Philippians 4:12 - ASII LAKDAP Bible (BSI)

¹² Ngi ma Khristo raq akuq ningkun maq, ngi riika ümchaü, phanrap akhing wiita tang wan ruq lot tiikang.

Hawa Naga Bible 2001

¹² Ngaz htemrvmz ruiux muinz, phoay rungx ruiux muinz, hunghtaungx muq ngoz ruiux muinz, vjvnc vnac ngoz ruiux muinz, yvmx khoc vkhing, yvmx khoc baung nuex httax ruiux muinz, thuinhvlc maq httaz ngaungc tvkoc vtvluingc wuez shex rvtueq.

Muklom

¹² Nga ngin hunga jin tong ang ma usam eq ang, etho ahan o tong ma tho jin sam eq ang; chamal rangham ang ajo tho, wok phutla phaksat ang jo tho, wokkam ang ang jo tho etho ahan ang eq etha ang moq o aney ang eq sungrang eq tong ma nga usam eq ang.

Philippians 4:12 Referencias Cruzadas

NEHEMIA 9:20

Ümlungwii tsii khong maq, tsangshiq raq jamlai jaqsham chang wa, kra chongkuq laü. Ümniiraq tsangshiq ka manna dungpin maq, dunghiq wan laü. Kiimaq tsangshiq letsi na, kham tiiphok laüta letsi tiitsaq kuq laü.

ISAIA 8:11

Apaiq ningkun jonghea maq Tati raq ngi nangnga mungmaiqse raq jamlai lam wa phantlaq kra naqphan damkiq nguta ngi ma phaqthak nithak atsidada maq honlam bomtsi chongkuqto. Apaiq raq nguto,

JEREMIA 31:19

Naishiq ka ümwokhong wa juhokai, shatmaq jaqlo liipan niili ümwokhong na jangwan nong lungwiitiikai. Ümniiraq naishiq ma mo tiiholaü she, naishiq raq naitok ka hiq na kurang hoqsiqkai. Naishiq raq jea ngaükai, kiimaq naishiq khushü tiijamkai, jamkhano ngukla naishiq noseji na ngarai tangkai.’

Matthew 11:29

Minsaü raq thaikii maq ni thu tlaq ikha, namshiq riimin i thaikii ara holanta sirong laq. Lanta i wokhong maq ngi raq namshiq ma shrinkuq tiikang bomtsi kra saptsin ronglaq. Ngi ka sobsob bombom maq nai tsan nin woknin maq siti. I wokhong na siti ka huntsak niitsak she mishong nga han.

Matthew 13:52

Kiijiishe Jesuq raq treto, “Ikhiijiika Thungtri shrinketi phong wa, juwa Ramungtan na asengi ma tiija wan tlaq, kriiti ka maiq laopan weshi raq, apaiq jamkun mong na atsiiq anyam tum totlaq kra, tsiiq chü nai tsii nye thun kra lam raüta, damjong na raüphong tlaq ikhiishe chiithe jong she mija wan.”

2 Corinthians 10:1

Ngi Paul raq pumsii maq, namshiq ma ara bomtsi tiitai tiikang. Ngi ka namshiq rai mantut na sitiikang niika, tsan nin woknin we ikha sitiikang. Kiimaq nyea jokjok we nguta liiwan tlan. Shatmaq, kiimphai she tiijaiho latiika, kiqla hiip-hii we miishe jaki tiikang. Jesuq Khristo raq akuq, sobsob bom bom hon atsii nai mangchan tsantsii maq, ara namshiq ka tiijom na lata bom rai tiikang.

2 Corinthians 10:10

Ara chhi lanta, maiq wiijamti riika, “Ai Paul raq alak niika, asiq areng bomtsi waiq wan lili riitlo. Shatmaq, apaiq ka ümtiikiiwa nashiq rai mantut niishe nga wan jiiq, kiitiikaq, apaiq ka hüjom hanjom she jaki tlo. Kiimaq apaiq ka tsüwe tsitwe ikha riimak she!” nguta ngi ka mishipoq siq wan.

2 Corinthians 11:27

Jaqsham kaiwa ümtinkhan wa, hunnii wankang. Ümtinkhan wa, rawa konhü maq sham wan kang. Khamnyang wiikii tsi maq ümtinkhan wa lea wan kang. Ngi ümtinkhan wa, amang ale miili, khuhü kheahü miili lea wan kang.

2 Corinthians 11:7

Ngi raq namshiq ma, Shiikeawe Tsütsa Ahea kra chongkuq wan kang akhing na, namshiq jaq wa jamlai phan, amaq athii min jaü phaq siq mang dea riikang. Namshiq ka ajong ma tiija wan miitu, ngi ka aranse ma jawankang. Riita, kriika ngi raq namshiq man na, ajiq sha klo kang?

2 Corinthians 11:9

Kiimaq ngi ka namshiq rai adam na sikang liipan niimin, ngi tiipao wan miitu kampho raa wan tlaq akhing niimin, ngi raq namshiq ma, jamlai phan holai min tiiho wan mang dea, phunainotiim Mesidonia wang wa saühotiiti raq, ngi ma jamlai phan wa rong raa tlaq kra, chomrom kuq hoto. Man na lea wantaq akhing na jamkhiiwa siwan kang, kiikhiisii hali rawiichii akhing niimin misi wan ha. Ngi ka namshiq khuthaq na holai ashi miika jawan mang!

TRI CHONGKE 32:10

“Apaiq raq tsangshiq ka kumtsaiphii mung na amangmii rai wa humto, maiq ahü, rahai wa henghea bintang jiingi mung. Apaiq raq tsangshiq khup wong kuqto raüta shiikum panto, apaiq maiqmii khum tiichhiitlaq ikha.