PHOWEBI 3:9 - ASII LAKDAP Bible (BSI)

⁹ Kiijiishe Israilnok ka Tatiwe man na hoqsii trangto. Krai mren, apaiq raq maiq weshi tiikito. Raüta apaiq raq tsangshiq ka dokda wanto. Kriika Kelib ma anowe Kenaj se Othniel riito.

Hawa Naga Bible 2001

⁹ Kvruex yimaq Israel miqsaz rueq Yehowa kox wawc guyc sez thoz wuez koq tueq tsuingshiq kuex palc wvnc tvkoc miq washiz kuex tvkaz tueq. Kvruex kuex Kaleb nox Kenaza saz Othniel rvtueq.

PHOWEBI 3:9 Referencias Cruzadas

NEHEMIA 9:27

Kriikha niishe tsangshiq ka, tsang jaqtibi ma, kiinong kuq baiq laü. Raüta tsang jaqtinok riishe tsangshiq ka, khat raüta jamsha wanto. Tsang lit tsi miishe tiq, tsangshiq raq ümman na hoqsii wanto. Krai mren ümniiraq tsangshiq achu jaü ka, ramungtan maq tre kuq laü. Ümmangchan jong mong miishetiq, tsangshiq khuthaq na, ashun ashea wanti welabi tiiki laü. Tsangshiq riishetiq, tsang jaqtinok jaqkhon mong wa, dokda kuqto.

Tvtsvmc 22:5

Tsangshiq raq ümmaq heato raüta haisi chang wa lunto; tsangshiq raq ümniima kamto krai mren tsiim jümak.

Tvtsvmc 78:34

Ümtiikiiwa apaiq raq tsangshiq phong wa wiijam ka jiipbaiqtlaq, raüla tsangshiq phong wa maiq wiijam ka awokhong na jang wa nongtlo; tsangshiq ngarai ka tiidiitlo raüta tsan atsi maq apaiq jaq wa achu jaütlo.

JOSHUA 15:17

Kra chela ka Kelib ma aphu anolam Kenaj se Othniel raq khat raüta jiiwanto. Krai mren, Kelib raq ase Aksa ka Othniel ma tiiwato.

PHOWEBI 1:13

Kelib ma anowe Kenej se Othniel raq Kiriath Sephar chela ka khat raüta jiiwanto. Kiimaq akiq khamkuqtaq kra phanphan Kelib raq ase jechakse Aksa ka Othniel ma tiiwato.

PHOWEBI 10:10

Kiijiishe Israilnok ka Tatiwe man na aho asii hoqtrangto. Kiimaq akha achu jaüto, “Naishiq raq ümman na ngarai tangkai. Jamkhano ngukla naishiq raq ümnaq, naishiq Shiikeawe ka miimbaiq kai. Laita Baal phra thun ka shomnoq kai.”

PHOWEBI 2:16

Kiijiishe, Tatiwe raq Israilnok ma mungtubi she shongkuqto. Raüta tsangshiq raq Israilnok ka rehuk pahea dongtlaq kriiwa tiiwong kuqto.

PHOWEBI 2:18

Ümtiikiiwa Tatiwe raq Israilnok ma wela ashi shongkuq tlaq, Tatiwe raq apaiq kra khrumkuq tlo. Raüta apaiq atra sishat wiiwii mungmaiqse ka chiqse rewe jaqkhon mong wa tiiwong kuqtlo. Tatiwe raq chiqse rewe jaqkhon mong na tsangshiq chamchao kaidi hansii trang nai aho trang kra tairaüta, tsangshiq ma tiihang wan mangchan kuqtlo.

PHOWEBI 3:15

Kiijiishe Israilnok ka Tatiwe man na hoqsii trangto. Krai mren apaiq raq tsangshiq dokdakai maiq weshi tiikito. Apaiq mang ka Ehud. Apaiq ka jaqphawe. Apaiq ka Gera se, Benjamin phan. Israilnok raq Ehud ka Mob mung hokhamwe Eglon phana kongphiq tiikekai tiikito.

PHOWEBI 3:8

Kriikha na Tatiwe ka tsangshiq ma atsankhiq riito kriikha na Tatiwe raq Mesapotamia Hokhamwe Kushan Rishathaim ma tsangshiq ka tiikhat raüta tiitangto. Raüta apaiq ma Israilnok ka tiipeng wanto.

PHOWEBI 4:3

Jabin jaq niika jin kumrang leng shitiikaü asi. Kiimaq apaiq raq Israilnok ka ji maq nishishi kiimaq jasam piqsii maq wiiroqnai jamshato. Kiijiishe Israilnok ka Tatiwe man na pinthum hoqsii trang raüta khrum kuq liidea nguta achu jaüto.

PHOWEBI 6:7

Kiijiishe Israilnok ka Tatiwe man na Midiannok jaqkhon mong wa tiichhiikuq laq nguta khrum jaü jaü hoqsii trangto.

1 SAMUEL 12:10

Kriikha niishe tsangshiq ka Tatiwe man na hali khrum jaü hoqtrangto. Kiimaq akha nguto, ‘Naishiq raq ngarai tangkai. Jamkhano ngukla Tatiwe lei, naishiq ka ümwokhong wa juho laita, Baal phra sumla nai Astarte phra thun kra shomnoqkai. Naishiq ka rewe jaqkhon mong wa dokda kuq laq. Naishiq khupwong kuqlaq, raüla naishiq raq ümniishe mishom noqkai!’