Obadia 1:5 - ASII LAKDAP Bible (BSI)

⁵ “Rawa na ahukkong maiqjam na nyapwa raüla, tsangshiq ma jamlai wa rongra tlaq kli hukhotlo. Maiq raq spiqtsi panki raüla, tsangshiq raq aso ka tiichongthü ruq riitlo. Shatmaq ümjaqti raq ümniika, botkhulai rai shottlii tiithen baiqto.

Hawa Naga Bible 2001

⁵ “Raungnyauk nuex vguiuq vbawx jix kaz ruiux yuq, tsuingshiq muex rax yaq tanc khvnc dvyx tsuingshiq rueq lvmz yaq. Miq htenc rueq svpiq thuey tvjomx shuex nuex, tsuingshiq rueq mkaq muinz vsox tvjungx taq shec yaq. Yuq muinz mnoz muex ralx hez rueq mnoz kuex tvsuimz tvlanc tvbac gay tueq.

Obadia 1:5 Referencias Cruzadas

2 SAMUEL 1:19

“Israilnok mung kin thun na, nawelabi thun tsaito! Nashiqnok srea nolajongbi thun, wiita tsaito she!

ISAIA 14:12

“Bebilon mung hokhamwe, ranap saiqwüpo lei. Ümniika ramungtan wa dea wan laü she! Man na ümniiraq maiq mung thun pahea khat laüta jiiwan laü. Shatmaq ümchaü ümniika hiq niishe tiidea baiqto.

ISAIA 17:6

Maiq ka re jaqsong abungse atsap seli she mitiichong, kiimaq Israil mung ka olip petsi chong atsi wiita apanlotwi she ikha miraq, achong mun na petsi po ka poshi ponai ra selishe tiipaq raqraq atiichong ikha miraq. Kiimaq akü achongji thotho kiijaq atiichong poshi shi se tiipaq raq raq ikhli she miraq. Arka Ngi Tati Israilnok Shiikeawe raq ngutiikang.”

ISAIA 24:13

Akhiisiisaq mangjong tlotli na maiqmung aweatek na mipin wan. Arka oliptsi pantum akhing ikha miraq. Oliptsi ka achong aweatek wa riichom panlot jai ikha miraq. Spiqtsiro wa aso kiimin archom panwi she ikha miraq.

JEREMIA 49:9

Maiq raq spiqro wa spiqtsi pan raüla, aso ka achong niili tiichong thütlo. Kiimaq rawa na thiimeaq raq maiq jam tek wa raüla, tsangshiq ma jamlai wa akhek kriiphan hupsam kriili lamho raüta kihotlo.

JEREMIA 50:23

Bebilon mungti raq mangjong tlot li ka sintu maq abuk ikha wiita tiibun baiqto. Aphan aphu tonglong li she. Shatmaq ümchaü sanha, kra sintu po kaü kriika wiita she bunkito! Mangjong hiqraikhü na siti mangjong maiqse kunli raq Bebilon mungti then wan kra chhi raüta akii anyiili she sitlo.

JEREMIA 6:9

Ajong Pinthum Tatiwe raq ngi ma nguto, “Spiqtsi ro wa spiqtsi ka jamkho atsungwa tiisiirai riichom pan tlaq ikha, Israil mung wa maiq kiimin wiita spiqtsi pantlaq ikha mipan phaq wan. Arningkhan kra redong akhing ka misaüshaq na ümniiraq ümchuwa tang tlaü tiichhiilaq.”

AJONJÜ 1:1

Jerusalem chela ka man na asengi raq ama riito! Mangjong maiqse wiita raq kai ra tsa ikha tsa wanto. Shatmaq ümchaü san mantinyung ikhiishe; Chela rümti aki miikiimbi thun re raq jiip baiqto. Rewe jaqkhon mong na shumwi kong miishe tiija wanto.

Obadia 1:9

Teman chela nolabi thun, phiipraq mitsai. Kiimaq Edom mungti sreabi, wiita re raq mijiipbaiq.

Mikha 7:1

Miqkang she! ahü miqkang she! Ngi ka ram raq ahaü apit wan, Petsiro na petsi ritkikang min ahüshe, Spiqtsiro niimin atsi ahü she. Waitsi asumwiq tsihea thun nai, phupmuptsi hea hea thun, rangran kang ka apansea wishe.

JEPHANIA 2:15

Jarap jirap siwanti chela ka, maiqmii ningkun kiidea ajong nguta, shiikong mlong siti ka, kiimaq jamlai riimin chhechha lot mak nguta, tiimaseati ka akha mithenki. Kra chelati raq tsang chela kli, mangjong hiqraikhü na ajong pinthum nguta, tiimasiqtlo. Kriika hiqmiq changkhü miishe mijaki; kiijiika rumnyamsekong li she misi! Maiq loweatek kra lam maq khumti, kra chhi raüta phiip raq mitsai.

TRI CHONGKE 24:21

Ümtiikiiwa ümniiraq üm spiqro wa atsi ka lakshi panki tlaü, kiijaq aso tiichongtlaq kra pankai nong ka naq kikiq she. Kra spiqro na aso tiichongtlaq kriika pong mungti wanshawetiim, jechisere kiimaq manti-nyungre sitlaq kra miitu she.

Revelation 18:10

Wa na apaiq khiim wan kra chhi raüta, tsangshiq ka phiip raq mitsai. Tsangshiq ka alu na chap raüta, akii anyii akha mihoq trang: “Phiiptsi! phiiptsi, O ajong chela lei, O, Bebilon chela ajong ningkun rümti lei! narishi niili chongthum miq wan laü nya!”