Revelation 12:5 - ASII LAKDAP Bible (BSI)

⁵ Kiijiishe, jechak nyung raq ase ka maiqwe se chiito. Kra no raq mangjong maiqse tlotli ka jin chongwai sham raüta mijam sha wan. Shatmaq, noshii se ka dopot li dowan raüta Shiikeawe phana, Shiikeawe ngachang hokham ngacho na shea wanto.

Hawa Naga Bible 2001

⁵ Yalxjuik nyuiuz rueq miqphvnx ruip rawx kuex yanx paq maq guimz jix miqwaz saz jawx tueq. Yuq muinz kvruex vsaz kuex vnyuiuz kox kvwawc Tishox kox nuex muinz, vpiq hoc daungraungc nuex muinz tenc shvlc wvnc rvhumc tueq.

Muklom

⁵ Etho miqnu they miqwasa chang ta, bara thaji phan ajat sha jankang jamoq o jaktáng o shingna. Etho usa tha Shkewa relna, etho utongching relna hum eq tun somta.

Revelation 12:5 Referencias Cruzadas

ISAIA 66:7

“Ara asii ichela arka maiq wiise nyung raq tiidong chhaq miili nowiichhitsi dongki raüta ase ka nowüchhi tsi ahü maq no chhiitlaq ikha.

ISAIA 7:14

Ahea na ikhiijiika. Tati apaiq riishetiq ümniima miithii kiishi mishongkuq: Junrii wahüse ka wiihan she miraq. Apaiq raq ase ka maiqwe se michii. Kiimaq apaiq mang ka ‘Immanuel’ nguta mimang.

JEREMIA 31:22

Ümtincho na saüli wa minang nam han, kamtsan tsü ahünok lei? Ngi raq phanshi anye tingsang she klokang, tingsang pongphan she, Jechak nyungshi raq maiqwe ashi khup wongkuqtlaq ikha.”

Mikha 5:3

Arningkhan ümchaü sanha, Tatiwe raq asenginok ka, chiqse rewe jaq mong niishe milikuqbaiq. Arka chongkai jechak nyung raq, nowüchhi akhing misaüshaq wiiwii. Kiijiishetiq aphu ano munglu asiwati kiimin, tsangmung niishe adam misi wan.

Matthew 1:25

Shatmaq, no ka mido shaq wiiwii, Joseph ka tsang-nyung rai adam na hainga mak. Kiimaq Joseph ka raq no ka Jesuq nguta mangto.

Mark 16:19

Tati Jesuq ka tsangshiq rai riibom lot jai she, apaiq ka Shiikeawe raq ramungtan niishe shea wanto. Raüta, Shiikeawe ma jaqtsi nü niishe ngato.

2 Corinthians 12:2

Ngi raq asapha, Phungmaiqse weshi ka, man na ümchaü wiiroqshi ri wiiblai mishaq na, ratsan ramong nyang na shea wanto. (Riita, ngi riika riikhaqli kla sap mang. Arka ngohea shaqshaq ramungtan niidea sha shea wanta, sha riisham raq atiichhikuq nangli wa kla Shiikeawe riili saptlo.)

Revelation 11:12

Kiijiishe, shammi we nai raq ramungtan maq tsangnai ma tiihong raüta achong maiqbom ashi akha taito, “Warong ra ana!” Krai mren, tsangnai jaqtibi maklii rashra niili she, tsangnai ka phum rai, ramungtan na wawanto.

Revelation 12:13

Krai mren, prenkaü raq, apaiq ka mangjong hiq na tiidea baiqto she nguta sap raüta, ase maiqwe se chiiti noshii nyung kriishe tiikot mrot she johoto.

Revelation 12:2

Apaiq ka wiisenyung nowü chhiho she. Nowüchhi tsi ma apaiq ka aho asii.

Revelation 19:15

Apaiq nübok wa siraüraü nepja ashi dongkito. Kra nepja maq apaiq raq mangjong tlotli ka long raüta mitang. Apaiq raq tsangshiq khuthaq na jin chongwai kii shamshat maq mipeng. Kiimaq apaiq raq Ajong Pinthum Shiikeawe tsankhiq spiqtsi tiikitchang longtham na mitiikit baiq wan.