PHOWEBI 3:10 - ASII LAKDAP Bible (BSI)

¹⁰ Tatiwe wenyi ka apaiq khum na kito, krai mren apaiq ka Israilnok khuthaq na wela ma jato. Othniel ka rekhatkai kito. Kiimaq Tatiwe raq apaiq ma Mesapotamia hokhamwe ka khat raüta tiitang kuqto.

Hawa Naga Bible 2001

¹⁰ Yehowa siyac kuex piq htauk nuex httuiuc kaz vtueq, piq kuex Israel miqsaz shunshvlc jix vyungx muex yaungx wvnc tueq. Othniel rueq ralx khvt kaz koq tueq Yehowa rueq piq muex Mesopotamia hokhvmx waz kuex tvtaungx gay tueq.

PHOWEBI 3:10 Referencias Cruzadas

1 KAÜWA WERAÜ 12:18

Shiikeawe wenyi raq tsangshiq phong wa weshi, Amasa kra rom wanto. Apaiq ka jai maq “Nolajongbi Roqtsam” khuthaq na phentuwe ma shongto. Krai mren apaiq raq akha riimto, “Jessi se Dawit lei, naishiq ka ümsengi! Ümniiraq ong ruq mirhaü kiimaq ümnaq khrumti riimin ong ruq miraq! Shiikeawe ka ümniirai pongtlo.” Dawit raq tsangshiq ka aheawiq maq taoto. Raüta tsangshiq ka apaiq phenlabi pengti phentubi ma shongto.

2 KAÜWA WERAÜ 15:1

Shiikeawe wenyi ka Obed se Ajaria khum na romto.

2 KAÜWA WERAÜ 20:14

Kiijiishe Tatiwe wenyi ka kra mungmaiqse phong na chapti Lewi phan maiq weshi khum niishe samto. Apaiq mang ka Jahajiel. Awe ka Jekeria. Apaiq ka Asaph weraü phan wa kiimaq Asaph weraü phan Mattania saü, Jeiel saü, kiimaq Benaia saü.

Tvtsvmc 51:11

Ngi ka ümwokhong wa naqjo baiqkiq; ümnaq asii wenyi ka ikhum wa naq lambaiqkiq.

WEAWEA 11:17

Ngi ka kiijaq misat kikang. Lata ümniirai kiijaq mirbom kang. Kiimaq Ngi raq ümniima akuqha wenyi kiiwa wiijam lam lata tsangshiq ma mikuqha. Kra riiha jiila, tsangshiq raq mungmaiqse miitu hekiilai ümniiraq hotlaü kra wiijam tsangshiq raq riisha hodam raüta ümniika mikhrumlot. Kiimaq kra holai ka ümnaq laqlaqse riili horea ka raamak miraq.

WEAWEA 11:25

Kiijiishe Tatiwe ka phumda kaü mong na satkito. Raüta apaiq rai riibom damto. Raüta apaiq raq Mosheq ma akuq wenyi kiiwa wiijam lamto. Raüta kra welabi roqmiishi ma kuqto. Ümtiikiiwa wenyi ka tsangshiq khuthaq na saütaq, tsangshiq ka shammibi ikhiishe siitranghoto. Shatmaq akhing alu miitu ka riimak.

WEAWEA 11:29

Kiijiishe Mosheq raq treto, “Ümniika ngi miitu shea chapa rai tlaü? Ngi raq kla Tatiwe raq apaiq wenyi ka asenginok tlotli ma kuq raü jaq ahea, raüta tsangshiq tarü raq shammibi kong ikha siitrangho raüjaq ahea riichang nguta tiima tiikang!”

WEAWEA 24:2

Kiimaq Israilnok ka aphan aphan maq piitiip thun hai raüta sitlaq kra chhito. Kriimaq Shiikeawe wenyi raq apaiq ka wiita rom wanto.

WEAWEA 27:18

Tatiwe raq Mosheq ma nguto, “Nun se Joshua ka tsealaq, apaiq ka phanrap na asap atsin. Laüta akhu na ümjaq maq shamlaq.

Hebrews 6:4

Juwa Shiikeawe wokhong wiishe kinphai na dongho nong tlaq, kriiti ka thongshi tiijang sheaki lot mai she. Tsangshiq tsantsii ka klai wan lot mak she. Tsangshiq ka Shiikeawe rawii li na si raüta, asum atei wishe. Tsangshiq raq sanseng ramungtan wa Shiikeawe raq akuq, kongphiq sum kra asap wishe. Kiimaq nanok rai adam maq, Asii Wenyi ka lapto.

PHOWEBI 11:29

Kiijiishe Tatiwe wenyi raq Jephtha ka rom wanto. Krai mren, apaiq ka Gilead wang hamli na kiimaq Manase wang hamli na wawanto. Raüta apaiq ka Gilead wang na Mijpa chela na jangkito. Raüta Ammon mung khatkai she kihoto.

PHOWEBI 11:32

Krai mren, Jephtha raq jürai ka jinto. Raüta Ammonnok ka khatto. Kiimaq Tatiwe raq apaiq ma rekhat ka tiitang kuqto.

PHOWEBI 13:25

Kiimaq apaiq ka Jora chela nai Eshtaol chela liipan na Dan phan Piitiip na si bala niili, Tatiwe ningkun ka apaiq khum na shoqkuq wanto.

PHOWEBI 14:19

Kiijiishe tiihanghiiq miili, Tatiwe ningkun raq apaiq ka rom wanto. Raüta apaiq ningkun ka henghea riito. Kiimaq apaiq ka Ashkelon chela na kihoto. Raüta kiiwa maiq weroqtsam tsatto. Raüta tsangshiq dü wa miirii thun ka lam wanto. Raüta bannin khea thun ka uqkhiima liichum chongketi miishe kuqto. Kra lot jai she apaiq ka kra mra pintaq ningkhan atsan khiqhea lam maq jam na wawanto.

PHOWEBI 14:6

Tiihanghiiq miili, Tatiwe ningkun raq apaiq ka rom wanto. Raüta aningkun ka henghea riito. Krai mren, apaiq raq hangsi kaü ka chhechhise ikha ajaq maq lapho raüta kholam kholiiq panbaiqto. Shatmaq apaiq raq kra klotaq bom ka anyungwe ma chongmak dea riito.

PHOWEBI 15:14

Apaiq ka Lehi chela na saüwa kiitiishe, Philistainnok ka agilülü aju trang la apaiq phanü na jutrangto. Shatmaq tiihanghiiq miili Tatiwe ningkun raq ka rom wan raüta, apaiq ningkun ka henghea she riito. Krai mren, apaiq raq adü na ajaq nai akhum na akha raü thun ka wa na achaq railo ikhli panthit panbaiqto.

PHOWEBI 3:11

Krai mren, Israilnok mung na rawii roqblai mung atsing maq sito. Kiimaq Othniel ka tsaito.

PHOWEBI 3:8

Kriikha na Tatiwe ka tsangshiq ma atsankhiq riito kriikha na Tatiwe raq Mesapotamia Hokhamwe Kushan Rishathaim ma tsangshiq ka tiikhat raüta tiitangto. Raüta apaiq ma Israilnok ka tiipeng wanto.

PHOWEBI 6:34

Kiitiika Tatiwe wenyi raq Gideon ka kunli rom wanto. Krai mren, apaiq raq rekhat kai miitu Abiejar weraü phan maiq thun ka apaiq jai phan kirong ra nguta tsangshiq hea boli tsüto.

1 SAMUEL 10:10

Krai mren, Saul nai ajaqshi se ka kra ranaiq niili Gibea chela niishe saü wanto. Kra akhing na shammibi kongshi raq Saul rai riihumto. Krai mren, tiihanghiiq miili she Shiikeawe asii wenyi raq Saul ka kun li rom wanto. Kiimaq Saul kiimin shammibi kong kra rai, adoq haha she, wiinum wiinea she, agilülü maq Shiikeawe shomnoq shammibi kong krai she doqsiq wandamto.

1 SAMUEL 10:6

Tiidongchhaq miili Tatiwe wenyi raq ümniika arom mirwan. Kiimaq ümnii riimin tsangshiq rai Shiikeawe shomnoq wiinum wiinea she agi asii watrang liishe mipong wan dam haü. Kiimaq ümniika pong miishe mijaki haü.

1 SAMUEL 11:6

Ümtiikiiwa Saul raq kra tsütsa ka taitaq, Shiikeawe wenyi raq apaiq ka romwanto. Krai mren, apaiq ka pinthum walüwa ikhiishe khiqkito.

1 SAMUEL 16:13

Kiijiishe Samuel raq olip tsai ka lam laüta Dawit khupo na aphutiim makki na nyukto. Tlothitli she Tatiwe wenyi raq Dawit khum ka rom wanto. Kiimaq kra ranaiq miiphat she wenyi ka Dawit rai siwanto. Raüta Samuel ka Rama chela na hali jang wan nongto.