilü ashi ka atiidi raü chhikang. Kiijiishe, ngi ma kongkhu lak na chongketi, abom lerong tsü heng ikhiiwe kriiraq hali, ramungtan maq, “Ana wara. Ara rawii shiqwii hongtha wan chang bomchong sitlaq ara, ngi raq ümniima tiichhi kuq pha. Arthun arka hongtha wan chang dongdii,” nguta ngi ka heato.

Revelation 4:4

Hokham ngacho komtam na, hokham ngachang ngacho ahin ka roqnai ri blai asi. Kiijaq nyungwere shiilangbi roqnai ri weblai ngaraqraq riito. Tsangshiq miirii ka alü, kiimaq tsangshiq ka chaq khuphok phok raq raq.

Revelation 5:13

Kiimaq, ngi raq atra phan ümchuwa sitlaq, ramungtan na, mangjong hiq na, wulum mung na, kiimaq sammoktra jü mong na atra tsitsü asi phan ümchuwa, ara ra nai hiq raq aham na diim tlaq tarü kunli raq, akha ashi trang taikang: “Hokham ngacho na ngati we nai Skuse ma, shomra, shreng, khushü, kiimaq ningkun kli pattup pat-sa misi laq!”

Revelation 7:15

Arningkhan she, ümchaü sanha, tsangshiq ka Shiikeawe wokhong niishe, apaiq shomnoq ranaiq rawa, apaiq shomjam mong na sitlaq ara. Ümchaü sanha, hokham ngacho na ngati we raq, tsangshiq ka achi arakhong maq pangshat she.

Revelation 7:9

Arjai miishe, ngi raq liinong kang. Liikangta, kiijaq mungmaiqse phong angu kla jako michong. Ahing amun, awea lot chang riimak chhikang! Tsangshiq ka maiq aphantek wa, kaüwa tek wa, mungtek wa, kiimaq maiq aphan aphan bom tek wa athung rai. Tsangshiq ka hokham ngacho na ngati we nai Skuse ngacho khaki nü na chap raqraq maq thungto chhikang. Tsangshiq ka khealü miirii samtong jong sam raq chhaq riito. Kiimaq tsangshiq jaq na taitsi hii doraq chhaq maq chapraq raq riito.