PHOWEBI 2:7 - ASII LAKDAP Bible (BSI)

⁷ Joshua atra sishat wiiwii ka Israilnok raq Tatiwe ka shiililii raüta siwanto. Kiimaq apaiq tsaijai niimin, Israilnok ma phukhu welabi juju riiwa Tatiwe raq Israilnok miitu, amao chang pahea sham wantaq kriithun ka maiqmii mak maq chhi wantibi pat ka atra sishat wiiwii, tsangshiq raq Tatiwe ka shomnoq wan ruq riito.

Hawa Naga Bible 2001

⁷ Israel miqsaz rueq Yoshua rullungx tvraungx wawwawx Yehowa muex nawk palx wuez tueq, piq thueyc kay yix muinz Israel miqsaz tvkoc Yehowa rueq shuimx wvnc tueq yunghvlc phvnx lotlaz kuex miqmac pumz maq khic wvnc jix walaungx bix htenc rullungx tvraungx wawwawx miq htenc rueq tvhttoarc vtueq Yehowa muex nawk palx wuez yaq.

PHOWEBI 2:7 Referencias Cruzadas

2 HOKHVMX 12:2

Arilung pattup apaiq riika Tatiwe tiichochi kli shamto. Jamkhano ngukla ramwe Jehoiada raq apaiq ma hon atsii ka chongkuqto.

2 KAÜWA WERAÜ 24:2

Apaiq raq ramwe Jehoiada asi wiiwii ka Tatiwe chochi chang jaq shamto.

Philippians 2:12

Riita, ija, ara chongkuq tiipha arai mren, lungwii phunainotiim lei, man na ngi, namshiq rai adam siji na, namshiq raq jamkho, i bom chong ka phaqchii nichii maq tai lan, kra nam miimin, namshiq raq ümchaü i bom chong ara tai wan ka akhek lin she. Namshiq raq tiichhii wan rilung lap wan kra, awon awu ma tiija wan miitu, Shiikeawe lamphan na, pinthum shiikut chaq lanta sironglaq.

JOSHUA 24:31

Joshua ka atra sishat wiiwii, Israilnok mungmaiqse raq Tatiwe ka shiilito. Kiimaq apaiq tsaijai min, Tatiwe raq Israilnok miitu ümchuwa jaqsham wantaq kra maiqmii mak maq chhiti welabi thun ka atra sishat wiiwii tsangshiq raq Tatiwe ka shiili shat riito.

PHOWEBI 2:17

Shatmaq Israilnok raq tsangwelabi bom ka taimak riito. Israilnok raq Tatiwe ka tsapkap mak shisheto. Kiimaq laihin phrakong khoti shomnoqhoto. Tsangwetiim riikaq Tatiwe aming thun lang wanto. Shatmaq ara senye pat raq kra lamphan ka jaqloli athaq she riibaiqto.

PHOWEBI 2:6

Joshua raq Israilnok ka tsangshiq hiq na tiiwa baiqto. Kiimaq, maiq loweatek ka apaiq rii hiqshong achumkuq kiijaq shong wa she wawanto.

PHOWEBI 2:8

Riita Nun se, Tatiwe jaqshise se Joshua ka apaiq rawii wiiroqshishi ri wiiroqshi niishe tsaito.