LEWI 8:7 - ASII LAKDAP Bible (BSI)

⁷ Raüta apaiq raq samtong nai samtong jong ka Aron ma tiisam kuqto. Kiimaq kheabun tusetiim ka achhii na shat kuqto. Raüta apaiq raq asii kheaphu ka adü na tiisam saq paq kuqto. Raüta akhum na achhü na kheaphu aheawiq ataq shinket kiimaq shat kuqto.

Hawa Naga Bible 2001

⁷ Piq rueq Arun muex svmhung nuiyc hungluz kuex tvsvmc ruiux khez nuex kheshuit shuit kuq tueq. Hungtuingx svmhung muinz piq rueq tvsvmc kuq ruiux, vsvp waq maq vtauk kheshuit maq piq khez nuex shuit kuq tueq.

LEWI 8:7 Referencias Cruzadas

DUNGWVNC 28:2

Ümphu Aron miitu ramwe miirii thun kra klolaq. Laüta apaiq miirii ka khushü adong kiimaq athuk atsom tiihong kuqlaq.

DUNGWVNC 28:4

Tsangshiq ma khuk na samchang miirii, asii kheaphu, samtong jong kaü, rai maq sumla akokrat samtong, akhuphok, kiimaq kheabuntusetiim thun kra klo ronglaq nguta chonglaq. Tsangshiq raq ara ramwe rohun thun ara ümphu Aron nai asetiim miitu kloke chang. Raütiq tsangshiq ka ramwebi ma ja raüta Ngi ka mishkumpanlot.

DUNGWVNC 28:6

“Tsangshiq raq asii kheaphu ka raiwai, mintiitii, kiimaq uniraishii, chaq rai, kiimaq müsaisai raihi-nairai maq taq raüta atsomwiq sumla thun ka rai maq chhang raüta klo chang.

DUNGWVNC 29:5

Laütiishe Aron ma ramwe rohun kra tiitsam kuqlaq. Samtong, samtong jong asii kheaphu takiq na samchang kra, asii kheaphu kra, khuk na samchang kheaphu kra tiisam kuqlaq, kiimaq achhii shat chang shinket kra tiipa kuqlaq.

ISAIA 61:10

Jerusalem chochitlo Tatiwe raq jaq shamke wan khana. Apaiq ka junriise ajunwa akhing na tiimiitlaq ikha. Shiikeawe raq apaiq ma tiichhiiwan miirii tiisam kuqto Raüta rekhat tiitangkuqto she.

ISAIA 61:3

Jajon chela na maaho manyiti siti ma, Ashi ari siti ma, Chonjong chise khoqriiq shishiiq kekai, Ajü amii siti ma, Tiitsamkam shi kekai. Tsangshiq ka pero ikha miraq Kriika Tatiwe apaiq raq achhi wan. Tsangshiq wiita raq riikhaqli jaqsham kli misham, Kiimaq Shiikeawe raq jamlai jaq wa shamtaq kra miitu apaiq ka mitiitsam wan.

EJEKIEL 42:14

Ümtiikiiwa ramwebi ka Shomjam na jaqsham wa watlaq raüta tsangshiq ka kinphai rinkea kiina kaiho rotlaq, tsangshiq raq Tatiwe shiililii jaqsham na samtlaq miirii thun kriika ara khok thun mong na thüthü raa dongdii. Tsangshiq raq khea ka ahin samho raütiitiq nokwe riitam tlaq rinkea mong niishe kai chang miraq.”

Romans 13:14

Shatmaq, Tati Jesuq Khristo raq akuq rekhat chang miirii, khu aliiq, chuntsi nyiimwin kiimaq ko aliq thun kriimaq tiimiikhiiq laitiishe, tiijeshat maq rekhat miitu si rong i. Kiimaq namshiq khum wa ngarai han-ngam ramho jamlai phan wa sitlaq, kriika naq dung hiq rongkiq she.

Romans 3:22

Shiikeawe raq maiqse ka, Jesuq Khristo ma kamtsantsii thü tlaq kra lümaq, apaiq rai wehea she, kechu maiqse she nguta shramtlo. Maiqse ümchu riiwa, Jesuq ma kamtsantsii thü tlaqti thun kunli ka, Shiikeawe raq apaiq rai wehea she nguta shramtlo. Jehudinok phan nai Pongnok phan maiqse liipan na, jamlai phan atiikhothiq chang min ahü she. Wiitarü adam ngarai maiqse siisaq li sitlo.

Galatians 3:27

Namshiq raq, Jesuq Khristo mang na kham lam wan lan krai mren, namshiq ka, apaiq rai pumshi hanshi she tiija wanto. Krai mren, ümchaü sanha, namshiq ka, Jesuq Khristo rilung maq akhup wong wan wishe nguta chongtlo.

1 SAMUEL 2:28

Israilnok maiqphan tlotli sitlaq kra phong wa, ngi raq tsangta ka, iramwebi ma, berong-wacha na jaqsham ma, honglu homseng kra chaq ma, kiimaq asii miirii sam raüta, ngi rai bom riichong ma nguta shongkang. Kiimaq ngi raq tsangshiq ma berong-wacha na chaq chang ngam kiiwa tsangshiq rii ngamrea lamthü miitu arang kuqkang.