Revelation 13:1 - ASII LAKDAP Bible (BSI)

¹ Kiijiishe, ngi raq ngamthaiq kaü ashi sammoktra jü mong maq dong wanto chhikang. Arong ka roqshi. Kiimaq akhupo ka miishi. Arongtek na hokham khuphok phok raqraq riito. Kiimaq akhupotek na mang tiiwaiq raqraq asi. Kra mang tiiwaiq tlaq kriika, Shiikeawe shummii mang siisaq.

Hawa Naga Bible 2001

¹ Kvruex yimaq svmuktvrax wawc vrungx rokshiz rac vkhux mvshix httax yaq svl vwvl kuiuz shiz dung wvnc yaq kuex ngaz rueq khiz tauk. Vrungx rokshiz kvyuq khushec vphuq buz taq tueq; vkhux poz tek nuex muinz Tishox muex yomnamc juing muingc kuex wuiyq shec tueq.

Muklom

¹ Nga ashey jatngam jungshi wang thalat atha khi táng. Piq ma asi rong tang etho sanat kho tang angta. Urong thina asi lungwang khopok, etho ukho tang thina Shkewa junnam ma miing thawit ta.

Revelation 13:1 Referencias Cruzadas

JEREMIA 5:22

Ngi ka Tatiwe; Namshiq ngi ma hai man ka jaro? Namshiq raq ngi ma namhai tiisiman jaro ngikilan? Ngi raq khamjong chumkii na kumtsai ka phong lata khamjong chum hiq rai thükang. Kriika pattup pat-sa miitu. Kham raq liim wan lot mak she. Khamjong chum ka rathaiq wan raüla miblunrai sham. Shatmaq ara takii rai ka lüm wan lot mak she. Khamjong chum ka miblun siq wan sham. Shatmaq takii raikang kra lüm wan lot mak.

DANIEL 11:36

“Siria mung hokhamwe raq, apaiq raq athithi kli miklo wan. Apaiq raq apaiq ka phra thun thaq niimin, ajong nguta mitiishom rasiq. Apaiq ka Ajong Thaq Na Ajong Shiikeawe thaq niimin ajong nguta mitsütsitsiq. Apaiq raq ara abi kiimung arka, Shiikeawe raq apaiq ma mo tiiho akhing ranaiq na saüli miklo wan. Shiikeawe riika apaiq raq jamkho thimi wantaq kra phanphan miklo wan.

DANIEL 2:41

Kiimaq ümniiraq sumla hokphi wiinai nai ahokshi thun ka, bashi ka hamlii hiq kiimaq bashi ka jin maq alo chhilaü. Kra mungtan ka khotham khothiq mungtan miraq. Hokham wiijam ka jin ikha ningkun ka aheng miraq, jamkhano ngukla kriika jin ka hamlii rai shot raüta loto.

Revelation 11:7

Riita, tsangnai raq ümtiikiishe wa traho bom chongke kra lotjiiq, kra lot jai hiqbikho maq adong ngamkaü raq tsangnai ka mikhat. Raüta, apaiq raq tsangnai ka mitang. Raüta, tsangnai ka mitsat baiq.

Revelation 12:3

Kiimahali, rawang win na pinthum awang chang ashi hali tiijiki nongto. Kiijaq shiiroro prenkaü jonghea jonghea ashi chhikang. Akhupo ka miishi. Kiimaq arong ka roqshi. Kiimaq akhupotek na hokham khuphok phok raqraq riito.

Revelation 13:11

Kiijiishe, ngi raq mangjong hiq mong maq adong wan ngamthaiq kaü ashi hali chhi nong kang. Kra kaü rong ka anai. Arong ka Skuse rong ikha. Abom ka prenkaü bom ikha bomtlo.

Revelation 13:14

Ara hiq mong maq adong anai ngoja ngamthaiq kaü ma, sammoktra jü mong maq adong apha ngamthaiq kaü makki na, awang chang jaqsham wan miitu arang kuqto. Kra awangchang jaqsham pahea sham wantaq kra lümiishe, mangjong maiqse kunli ka, ngarai lam na lao wanto. Kra hiq mong maq adong anai ngoja ngamthaiq kaü raq, sammoktra jü mong maq adong, apha ngamthaiq kaü ka ja maq ase baiq, atsai arki wa, atra she jang wan nongtaq kra ngamthaiq kaü khushü tiijong miitu, sumla phra ka ashi hai raa dongdii ngutiishe aming kuqto.

Revelation 13:15

Kra hiq mong maq adong wanti ngamthaiq kaü ma, arang kuq raüta, jü mong maq adong, apha ngamthaiq kaü sumla ahai kiijaq tsitsü tiithii kuqto. Krai mren, sumla ka atra miishe, abom asa wa liishe sam wanto. Kiimaq maiq jurwa kra sumla ka shomnoq mak riijiiq, kriiti thun ka tsea baiq miitu ningkun kuqto.

Revelation 15:2

Kiijiishe, ngi raq chamni phong ka walü tu nyai rai tlaq mong na liirai tlaq ikha, achhai anyii wa henghea chhai rai tlo chhikang. Kiimaq sammoktra jü maq adong ngamthaiq kaü kiimaq, kra ngamthaiq kaü sumla, kiimaq ngamthaiq kaü mang lombot maq tiiwaiq wan mak maq riikhat raüta, rekhat tang wanti thun maiq phong kriimin ngi raq chhikang. Tsangshiq ka kra chamni phong liliim chhai rai tlaq kra tho na chap raqraq riito. Shiikeawe raq tsangshiq ma akuq phaqlam toro thun ka, tsangshiq jaq na doraq chhaq maq, chapraqraq.

Revelation 16:13

Kiijiishe, ngi raq ashe ashi winji atsam kra chhikang. Tsangshiq sham ka jukmantsai kaü sham ikha. Tsangshiq ka prenkaü nübok, ngamthaiq kaü nübok, kiimaq arot shammi we nübok maq adong.

Revelation 17:16

Ümchaü ümniiraq chhi tlaü arong roqshi kriiraq nai ngamthaiq kaü kriiraq, mephe nyung kriishe mishu lii wan. Raüta, tsangshiq raq jechak nyung jaq na ümtinkhan wa tsiiq nai nyam rüm tlaq kriika, tiisii rai she run raüta minyeaho. Raüta, apaiq ka naiqhü she mitiinga baiq. Tsangshiq raq apaiq ngam kriishe miphaq. Raüta, apaiq ka wa maq miishe mitiikhiim chaq baiq.

Revelation 17:3

Kiijiishe, Asii Wenyi raq ngi ka rom wanto. Kiimaq rase raq ngi ka kumtsaiphii na sheahoto. Kiijaq ngi raq jechak nyung ashi ka, shiiroro ngamthaiq kaü raikhü na nga raü chhikang. Kra ngamthaiq kaü khum niika, Shiikeawe shummii mang thun pahea, diim phinphin tiiwaiq raqraq asi. Kra ngamthaiq kaü khupo ka miishi. Kiimaq arong ka roqshi.

Revelation 17:5

Apaiq khakam na, apaiq mang ka tiiwaiq raü riito. Arka maiq awang rai mang ashi: Kriika akha tiiwaiq raü: “Ajong Pinthum Chela Bebilon mephe nyungre ma anyung jong kiimaq mangjong hiq na maiqsai asi phan phong chang chiim.”

Revelation 19:19

Kiijiishe, ngi raq kra ngamthaiq kaü kham mong wa adong wan nai mangjong hiq wa hokhambi thun kiimaq tsangshiq phenlabi thun ka adam na riichom raüta kumrang alü kaü thaq na chaoti we nai apaiq phenlabi rai riikhat ma tiijeto chhikang.