Revelation 13:15 - ASII LAKDAP Bible (BSI)

¹⁵ Kra hiq mong maq adong wanti ngamthaiq kaü ma, arang kuq raüta, jü mong maq adong, apha ngamthaiq kaü sumla ahai kiijaq tsitsü tiithii kuqto. Krai mren, sumla ka atra miishe, abom asa wa liishe sam wanto. Kiimaq maiq jurwa kra sumla ka shomnoq mak riijiiq, kriiti thun ka tsea baiq miitu ningkun kuqto.

Hawa Naga Bible 2001

¹⁵ Kvruex yac yuimx kuex kvjaz kvjak lvp tvkoc muinz, piq muex nawk palx muq jix htenc kuex tvthueyc gay tvkoc muinz, vnueyc ngoc yaungc svl vwvl kuiux rueq kvruex yac yuimx kvyuq thuiuzthuic htawc kuy vkhangx lvp tueq.

Muklom

¹⁵ Phang jatngam shila sha utak hum ma piq ma tarong kota irimal ang eq shila sha jin wan angna etho piq shumnuk moq tey tang thaji sha tatik chakna.

Revelation 13:15 Referencias Cruzadas

RAPHA HIQWA LAK 2:7

Kra raütiishe Tati Shiikeawe raq hiq ka phanshise tsunto. Raüta kriimaq maiq weshi kloto. Raüta apaiq raq tsitsü rilung ka akhüpu wiinai na meikuqto. Kiimaq maiqwe ka atra miishe jawanto.

Tvtsvmc 115:5

Tsangnübok ka asi, shatmaq bomlot mak; kiimaq tsangmak posetiim ka asi, shatmaq chhimak.

JEREMIA 10:14

Arthun ara chhi raüta, maiqse ka angikong kiimaq sunghü tsiihükong ma jakitlo. Sumla phra thun tiiqti ka tsiim jüshushu, jamto ngukla tsangshiq raq atiiq tisho thun ka arot kiimaq atsitsü ahü.

JEREMIA 10:5

Akhnok sumla phra thun ka kumpiip rü na khala tiihai ma sumla ahaithü ikha; tsangshiq ka abom min bomtsü mak. Tsangshiq maiq raq api wan chang. Jamkhano ngukla tsangshiq ka khumtsü mak. Tsangshiq ma naqhai rongkiq; tsangshiq raq ümniika jamkhiimin riilot mak, kiimaq tsangshiq raq ümniima ahea jaq min shamkuqlot mak.”

JEREMIA 51:17

Arthun ara chhiraüta, maiq thun ka angok angi ikhli sitlo, sunghü tsiihü she jakitlo; sumla tiiqtibi ka tsiim jüshushu she sitlo. Jamkhano ngukla tsangshiq raq alo phra thun ka arot kiimaq rilung tsitsü ahü.

DANIEL 7:20

Kiimaq ngi raq, akhupo na arong roqshi sitlaq kra, kiimaq jai maq apong wan, arong ashiti kriiraq, arong roqshi phong wa, rongtsam ngok baiqtaq kra samhea sap wan rokang. Kra rongti ka amakpo min asi, kiimaq anübok min asi. Kiimaq anübok maq pinthum shiikong tsütsittlo. Kra rongti ka arong ahinti thaq na phiiptsi jiiptsi chang riito.

DANIEL 7:25

Apaiq raq Ajong Thaq Na Ajong Shiikeawe kra mishummii. Kiimaq Shiikeawe sengi wiita, hok maq nishishi mitiichamchao. Apaiq raq tsangshiq Shiikeawe, shomnoq thunglai nai poi tri thun ka, laibaiq wan mitan khan. Kiimaq Shiikeawe sengi ka, apaiq raq wiitsam ri wiithiq mijam sha wan.

HABAKUK 2:19

Phiiptsi chang jo, ümniima! Pepan nang nga, “Akonwa samlaq” nguta hea tlaü! Longkaü nang nga, “Tiido laq!” nguta hea tlaü. Phra Sumla raq ümniima, shammi bom michongkuq shea? Arka chaq ngam nai kampho ngam maq li alorat, akhum na tsitsü ahü.

James 2:26

Riita, ara chongtiikai arai mren, Phungmaiqse ashi raq, kamtsantsii ka rümtiikang ngu raü, apaiq raq ajaq sham maq tiichhikuq mak jiika, apaiq raq rüm tlaq kamasham kriika achhii, awong ka ahü. Kriika maiq maa ashi bumrai tlaq ikhli miraq.

Revelation 13:1

Kiijiishe, ngi raq ngamthaiq kaü ashi sammoktra jü mong maq dong wanto chhikang. Arong ka roqshi. Kiimaq akhupo ka miishi. Arongtek na hokham khuphok phok raqraq riito. Kiimaq akhupotek na mang tiiwaiq raqraq asi. Kra mang tiiwaiq tlaq kriika, Shiikeawe shummii mang siisaq.

Revelation 13:12

Ara hiq mong maq adong ngamthaiq kaü raq, sammoktra jü mong maq adong ngamthaiq kaü ningkun ümchuwa sitlaq kra ho raüta sito. Krai mren, ara hiq mong maq adong ngamthaiq kaü raq, mangjong hiq raikhü na siti, maiqse angu kunli ma, sammok tra jü mong maq adong ngamthaiq kaü, ami aheakai wishe kra shomnoq wan raa dongdii ngutiishe, ningkun ningkaq miishe shiikeng raüta tiishomnoq wanto.

Revelation 13:14

Ara hiq mong maq adong anai ngoja ngamthaiq kaü ma, sammoktra jü mong maq adong apha ngamthaiq kaü makki na, awang chang jaqsham wan miitu arang kuqto. Kra awangchang jaqsham pahea sham wantaq kra lümiishe, mangjong maiqse kunli ka, ngarai lam na lao wanto. Kra hiq mong maq adong anai ngoja ngamthaiq kaü raq, sammoktra jü mong maq adong, apha ngamthaiq kaü ka ja maq ase baiq, atsai arki wa, atra she jang wan nongtaq kra ngamthaiq kaü khushü tiijong miitu, sumla phra ka ashi hai raa dongdii ngutiishe aming kuqto.

Revelation 14:11

Tsangshiq tiikhiim chaq chang walü nai wakhuk ka pattup pat-sa matki mak phan she miraq. Ümriiti wa ngamthaiq kaü ka shomnoq tlaq lo, apaiq sumla ka shomnoq tlaq, kiimaq tsangshiq dü na apaiq mang sitlaq, kriiti thun ka ranaiq rawa chamchao wamong niili she mikhiim wan.”

Revelation 14:9

Kra kongkhuwa rase nai anai kra tiijosaq niishe, rase atsam ngojati riishe hali, akha hong raüta rüm chongto, “Ümriiti wa ngamthaiq kaü shomnoq tlaq kiimaq apaiq sumla kra shomnoq tlaq, kiimaq apaiq abi khoqramkii maq maiqmii khakam na lo, maiqmii jaq na lo tiiwaiqtlaq,

Revelation 16:2

Krai mren, rase ashi ngojati ka mangjong hiq na kito. Raüta, ajaq wa Shiikeawe tsankhiq winpin kra raü baiqto. Krai mren, ngamthaiq kaü sil maq tsangshiq khum na awaiq wanti nai ngamthaiq kaü sumla shomnoqti khum na, maiqphiip maiqjiip atsam tha she dongwantoto.

Revelation 16:5

Kiijaq ngi raq kham thaq na arang howanti we rase raq akha Shiikeawe ma chongto taikang, “Ümniika Asii; Ümniika man na min asi, ümchaü min asi! Mangjong hiq na ümniiraq arthun chamchao tiisaü tlaü arka tri na riikhaqli thek tlo!

Revelation 17:14

Kra ngamthaiq kaü nai hokham weroqshi raq, Skuse ka mikhat. Shatmaq, Skuse nai asengi raq tsangshiq ka mikhat wan. Raüta mitang. Apaiq ka Tati ajong pinthum. Apaiq ka hokham thaq na Hokham. Tatiwe thun thaq na Tati. Kiimaq tsangshiq ka Shiikeawe raq ashong kiimaq atsea wan kiimaq tsangshiq ka apaiq ma pinthum kamtsantsii thü raüta siwanti.”

Revelation 17:17

Kra hokham weroqshi raq, ara misham wan. Jamkhano ngukla, Shiikeawe raq tsangshiq ka, apaiq raq jamlai wa thimi wantaq, kra tiisham wan miitu, tsangshiq tsan mong na athiike kun she. Kiimaq ara ningkhan tiina, tsangshiq tarü raq, hokham arang ho tlaq kriika, ngamthaiq kaü ma kiqshi maq mikiinong kuq wan. Raüta, Shiikeawe kiimung kra miku wan shaq wiiwii, tsangshiq ka ngamthaiq kaü jaqtakiq na misi.

Revelation 17:6

Ngi raq kra nyung ka, asii maiqsetiim tiijai nai Jesuq hakhi ma jawanti tsatbaiq wantaq kra tiijai nyang raüta, chephe maakaiq chhikang. Ngi raq apaiq ka chhi lata pinthum awang raili she riikang.

Revelation 18:20

Chochi ronglaq, o ramungtan lei, arnyung thentaq ara miitu! Chochi ronglaq, Shiikeawe sengi, kiimwebi kiimaq shammibi lei! Apaiq raq namshiq ma haihii wantaq, kriikha na Shiikeawe raq namshiq tiichhii wan, apaiq ka tüsaiq she tiishut baiqto!

Revelation 18:24

Bebilon chela shiithen baiqtaq ka Shiikeawe shammibi nai Shiikeawe sengi tsea baiq wan kha na shiithen baiqto. Arka tengto, mangjong hiq na maiq tiijai ümchuwa tiidongtaq thun ka apaiq riito.

Revelation 19:20

Kra ngamthaiq kaü nai apaiq jaqshi arot shammi awang chang jaqshamti we ka kharü maq khato. (Ara arot shammi we raq pahea awang chang jaqsham wanto. Kiimaq ara awang chang jaqsham wantaq kra lümaq apaiq raq maiqse pahea laoto. Apaiq raq lao wan kha maq, tsangshiq khum na kra ngamthaiq kaü sil maq tiikhat waiq wanto. Kiimaq ngamthaiq kaü sumla ka tsangshiq raq shomnoq wanto.) Kra ngamthaiq kaü nai arot shammi we ka sammoktra jüchum jonghea ikha walü jonghea nyiimwin wa nyai rai tlaq ikha lü tlaq wamungtan na tiidea baiqto.

Revelation 20:4

Kiijiishe, ngi raq hokham ngachang ngacho thun ka chhikang. Kiimaq hali ngi raq Jesuq tsütsa nai Shiikeawe bomtsi ka tsapkapkap maq traho bom chongke wan kha na, atsatbaiq wanti maiq tsaiji thun min chhikang. Tsangshiq raq ngamthaiq kaü lo, ngamthaiq kaü sumla lo kra shomnoq mak dea riito. Kiimaq tsangshiq raq ngamthaiq kaü abi khoqramkii maq tsangshiq khakam na lo, tsangshiq jaq na lo, tiiwaiq wan mak dea riito. Tsangshiq ka amaa wa dong wan nongto. Raüta hokham ngacho na ngatlo. Jamkhano ngukla, Shiikeawe raq tsangshiq ma hokham jawan arang ka kuqto she. Kiimaq krai mren, tsangshiq raq Khristo rai rawii hingshi mung she milang dam.