PHOWEBI 3:11 - ASII LAKDAP Bible (BSI)

¹¹ Krai mren, Israilnok mung na rawii roqblai mung atsing maq sito. Kiimaq Othniel ka tsaito.

Hawa Naga Bible 2001

¹¹ Mungtan kuex raungwawc 40 tup nomic httax tueq, yix maq Othniel kuex thueyc kaz tueq.

PHOWEBI 3:11 Referencias Cruzadas

1 KAÜWA WERAÜ 4:13

Kenaj setiim ka wenai, Othniel nai Seraia. Othniel setiim ka wenai, Hathath nai Meonothai.

NEHEMIA 9:28

Raüta tsangshiq ma mungtsing maq, tiishongnga wanto. Kra riikiita tsangshiq raq ngarai tang nongto. Kriikha na ümniiraq, tsangshiq ka tsang jaqti ma hali, kiinong kuq baiq nong laü. Shatmaq tsangshiq raq maiqmii mra, tiidü wan raüta, ümman na hali hoqsii wan nongto. Krai mren, ümmangchan jonghea khong maq, ümniiraq tsangshiq achujaü ka, ramungtan maq tre kuq laü, tsangshiq ka tiithongkiki, chiqse rewe jaqkhon mong wa, dokda kuq wan nong laü.

ESTHAR 9:22

Ara ranaiq nai akhing arka, Jehudinok raq chiqse rewe khat tang wan akhing ranaiq riito. Kiimaq ara jipi lü arka chamchao jonghea saü wantlo nguta chapa haisi jonghea wa, khoqriiq shishiiq jonghea jipi lü ma jawanto. Krai mren, tsangshiq Jehudinok mungmaiqse raq, ara akhing ranaiq nai arka, khoqriiq shishiiq polo khiq maq phaq nai sea klo raüta, weshi raq weshi ma, kiimaq miitsan miijan maiqsetiim ma dung riike ne chochi akhing ranaiq lang wan miitu aming kuqto.

JOSHUA 11:23

Tatiwe raq Mosheq ma aming kuqtaq kra phan phan, Joshua raq mung ka kunli jiiwan raüta lapto. Raüta Joshua raq Israilnok ma tsangshiq tachong hiqshong miitu kuqto. Raüta maiqphan aweatek ma, maiqmii riirii hiqshong tiikho chumkuq raüta phea kuqto. Kiimaq, Israilnok ka mungtsing mungngang miishe shongnga wanto.

JOSHUA 15:17

Kra chela ka Kelib ma aphu anolam Kenaj se Othniel raq khat raüta jiiwanto. Krai mren, Kelib raq ase Aksa ka Othniel ma tiiwato.

PHOWEBI 3:10

Tatiwe wenyi ka apaiq khum na kito, krai mren apaiq ka Israilnok khuthaq na wela ma jato. Othniel ka rekhatkai kito. Kiimaq Tatiwe raq apaiq ma Mesapotamia hokhamwe ka khat raüta tiitang kuqto.

PHOWEBI 3:12

Israilnok raq Tatiwe man na ngarai hali tang nongto. Kriikha na Tatiwe raq Mob mung Hokhamwe Eglon ka Israilnok thaq na phung achaq miishe tiija baiqto.

PHOWEBI 3:30

Kra ranaiq Israilnok raq Moabnok ka tiinamtok jiipbaiqto. Krai mren, Israilnok mung na wiiroq tiichat mung atsing maq sito.

PHOWEBI 3:9

Kiijiishe Israilnok ka Tatiwe man na hoqsii trangto. Krai mren, apaiq raq maiq weshi tiikito. Raüta apaiq raq tsangshiq ka dokda wanto. Kriika Kelib ma anowe Kenaj se Othniel riito.

PHOWEBI 5:31

Riita ümjaqtinok thun ka, kiikha siisaq mitsai laq, O Tatiwe lei, shatmaq ümkhi ümlubi thun ka, rashekaü dong wan tlaq ikha, ali aliim michhai wan laq! Kiimaq mung na wiiroqblai mung atsing maq sito.

PHOWEBI 8:28

Krai mren, Israilnok raq Midiannok ka khatto. Raüta tangto. Kra ningkhan Midiannok ma haisong chang ka ahü she riito. Krai mren, Israil mung ka Gideon mitsai shaq wiiwii, wiiroqblai mung atsing maq sito.