PHOWEBI 3:12 - ASII LAKDAP Bible (BSI)

¹² Israilnok raq Tatiwe man na ngarai hali tang nongto. Kriikha na Tatiwe raq Mob mung Hokhamwe Eglon ka Israilnok thaq na phung achaq miishe tiija baiqto.

Hawa Naga Bible 2001

¹² Israel miqsaz rueq Yehowa muex laukshiz mvrax yaq gay yek tueq. Kvkhoc ningkhvnc nuex Yehowa rueq Moba Hokhvmx Eglon kuex Israel miqsaz htauk nuex muinz hungc vlaungc yunghvlc muex tvyaungc tueq.

PHOWEBI 3:12 Referencias Cruzadas

2 HOKHVMX 5:1

Naaman ka Siria mung phentu ajong pinthumwe. Apaiq ka Siria mung hokhamwe raq pinthum shrengtlo kiimaq kai shomratlo. Jamkhano ngukla Naaman lümaq Tatiwe raq Siria mung phenlabi ma rekhat pahea tiitangkuqto. Apaiq ka phentu ajong pinthum. Shatmaq apaiq ka akhum na thabitsi kriiraq chamchaotlo.

DUNGWVNC 9:16

Shatmaq ümniima iningkun tiichhike miitu, Ngi raq ümniika atra tiisitiikang. Arka imang chong tsaki kra mangjong tlotli na tiinyam wa miitu atra tiisitiikang.

ISAIA 10:15

Shatmaq Tati raq ngutlo, “Mangchi kaü riika, mangshamtiwe thaq na ajong nguta mitiingolot shea? Pehan chang tansang ka pehantiwe tansang shamtiwe thaq na renghea shea? Riiwung raq maiqwe ka domak, maiqwe raq riiwung ka dotlo.”

ISAIA 37:26

“Ümniiraq arthun hong wantaq arka rathup rapha niiphü Ngi raq athapthi wan ngoka tai maü shea? Krai mren, ümchaü Ngi raq arthun ara klo wan kang she. Ngi raq tiina ümniima kiitelong maq peruk weshaü tangphak phak aruk chela thun kra botkhulai rai shottlii tiithen baiq wan miitu ningkun kuqkang.

EJEKIEL 38:16

Ümniiraq isengi Israilnok ka rathaiq henghea mung hamli maq thaiq wantlaq ikha mikhat haü. Ümtiikiiwa akhing she saüjiiq, Ngi raq ümniika i mung kra khatkai mitiikiha. Ngi raq i mung khatkai tiikitiikang kriika, mangjong hiq na maiq thun sitlaq kriima, Ngi ka juwa kra tiichhike miitu kiimaq ümnaq lümaq Ngi raq jamlai jaq wa shamtiikang kriimaq Ngi ka asii sitiikang kra mitiichhi kuqha.

DANIEL 4:22

“Chaü lei, kra pechong ka ümnaq. Jonghea luhea kiimaq ningkun jonghea sitlaü. Ümniika jonghea pinthum she jong wan laüta ratsan ramong nyang na saüli she saülaü. Kiimaq ümningkun jonglu kiimin mangjong hiq wiita hamli she ham wanto.

DANIEL 5:18

“Ajong Thaq na Ajong Shiikeawe raq ümwe Nebukadnejar ka wiitarü thaq na ajong pinthum hokham ma shongto. Raüta apaiq kharü kiimaq angao jonghea kuqto.

Hosea 6:4

Shatmaq Tatiwe raq ngutlo, “Ephraim nai Juda lei, Ngi raq namshiq rai riibom chang asi sha? Namshiq raq ngi lungwii tlan ka, ranap phumda pan wan tlaq ikha, Ranap bangkham ka, rakii raüjaq wesaq weki tlaq ikha.

John 19:11

Kiijiishe, Jesuq raq Pilat bom ka treto, “Ümjaq na i tsitsü ara tiipit miitu arang ka Shiikeawe raq akuq tiina. Kriikha na, jurwa ngi ka ümjaq mong na shaphaq baiqtaq, kriiti riika, ümngarai thaq niimin ngarai jonghea she tang wanto.”

PHOWEBI 2:11

Kiitiikaq Israilnok raq Tatiwe man na ngarai tangto. Kiimaq tsangshiq raq Baal phra thun kriishe shomnoq hoto.

PHOWEBI 2:14

Kriikha na Israilnok khuthaq na Tatiwe tsankhiq she saüwanto. Kra ningkhan apaiq raq tsangshiq ka rehuk jati chiqse rewebi tiiki raüta tlongliiq wanto. Raüta rewebi ma tsangshiq tsiiq anyam thun ka wiita trunbaiq wanto. Apaiq raq tsangshiq ka trotam maq re ma tlongliiq wanto. Raüta tsangshiq ka re ma tiitang wanto. Kra ningkhan Israilnok raq tsangshiq maiqmii khum kriimin tiichhii phaq lot mak she riito.

PHOWEBI 2:19

Shatmaq tsangwelawe kriishe tsaiki raüla, tsangshiq ka achü rilung lamphan kiinahali jangki nong tlo. Raüta tsangshiq ma kongkhu pat na leawantaq kra thaq niimin naolaq she ngarai klotlo. Raüta tsangshiq raq laihin phra kong kriishe shiililiiho tlo kiimaq shomnoqhotlo. Kiimaq tsangshiq raq abi rilung lamphan ka thaqbaiq mak phan she riitlo.

PHOWEBI 3:11

Krai mren, Israilnok mung na rawii roqblai mung atsing maq sito. Kiimaq Othniel ka tsaito.

1 SAMUEL 12:9

Shatmaq Israilnok raq Tatiwe tsangshiq Shiikeawe ka alaq riibaiqto. Kriikha niishe apaiq raq tsangshiq ka Philistainnok nai Mob mung hokhamwe kiimaq Sisera Hajor chela na siti phentuwe ma namtitiim ka tiikhatto raüta re ma tiitangto.