PHOWEBI 19:23 - ASII LAKDAP Bible (BSI)

²³ Shatmaq tikiiwe ka kinphai na dongkito. Raüta tsangshiq ma chongto, “Riimak, kongtibi lei! Akhiiwiqwiq ka naq bom rongkiq! Atinkhan abi, ashut ka naqklo rongkiq! Apaiq ka iwanwe, ijam na adü.

Hawa Naga Bible 2001

²³ Yuq muinz likawx waz kuex dung kaz vtueq tsuinghez muex ngoc, “Kungjix bix lex, kvkhoc mvy muq! Kejux maq! Kvkhoc vbac vtac vshuy vshac yauk shuimc kuex nauk shuimx kaz! Piq kuex ngvy wuinz waz rvtueq.

PHOWEBI 19:23 Referencias Cruzadas

RAPHA HIQWA LAK 19:8

Liironglaq. Isenai junsang senai asi. Ngi raq tsangnai ka namshiq ma sheakuq wa pha. Namshiq raq jamlai klo rowa, tsangnai miili klo ronglaq. Shatmaq ara wanwenai armiika jam min naq klo rongkiq. Tsangnai ka iwanwenai ijam mong na. Ngi raq tsangnai ka tiiwongke raa dongdii.”

RAPHA HIQWA LAK 34:7

Kra akhing na Jakob setiim ka rum maq awa jam na asaü wan she riito. Tsangshiq raq kra tsütsa ka taito. Kra tairaüta tsangshiq ka ahang raili riito. Kiimaq Shekhem raq atinkhan ashut klotaq kiimaq Jakob se ka haihü raüta Israilnok shummiitaq kra ningkhan pinthum aphok khiqto.

2 SAMUEL 13:12

“Ramak,” nguta apaiq raq nguto, “Ngi ka amiinu ahü maiqse ikha naq shiichutkiq! Kriika abi pinthum!

TRI CHONGKE 22:21

tsangshiq raq apaiq ka awe jam rinkea kilam chong kiijaq shea wan chang. Raüta kra chelati mungmaiqse raq apaiq ka long maq tiitsailaq tiiqbaiq ratlo. Apaiq raq nashiqnok mung na jeasi chang ngarai tangto. Jamkhano ngukla apaiq raq maiq ma miwa shaq na, awe jam na siji niili maiqwe rai adam hainga wanto. Akha kha pholanta akhnok abi jaqsham ka alam mirbaiq han.

JOSHUA 7:15

Raüta juwe wa tsun tiikang, kiimaq apaiq jaq na ashthen baiq chang hupsam kra humjiiq, kriiwe ka apaiq rai ajamtitiim kiimaq ahup asam ümchuwa ajaq na sitlaq krai adam na, wa maq chaqbaiqchang. Jamkhano ngukla apaiq raq Israilnok khuthaq na phiiptsi chang jea tiingaüto kiimaq ngi raq akuqha tongshong tri jinto.”

PHOWEBI 20:6

Ngi raq amaa ka howan kang. Lata amaa ka pong pan riipan chum kang, lata Israilnok maiq phan phanroq shi ri phan nai kiima maiqngam phu ka phuchhuqchhuq tiiwan kang. Arnok raq nashiqnok liipan na abi pinthum jaqshamto kiimaq ashut pinthum kloto.