PHOWEBI 21:10 - ASII LAKDAP Bible (BSI)

¹⁰ Kriikha na mungmaiqse thungtlaq krii raq srea nolabi maiq hingroqshi ri hingnai tsea raüta aming akha kuq raüta tiikito, “Jabesh chela na kirong laq. Lanta maiq angu wiita, jechakre kiimaq nosere tsatbaiq ronglaq.

Hawa Naga Bible 2001

¹⁰ Kvkhoc rvtueq rvtuimx yaq miq htenc rueq, tsuinghez wawc khvmc thuinz httaz hvlc jix miq 12,000 muex ngoc, “Nuimhez kaz vtueq yalxjuik rulx htenc nuiyc nosaz rulx htenc vlomx Jabesh ghaq wawc miq htenc kuex thvt gay kaz kuinz.

PHOWEBI 21:10 Referencias Cruzadas

WEAWEA 31:17

Kra ningkhan ümchaü min, maiqwe sere thun ka wiita tsatbaiq ronglaq. Kiimaq jechakre maiqwere rai asinga witi thun kra wiita jiipbaiq ronglaq.

TRI CHONGKE 13:15

kriishe ngu raüla, kra chelati maiq thun ka namshiq raq wiita miqchup jiip baiq ronglaq. Kiimaq tsangshiq jam nyamse kong thun kiimin wiita jiip baiq ronglaq. Kra chela ka hiqmiq changkhü ma tiijabaiq tlii jiipbaiq ronglaq.

JOSHUA 7:24

Raütiishe, Joshua nai Israilnok mungmaiqse wiita raq, Achan ka kampho, samtongjong kaü, kiimaq chaq ngam pan, kiimaq Achhan setiim maiqwesere, kiimaq asetiim jechaksere, apaiq minsaü kong, kumtoq kong, kiimaq skukong, kiimaq apaiq tombutiip kra, kiimaq apaiq jaq na hupsam ümchuwa rümtlaq kra thun krai nong nong maq laphoto; raüta tsangshiq raq tsangshiq ka Chamchao Hiqwii kiiniishe sheahoto.

PHOWEBI 21:5

Raüta tsangshiq raq akha waito, “Riita Israilnok maiqphan ümchuwa sitlaq kiiwa, Tatiwe man na, Mijpa na ngongthun ngakai kiijaq lomwa dam makti maiq phan asi shea?” (Jamkhano ngukla, tsangshiq raq juwa Mijpa chela na achu jaü na lomdam mak, kriiti ka atsea baiq chang nguta sinkham tri shatthüto).

PHOWEBI 21:8

Ümtiikiiwa tsangshiq raq, Mijpa chela na Israilnok mungmaiqse ngongthuntaq kiijaq maiq phan nokshi ra lomki dammak dea asi shea nguta, bom konchon kiita, tsangshiq raq Gilead wangti wa Jabesh chelati ka lomki dammak dea nguta sapto.

PHOWEBI 21:9

Phenlabi manghea wantaq akhing na, Jabesh chelati maiq ka ahü riito.

PHOWEBI 5:23

“Meroj chelati khuthaq na manson laq,” nguta Tatiwe rase raq ngutlo, “Sonlaq, manson laq! Meroj chela na siti ma. Tsangshiq ka Tatiwe khrumkai kimak riito, phenlabi ma jaraüta apaiq miitu, rekhat kai kimak dea riito.”

1 SAMUEL 11:7

Krai mren, apaiq raq minsaü pongwe anai kra tato. Raüta angam ka aphu pahea ma chumto. Raüta kra ngamphu thun ka tsasoqtibi ma Israil mung kunli na tiikuq wato kiimaq bom ka akha tri atsin maq tiichong wanto, “Jurwa Saul nai Samuel jai phan phan rekhatkai pongdam mak riijiiq, kriiti ka minsaü pongwe thun ka akha mitiijabaiq!” Israilnok ka Tatiwe raq jamlai wa riijiiq la nguta ahai riito. Krai mren, maiq jumin tiihang mak maq tsangshiq kunli kiqshi maq chaprang raüta kihoto.

1 SAMUEL 15:3

Kilaq laüta Amalakaiqnok ka khatkikiq. Laüta tsangshiq hupsam thun ka wiita hiq maq hutse miqchup shiithen baiqkikiq. Jamlai phan min naq tiichongkiq. Maiqwere, jechakre, nosere, kiimaq noshiisetiim thun kiimin, thumthum jiipbaiqkikiq. Kiimaq jam nyamse minsaü chhechhi, skusekong, kumtsong kong thun, kiimaq kumtoq kong thun wiita laimiq jiipbaiq kikiq.”