PHOWEBI 4:14 - ASII LAKDAP Bible (BSI)

¹⁴ Kiijiishe Debora raq Barak ma chongto, “Walaq! Tatiwe ka ümniima sinkhu na lamshea wali tlo! Ümchaü ranaiq Tatiwe raq Sisera ka ümjaq khon na kiinong kuq baiqto she.” Krai mren, Barak ka asengi sreabi maiq hingroqshi kra shea raüta Tabor Pumji kiiniishe rekhat kai sat wanto.

Hawa Naga Bible 2001

¹⁴ Kvruex yimaq Debora rueq Barak muex ngoc, “Kaz kuiuz! Yehowa rueq mnoz muex lvmx shvlx kuq yaq! Majuiuc raungnuiyq vpiq rueq mnoz muex Sisera kuex tvtaungx gay kv-phux,” ngoz tueq jungx tueq. Kvkhoc rvtueq Barak kuex piq miq 10,000 rulc vdvmz Tabor Kanx maq svt kaz tueq.

PHOWEBI 4:14 Referencias Cruzadas

RAPHA HIQWA LAK 19:14

Kiijiishe Lot ka achai wenai ma jawan chang ase nai kra lamti phana kito. Raüta akha nguto, “Jaqlo kotsi tiido ronglaq. Lanta ara chela arwa tiijintlo ronglaq. Tatiwe raq ara hiq ara atiithen she mirbaiq.” Shatmaq tsangshiq raq apaiq ka atiitsa bomtlo ngutli tiimato.

RAPHA HIQWA LAK 44:4

Kiimaq tsangshiq ka chela kinphai jinwan ri lishe, Joseph raq ajam kheti ajaqshise kiima thaüto, “Walaq juju, kra maiqwetiim ka jowan laq. Laüta ümniiraq tsangshiq ka lowan haüla, tsangshiq ma akha wailaq, ‘Namshiq raq jaqsham ahea ka abi maq jaram songke wa?’

2 SAMUEL 5:24

Ümtiikiiwa ümniiraq maiqkhum trang ka pechong mun na mitai haü, raüla tsangshiq ka khat laq. Jamkhano ngukla, namshiq ma Philistainnok phenlabi kra khat lanta tiitang wan miitu Ngi ka namshiq ma sinkhu na miwa wanli kang.”

ISAIA 52:12

Ümchaü lak namshiq ka taülaükhiq ka laü wan man mirhan; namshiq ka chiimjin wan ajurai ngomin rarai mak. Namshiq Tatiwe, nam Shiikeawe raq namshiq ka mishun shea wan, kiimaq apaiq raq namshiq ka trotam maq khebom kuqshat miraq.

Mikha 2:13

Shiikeawe raq tsangshiq dong wan chang kilü mirkuq, Raüta pongmung wa tsangmung na mitsuq wan, Tsangshiq ka chela kilü thun linwan raüta, wase miishe mijawan. Tsangshiq hokham Tatiwe raq Lamshea raüta re mung wa, tsangmung niishe mi laü wan.

TRI CHONGKE 9:3

Shatmaq ümchaü ka ümniiraq ümmak maq michhi haü. Tatiwe üm Shiikeawe ka ümkhaki na sinkhu na walütu kaü raq khiim wantlaq ikha mikhiim baiq wan. Ümniiraq tsangshiq ka khat wantlaü krai mren, apaiq raq tsangshiq ka mitiitang kuq wan. Krai mren ümniiraq tsangshiqnok ka mijobaiq wan haü. Kiimaq tsungshi ka chongthum ma tiija baiqtlii mitiithen baiq haü. Arka apaiq raq kiqkham kuqtaq kra phan miraq.

JOSHUA 10:8

Kiitiikaq Tatiwe raq Joshua ma akha nguto, “Ümniika tsangshiq ma akhiisiimin naqhaikiq. Ngi raq rekhat ka ümniima atiitangke wishe. Weshi ra min ümman na chap wanlot miraq.”

JOSHUA 7:13

Tiido laq! mungmaiqse ka tiisiilaq, laüta tsangshiq ka anap ngi phana riihumwa miitu tiije laq. Jamkhano ngukla ngi Israilnok Tatiwe Shiikeawe raq akha chong chang asi: ‘Israilnok lei, ngi raq namshiq ma ashthenbaiq chang hupsam nguta chongkang kra namshiq jaq na wiijam asi! Namshiq raq kra hupsam thun ka lambaiq man wiiwii, namshiq raq namjaqti ka khatlot man mirhan!’

PHOWEBI 19:28

Apaiq raq nguto, “Tiidolaq. Warong i.” Shatmaq kriinyung raq abom ka tre mak. Kra ningkhan apaiq raq amaa ka kumtoq kaü raikhü na tiihapsaq hühap nü na tiibum raüta ajam na wawanto.

PHOWEBI 4:10

Barak riimin, Naphtali phan nai Jebulun phan wa maiq ka Kedesh chela na tiiheato. Krai mren sreabi maiq hingroqshi ka apaiq jaiphan kihoto. Kiimaq Debora kiimin apaiq rai kihodamto.

PHOWEBI 7:9

Kra rawa Tatiwe raq Gideon ma akha aming kuqto, “Tiido laq. Laüta Midiannok piitiip ka khatkikiq. Ngi raq kra ümjaqkhon mong na kiinong kuqkang she.

1 SAMUEL 9:26

Kiimaq apaiq ka kiijaq konto. Kriimaq napjai ranap chu maq Samuel raq Saul ka wukhu kiiwa heato. “Tiido laq. Ngi raq ümniika ümwanhiq khum lam niishe tiiwa pha.” Saul ka tiidoto. Raüta apaiq ka Samuel rai adam chiihea wea lam kiina kihoto.