MALAKI 1:8 - ASII LAKDAP Bible (BSI)

⁸ Namshiq raq ngi ma nyamse ka, makchuk hokkü lamwan lanta honglu na kuq tlan, kra namshiq nga jammin raamak ngutiisha tiima tlan? Akhnok nyamse ka namshiq raq, wanghuptiwe ma kuqki rongkiq na! Kra riihan jiika wanghuptiwe ka namshiq ma khoqriiqkhiq shea miraq? Raüta namshiq raq jamlai khrum wa jaü tlan kra mikuq shea?” nguta wiitarü ma Tatiwe raq ngutlo.

Hawa Naga Bible 2001

⁸ Ngaz muex shomc nawk kuy muex ngoz tueq muik vmawz, rvmuq ngoz ruiux vthuiuz vsac, rvmuq ngoz ruiux vhuk vbac nyvmx saz vshiz nuimshiq rueq laq shuinx nuex, kvruex kuex yaq muq ngoz tueq haz nuimshiq rueq tvmaung vshuinx? Kvkhoc phvnx nyvmx saz kuex mungx walaungx waz muex kuq talx tvkuit! Piq rueq nuimshiq kuex raungc raq ruiux htvlx phawc thvl wvnc shuex haz?”

MALAKI 1:8 Referencias Cruzadas

YOBA 42:8

Ümchaü min minsaü pongwetiim miishi kiimaq sku pongwetiim miishi hea wan lantea Job phana waronglaq. Lantea kriithun ka namshiq miitu honglu na kuq ronglaq. Raüla Job raq namshiq miitu achu mijaü kuq kiimaq ngi raq apaiq achu jaü ka mitre kuqha. Kiimaq namshiq raq jea ngaü phaq chang sitlaq kriiwa mitiiwong kuqha. Apaiq raq ngi miitu tengteng bom chongtaq kiikha namshiq raq chong man dea riilan.”

Tvtsvmc 20:3

Apaiq üm honglu thun kra mitao liidea raüta ümniiraq honglu thun ataakuq haü kriima michochi liidea.

JEREMIA 14:10

Tatiwe raq arnok miitu akha ngutlo, “Tsangshiq ka iwokhong wa juho kli lungwiitlo. Tsangshiq raq tsangshiq tsantsii ka shiikhing tsümak. Kra ningkhan ngi ka tsangshiq ma itsan heamak. Tsangshiq raq ümchu wa shutphittaq kra ngi raq tsan na mithüha. Lata tsangshiq ngarai kha na tsangshiq ma mo mitiihoha.”

Hosea 8:13

Tsangshiq raq ngi ka shomnoq wantlo. Raüta honglu ngamrea phaq wantlo. Shatmaq ngi tsangshiq Tatiwe ka, tsangshiq ma tsankhiq. Ümchaü sanha tsangshiq ngarai thop ka, tsangshiq makki niishe michekuqha. Lata tsangshiq ka sintsang miishe mitsatha. Lata Ejip mung niishe mijobaiq nongha!

HAGAI 1:1

Hokham Ajong Derias raq Persia mung ka lang wan li maq wiishi ri jipi lütrok she angu na, jipi lütrok kriiwa jiha ranaiqshi ranaiq na, Tatiwe raq Shammiwe Hagai lümaq bomtsi tiichongkito. Kra riisham bomchong kriika Juda mung langti Wanghuptiwe, Shealtiel se Jerubabel nai Ramwe Ajongwe Jehojadak se Joshua kriima atiichongki bomtsi.

MALAKI 1:10

Tati Ningkun Ajong Pinthumwe raq ngutlo, “Namshiq phong wa weshi ra raq Shomjam kilü thun ka shabaiq raüjaq ahea riichang wa nguta tiima tiikang. Kra nguraü ka namshiq raq athii ahü honglu thun ka iberongwacha na chaqki man mirhan wa. Ngi ka namshiq ma itsan heamak. Namshiq raq honglu kuq tlan ka tao mang.

MALAKI 1:7

Namshiq raq ngi ka athii ahü phaq nai sea honglu berong-wacha na kuq lanta shummii tlan. Kra riilanta nangshea, ‘Naishiq raq ümniika jamkho shreng mai riikai?’ nguta wai tlan. Ngi chongpha, namshiq raq ngi ma honglu kewan chang berong-wacha ka shreng man maq ashe ashi honglu kuq wan lanta berong-wacha ka tiisheshi tlan.

TRI CHONGKE 15:21

Shatmaq kra nyamse kong khum na abi ati asi, kra nyamse kong ka ahok akü, riimakla makchuk riimakla, phanshi ra akhum na dongbi ikha asi jiila, kiikha nyamse thun ka ümniiraq Tatiwe üm Shiikeawe ma honglu na take maimak.