PHOWEBI 4:7 - ASII LAKDAP Bible (BSI)

⁷ Ngi raq Jabin sengi phentu jongwe Sisera ka phenlabi thun shea raüta, ümniirai riikhat kai Kishon Rai khü kiijaq misheaho kang. Apaiq jaq niika kumrang leng thun nai asengi phenlabi thun asi miraq. Shatmaq ngi raq apaiq ka ümjaq khon mong na mikiinong kuqbaiq kang. Apaiq ka ümniiraq mitang haü.’”

Hawa Naga Bible 2001

⁷ Kishon Ruilx nuex nuimhez kuex khvt tvkoc ngaz rueq Jabin nolaungx phungc wawc miqlaungx yungx Sisera kuex gvl laq raungx. Piq nuex nolaungx renc htenc nuiyc nolaungx bix htenc httax yaq, yuq muinz ngaz rueq piq kuex mnoz muex tvtaungx gay phaungx, ngoz tueq mnoz muex jungx yaq,’” ngoz tueq jungx tueq.

PHOWEBI 4:7 Referencias Cruzadas

1 HOKHVMX 18:40

Kiijiishe Elija raq, “Baal shammibi thun kra laptlo ronglaq. Tsangshiq phong wa weshi ra min naq tiiju rongkiq!” nguta aming kuqto. Mungmaiqse raq tsangshiq ka tarü laphoto. Kiimaq Elija tsangshiq ka Kishon Jürai kiiniishe sheahoto. Raüta tsangshiq ka jiipbaiqto.

DUNGWVNC 14:17

Ngi raq Ejip mungti tsantsii ka wanshak shak mitii tsin baiqha. Krai mren tsangshiq ka Israilnok jai ka mijo wan. Kiimaq Ngi raq hokhamwe nai asengi phenlabi, akumrang leng thun, kiimaq akumrang leng jiiqtibi thun kra mikhat ha, lata mitangha. Lata ikhushü mitiijongha.

DUNGWVNC 14:4

Ngi raq apaiq ka wanshak shak mitiitsin baiqha. Kiimaq apaiq raq namshiq ka mijoho. Kiimaq Ngi raq hokhamwe nai asengi phen phung khat lata mitangha. Kra lümaq ikhushü ka mitiijong. Kiijiishetiq Ejip mungti raq Ngi ka Tatiwe ngutiishe misap wan.” Tsangshiq ma chongkuqtaq kra phan phan Israilnok raq kloto.

DUNGWVNC 14:8

Tatiwe raq hokhamwe ka wanshak shak tiija baiqto. Kiimaq apaiq raq Israilnok ka johoto, Israilnok ka tang wan tlii laü wanto.

DUNGWVNC 21:13

Shatmaq kra mra pintaq ka shaiqshuq shi miili pinkitaq apaiq raq samsam maq atsea dongdii nguta atsat riimak jiika, kriiwe ka Ngi raq namshiq miitu ümra hiqshong wa tsea lata thütiikang kra hiqshong na juraüta tiipaü kaichang. Kiimaq apaiq ka kiijaq tiiwongshat misi.

JOSHUA 10:8

Kiitiikaq Tatiwe raq Joshua ma akha nguto, “Ümniika tsangshiq ma akhiisiimin naqhaikiq. Ngi raq rekhat ka ümniima atiitangke wishe. Weshi ra min ümman na chap wanlot miraq.”

JOSHUA 11:20

Tatiwe raq kra mungti thun ka chongthum tiijabaiq miitu, tsangshiq tsantsii ka longkaü ikha tiitsin baiqto. Kriikha maq, tsangshiq ka Israilnok rai riikhat wanto. Kiimaq Israilnok raq tsangshiq ka tiihang mak maq, tiimiqchup jiipbaiqto. Arka Tatiwe raq Mosheq ma aming kuq thütaq kra phanphan kloto.

JOSHUA 11:6

Tatiwe raq Joshua ma nguto, “Ümniika tsangshiq ma naqhaikiq. Anap ranaiq atincho na, ngi raq tsangshiq ka Israilnok miitu wiita ajiipbaiq wishe mirha. Ümniiraq tsangshiq kumrang kong hok ka tiikü sebaiq laq. Kiimaq tsangshiq kumrang leng thun ka wa maq chaqbaiq laq.”

JOSHUA 8:7

Kiijiishetiq, namshiq ka bom mong kiiwa dong rang lantiishe, chela ka long ronglaq. Lanta chela ka jii ronglaq. Tatiwe namshiq Shiikeawe raq chela ka namshiq ma mikuq.

PHOWEBI 4:14

Kiijiishe Debora raq Barak ma chongto, “Walaq! Tatiwe ka ümniima sinkhu na lamshea wali tlo! Ümchaü ranaiq Tatiwe raq Sisera ka ümjaq khon na kiinong kuq baiqto she.” Krai mren, Barak ka asengi sreabi maiq hingroqshi kra shea raüta Tabor Pumji kiiniishe rekhat kai sat wanto.

PHOWEBI 4:8

Kiijiishe Barak raq treto, “Ümniika ngi rai kidam haüla mikhat kiha. Shatmaq ümnaq ngi rai kidam maü jiila, ngi min kimang.”

PHOWEBI 5:21

Kishon rai chhang raq tsangshiq, wiita che wanto, Amok dungdung Kishon Rai chhangto. Ngi ka rekhat wan, wawan ruq mirha, ningkun shoqwiishoq maq, khat wan ruq mirha!

1 SAMUEL 24:10

Liilaq, arjaq ara. Ümchaü linlintiq, ümniika longshaki na Tatiwe raq ijaq khon mong na kiinong kuqto. Isengi wiijamti raq ümniika kiijiili tiishe laq nguta chongto. Shatmaq ngi ka ümniima mangchan tsihea. Kriikha niishe, ngi nai ngi she tiingo kang, ngi raq ümniika atsea ata riili kla riimang nguta ümniika tiihang kang. Jamkhano ngukla, Tatiwe raq ümniika hokham ma shongto.

1 SAMUEL 24:18

Ümchaü ranaiq akhing na, ümniiraq ngi ka ümtinkhan wa lungwii tlaü kra tiichhi kuq laü. Jamkhano ngukla Tatiwe raq ngi ka ümchaü ranaiq ümjaqkhon mong na kiinong kuqto. Shatmaq, ümniiraq ngi ka tsatbaiq maü dea riilaü.