Revelation 1:16 - ASII LAKDAP Bible (BSI)

¹⁶ Ajaq jaqtsi nü niika, raiqsaiqpo miishi shamtlo chhikang. Kiimaq anübok miika, nepja siimhap ri na aniq asi, sihea dong tlo chhikang. Atheaphi ka rashe ranaiq shethung bala kiirai tlaq ikha, henghea lirai tlo chhikang.

Hawa Naga Bible 2001

¹⁶ vyauk yaukkeq kox nuex ruiysuiyq poz mvshix shuimx taq tueq, Vnuix maq samx wvguip httehvlc yaung dung yaq. Vpiq htvlx kuex shalhtungx baung wawc shalx ikhoc kawc yaq.

Muklom

¹⁶ Piq jakqha kot jak thina sanat taset som chey ta, etho unung wang thani kothina jantong thalat ta; etho usham sha rangney rangsal mal phakta.

Revelation 1:16 Referencias Cruzadas

YOBA 38:7

Kra ranaiq ranap wuwacho na raiqsaiq thun raq adam na shingeto, kiimaq ramungtan na siti rasetiim chojong chise gitrangto.

Tvtsvmc 45:3

Ümnepja hi ka wilaq, ningkun jonghea hokhamwe lei; ümkhushü ka jonghea kiimaq ümngao ka jonghea.

ASHICHONG 6:10

Ranapchu rawii li wan tlaq ikha, ara juwa? amaklii ka ranap rashe dongwan tlaq ikha tsomhea Ashamhea ka jipi li chaihea ikha.

ISAIA 11:4

Apaiq raq miitsan maiqse kha ka tingting miphokuq. Kiimaq ümkha ijasiqti maiqse arang ka mitiiwongkuq. Apaiq aming maq mungmaiqse ma mo mitiiho, krai mren abi maiqse thun ka mitsai.

ISAIA 24:23

Jipi li ka amo she mirwan. Raüta ra minyaqki. Kiimaq rashe ka kiimak she miraq. Jamkhano ngukla Tati Ajong Pinthumwe ka hokhamwe miraq. Apaiq raq Jajon pum na atei Jerusalem na ngaraüta mung mipeng. Kiimaq mungmaiqse pengti tuwe jongbi raq apaiq khushü ka michhi.

ISAIA 49:2

Apaiq raq ibomtsi ka jasai ikha siraüraü tiijato. Apaiq jaqkhong maq ngi ka tiikhup wongkuq wanto. Apaiq raq ngi ka liqsinkii ikha tsaito, sihea kiimaq ahiip homa tiijeje thütlo.

DANIEL 12:3

Taksu maiqse welabi thun ka ra na rakhang chhaitlaq kiikha michhaisiq wan. Kiimaq maiqse ma kechu rilung lamphan tlangkuq wantiiti thun ka, ra na raiqsaiq chhaitlaq ikha pattup pat-sa mililiim wan.”

DANIEL 8:10

Kra rongkaüti ka ramungtan phenlabi thun kriimin khatlotli chang she ningkun henghea she jawanto. Kiimaq ra wa raiqsaiq thun kiimin khatto. Raüta raiqsaiq thun wiijam ka mangjong hiq na tiidea tsuqbaiqto. Raüta apaiq raq tsangshiq ka hok maq nishishi nibaiqto.

MALAKI 4:2

Shatmaq namshiq ibom taitai siti miika, kra ranaiq na ngi tiichhii wan ningkun ka rashe kiitlaq ikha, namshiq khuthaq na mililiim wan. Raüta namshiq ma khusang maq siwan miitu rashekiili ikha mikii kiimaq rashekii chai ikha namshiq khum na ra miwiikuq. Kiimaq namshiq ka wase miishe mija han kiimaq khoqriiq shishiiq, minsaü setiim minsaütiip mong wa nyiim tiiphaq kai kilü dibaiq kiijaq riichunchea tlaq ikha michochi han.

Matthew 17:2

Tsangshiq raq apaiq ka liishat liipan niili, Jesuq sham ka aklai riikito. Apaiq theaphi ka rashe kaü ikha chhaihea langlang chhairai wanto. Kiimaq apaiq khum na khu akhea asam thun kriimin maiqmak alirat rashe kii li ikha lüdiidii hea she chhairai wanto.

Acts 26:13

Chaü lei, ngi ka kiitiikaq lam na awarai riikang. Rashe ka ranaiq shethung shekham bala riito. Kiijaq ngi raq ra maq atli rawüli henghea, rashekii chhai nam miimin henghea ka ngi nai i kongtitiim ngi rai wadamti tro niishe chhairaito kra chikang.

Ephesians 6:17

Kiimaq Shiikeawe raq namshiq ma tiichhii wan rilung kuqtaq kra, ahea wiq maq saiqsam ronglaq. Kriika namkhupo tiiwong wan chang jinkhuphok. Kiimaq Asii Wenyi raq namshiq ma akuq, Shiikeawe bomtsi ka nepja rekhat chang kra, apha maq khon lanta sham ronglaq.

Hebrews 4:12

Shiikeawe bomtsi ka atra. Kiimaq jamlai phan na seng raütiiwa bomtaq, kra sham wan ruq phan. Aniq min sihea, khubinlo panthit. Bomtsi raq maiqse tsaiji kiimaq wenyi wiita riip wan tlo. Kiimaq maiqse khum na arok ariitsai sitlaq thun kra wiita kunli han wan tlo. Kiimaq maiqse tsan mong na, tiima tsantsii jamlai wa rüm tlaq kra thun wiita, kunli chechiiptlo.

Revelation 1:20

Apaü raüta athü liichum ka ahata. Ümniiraq i jaq jaqtsi nü na raiqsaiqpo miishi, kiimaq lem tochang chaq kham miishi chhi tlaü liichum ka ara: Raiqsaiq pomiishi chhi tlaü kriika phungtu miishi kheti rasetiim sitlaq kra. Kiimaq piijongteng kham miishi chhi tlaü kriika phungtu miishi sitlaq kra.

Revelation 10:1

Kiijiishe, ngi raq rase ajong ashi ramungtan maq asatkai chhikang. Apaiq ka phumda mong na riito. Kiimaq apaiq khu thaq na maitsai kaü ashi, apaiq khuphok ikha tiichan raü riito chhikang. Apaiq theaphi ka rashekaü litlaq ikha chaihea langlang. Kiimaq ahok wiinai ka wanii tu khamchong nyai rai tlaq ikha achhai anyii.

Revelation 12:1

Kiijiishe, pinthum awang chang jonghea rawang win na tiijikito chhikang. Kiijaq maiqnyung ashi, apaiq miirii ka rashe kaü samraü, kiimaq jipi kaü thaq na ahok ka tiida raüta nga raü chhikang. Kiimaq apaiq hokham khuphok phok tlaq kriika raiqsaiqpo roqshi ri anai maq tiimii raüta ahai riito.

Revelation 19:15

Apaiq nübok wa siraüraü nepja ashi dongkito. Kra nepja maq apaiq raq mangjong tlotli ka long raüta mitang. Apaiq raq tsangshiq khuthaq na jin chongwai kii shamshat maq mipeng. Kiimaq apaiq raq Ajong Pinthum Shiikeawe tsankhiq spiqtsi tiikitchang longtham na mitiikit baiq wan.

Revelation 19:21

Tsangshiq phenlabi ümchuwa sitlaq kriika nepja, kumrang thaq na chaoti nübok maq dong tlaq kriimaq jiip baiqto. Kiimaq krai mren wushi ümchuwa sitlaq kriiraq, tsangshiq ngam ka ümchuwa atang tang phesiqto.

Revelation 2:1

“Ephisia na phungtu sitlaq kra liiti rase ma ara waiq laq: “Ara tsütsa arka raiqsaiqpo miishi, ajaq jaqtsi nü na sham raüta, chaq lem kham miishi mong na khumti we raq atiiwan.

Revelation 2:12

“Pargamum na phungtuti sitlaq kra liiti rase ma ara waiq laq: “Ara tsütsa arka jasai wanghap ri na aniq sihea rümti we raq atiiwan.

Revelation 2:16

Ümchaü min, namshiq ngarai lam wa jang wan tlo ronglaq! Jang wan man jiila, ngi ka namshiq phana jaqlo miili mikiha. Lata, jurwa i kiq khii tlaq kra, i nübok maq adong nepjasai maq milong kiha.

Revelation 3:1

“Sardis na phungtu sitlaq kra liiti rase ma ara waiq laq: “Ara tsütsa arka Shiikeawe winji miishi kiimaq raiqsaiqpo miishi rümti we raq atiiwan. Ngi raq namshiq jaqsham ka asapha. Namshiq ka wenyi na amaa sitlan. Shatmaq, atra sitiikai nguta tiitsaki tlan!

PHOWEBI 3:16

Ehud raq jasai ashi alu nü na 50 sentimitar tinkhan kra minhap ri na wiiniq sihea tiiq raüta wihoto. Apaiq raq ajasai ka ajaq jaqtsi nü siim na samtongjong kaü samtlaq kra mong na phataq chhüshat maq kito.

PHOWEBI 5:31

Riita ümjaqtinok thun ka, kiikha siisaq mitsai laq, O Tatiwe lei, shatmaq ümkhi ümlubi thun ka, rashekaü dong wan tlaq ikha, ali aliim michhai wan laq! Kiimaq mung na wiiroqblai mung atsing maq sito.