Philippians 2:29 - ASII LAKDAP Bible (BSI)

²⁹ Apaiq ka Tatiwe pum na phuno nguta chojong chise maq tao ronglaq. Apaiq akha jaqsham wanti tarü ma shreng ronglaq.

Hawa Naga Bible 2001

²⁹ Kvkhoc rvtueq nuimshiq rueq piq kuex Taungjix nuex phunox washiz ikhoc lvp wvnc shuinz. Kvkhoc jix miq kuex tvtsanc nganc wuez shuinz,

Muklom

²⁹ Eshirangma piq shi Teyhungwa miing o sungrang eq thawan inn. Etho piq shimal miqtang shi rangka inn.

Philippians 2:29 Referencias Cruzadas

ISAIA 52:7

Pinthum thuktsomhea miraq pumkaü ji maq tsasoqtiwe kairai liisea ka, tsütsa ahea soho raüta, khusang rakhang tsütsa! Apaiq raq rekhat tang wan tsütsa tiitaitlo, raüta Jajon ma ngutlo, “Üm Shiikeawe ka hokham!”

Luke 9:5

Ümra chelati riiwa, namshiq ka tao mak, kra chelati miika, namshiq hokphi wa botkhulai kra anaü riibaiq thü lanta wawan ronglaq. Kriika tsangshiq ma honlam bomchong kethü she miraq.”

John 13:20

Ngi raq chongtiikang arka tengteng: Jurwa i tsasoqti ka tao wan tlaq, kriika ngi tao wan tlo. Kiimaq jurwa ngi tao wan tlaq, kriika ngi tiikaiti we kriimin tao wan tlo.”

Acts 2:46

Wranaiqtek, tsangshiq ka adam na riitushat maq, Shomjam na Shiikeawe shomnoq riitam nga tlo. Kiimaq, jamshi na riitam hoho raüta, takshi pinshi maq chojong chise, kiimaq riiphea riinyin phaqsiq wan lili raüta sito.

Acts 28:10

Kiimaq tsangshiq raq naishiq ma kongphiq jaqmiiq kiimin pahea kuqne wanto. Kiimaq naishiq ka kra hiq maq tiido wan akhing niishe, tsangshiq raq naishiq ma khamjong lam maq wawan na tungsea lamsii ümchu wa raa tlaq kra thun ka laijong na ho thü kuq kito.

Acts 8:8

Krai mren, kra chela na siti mungmaiqse ka pinthum khoqriiq shishiiq miishe shongnga wanto.

Romans 10:15

Kiimaq, Shiikeawe raq apaiq tsütsa ahea kra, chiiriim raüta chongke wan miitu, bin na tsütsa chongke wantibi tiikai hü miika, juro michong kuq wan? Arka, Asii bomtsi na, “Tsütsa ahea chongke wantibi saü wan tlaq kriika, pinthum ahea riito!” nguta chong tlo.

Romans 16:2

Tatiwe mang na asii maiqsetiim raq kongti ka jamkhii tao chang wa, kiikha, apaiq ka tao ronglaq. Lanta, apaiq ma jamlai phan wa rongra tlaq, kra khrum kuq ronglaq. Apaiq ka nanok pahea rai mang arsap. Kiimaq ngi rai min, kongshi kiimshi maq siwanti maiq.

1 Corinthians 16:10

Timothi ka ümtiikiiwa kiijaq namshiq phana saü thin wan jiiq, namshiq raq apaiq ka ahea wiq maq tao ronglaq. Apaiq ka ngi raq jamkho sham tiikang, kiikha Tatiwe jaqshamti.

1 Corinthians 16:18

Kiimaq tsangshiq saükitaq kra ningkhan, namshiq jamkho chochi lan, kiikha ngi min kai chochi kang. Riita tsangshiq akha phukhu welabi ka pinthum shreng wan chang.

2 Corinthians 10:18

Ara jamkhano chongtiikai ngukla, Tatiwe raq arka ahea dea shamto nguta tiima tlaq we, kriili, riikhaqli minshiiqti we ma mija. Maiqmii tsan na, ahea dea sham tiikang nguta atiima kriika, Shiikeawe maklii na hongwa mak miraq.

2 Corinthians 7:2

Naishiq siwan miitu namshiq tsan nai mongjii na khok ka thüshat thü rong laq. Naishiq raq ju tsan min tiibi mai dea. Naishiq raq jumin shiithen jen mai. Kiimaq jumin nanshan wan mai.

Philippians 2:28

Riita, ara ningkhan tiina, jam tisorii wa nguta, apaiq ka namshiq phana tiiwa tiikang. Krai mren, namshiq ka chapa jonghea maq sitlan kra, namshiq miimin tsan asang she miraq. Kiimaq, ngi min chapa mang she mirha.

Colossians 4:10

Kiimaq ngi rai phaqtek mong na siti we, Aristarkas riimin namshiq ma salam bomtsi tiitai tlo. Kiimaq Barnabas nangwe Makaq riimin namshiq ma salam bom tiitai tlo, (Namshiq phana Makaq saü wa raü jaq, apaiq ka jamkhii shiikumpan chang wa, kriika namshiq ma kongkhu na atiichong wan wishe).

1 Thessalonians 5:12

Naphu nanotiim lei, naishiq raq namshiq ma sobsob bombom maq, tsii chongkuq tiikai ara tai ronglaq. Namshiq ma Phungmaiqse kamasham rilung lamphan na, lamsheatibi kiimaq sungkhu tsii lam chongke hunnii tlaqti ka, ahea wiq maq shreng lanta, shiililii rong laq.

1 Timothy 5:17

Phungtuti shunshea wan lam na, maiqlare kamasham jaqsham kewanti ka thepliip jaq maq kewan chang. Akhek ka trahoketi nai ashrinketi hunnii tlaq kra ma, jaqmaq kechang.

Hebrews 13:17

Kiimahali, namshiq ma lamsheatibi wokhong na, si lanta tsangshiq bomchong ka phaqchii nichii maq tai ronglaq. Tsangshiq raq namshiq ka, Wenyi rilung na tiichhan chhi wan miitu, naiqhü wasü hun nü wan tlo. Tsangshiq raq, Wenyi noboq jaqsham tlaq kra miitu, Shiikeawe ma heshap kewan chang asi. Namshiq ka tsangshiq wokhong na, phaqchii nichii maq tsangshiq bom tai lanta sihan jiila, tsangshiq raq shra jaqsham tlaq kra, chochikhiq maq misham. Namshiq raq tsangshiq bomchong tlea han jiila, tsangshiq ka tsan tiibishat lam miili, shra jaqsham ka misham. Kra raüka, namshiq ma jamlai achü shiiman lap chang ahü.

3 John 1:10

Riita kra ningkhan, ngi ka ümtincho wa kiina watiikang, kiitkiitiq, apaiq raq phanrap shukshaq tlaq thun kra wiita misidi ha. Apaiq raq naishiq khuthaq na nü min kimak chang thun bom wiita bom tlo kiimaq ümtinkhan wa arot akiq shapshaü miqshii tiikonchon tlaq kra thun ka mikonchon wa ha! Kli min riimak, apaiq raq Phungmaiqsetiim trahoke wa noqku na watlaq kriimin ajo riibaiq tlo. Kiimaq maiq wiijamti raq tsangshiq ka tao wan tiima tlaq kriiti kiimin apaiq raq tangta baiq tlo. Raüta tsangshiq ka phungtu wa tiidong baiq tlo!