LEWI 8:6 - ASII LAKDAP Bible (BSI)

⁶ Mosheq raq Aron nai asetiim ka khaki a shea wanto. Raüta tsangshiq ma pii tiishi jü heronglaq nguta chongto.

Hawa Naga Bible 2001

⁶ Moshe rueq Arun nac sahez kuex max kvyuq shvlx laq vtueq yuix rvhoalc tvkoc jungx tueq.

LEWI 8:6 Referencias Cruzadas

Tvtsvmc 26:6

Tatiwe lei, ngi raq ijaq ka kham maq ahea riikang ngi ka chiisan nguta tiichhike miitu lata ümnaq shomnoq berong-wacha tro na khumtiikang.

Tvtsvmc 51:2

Ikhum wa abi thun ka hebaiqlaq kiimaq ngi ka ngarai mong wa tiisiirai helaq!

Tvtsvmc 51:7

Ingarai ka lambaiqlaq, raüla ngi ka asii she mirha; ikhum ka hekuqlaq, raüla ngi ka tsakhiiq nam ma alü she mirha.

DUNGWVNC 29:4

“Kiimaq Aron nai asetiim ka Ngi asi Tombutiip kilamchong kiina shea wanlaq. Kiimaq tsangshiq ma khum tiisii mrochhi khum tiisii he ronglaq nguta chonglaq.

DUNGWVNC 30:19

Aron nai asetiim raq kiiwa kham kra lam raüta tsangshiq jaq nai hok ka hechang.

DUNGWVNC 30:20

Arka tsangshiq ka Tombutiip mong na nyap wa ma hechang. Riimakla berong-wacha na phaqsea honglu kewa ma hechang. Kra raütiq tsangshiq ka tsat baiq mak miraq.

DUNGWVNC 40:12

“Laüta Aron nai asetiim ka Tombutiip kilamchong tho na shea wanlaq. Laüta tsangshiq ma pü tiishi jühe ronglaq nguta chonglaq.

ISAIA 1:16

Ümkhum ka kongkhu tiisii helaq. Ümniiraq atinkhan abi ashut kiimung wan tlaü imakki na tiichhi rai tlaq ara kongkhu thaqbaiq tlolaq. Ngutiikang, ashut jaqsham tlaü thun ara thaqbaiqtlo laq.

EJEKIEL 36:25

Ngi raq namshiq khum na kham asii maq mibatha. Lata namshiq raq sumla phra thun noq lanta kiimaq phanrap ashe ashi klo wan lanta, namkhum tiisheshi baiq lan kra, Ngi raq wiita atiisii mirkuqha.

LEWI 16:4

Kra raütiishe Tatiwe raq arthun thungtri ara kuqto. Aron ka Asii Pinthum Khok na minyap wa shaq na, apaiq raq ajü ka heraatlo. Raüta ramwe rohun kra sam ratlo: müsaisai raihi-nairai samtong jong kaü kra, kiimaq patulong kra, shinket kra, kiimaq khuphok kra samchang.

LEWI 8:5

apaiq raq tsangshiq ma akha nguto, “Ümchaü ngi raq jamlai jaq wa shamtiikang arka, Tatiwe raq aming maq.”

JEKERIA 13:1

Tati Ningkun Ajong Pinthumwe raq ngutlo, “Kra akhing saü wan raüla, hiqtang maq jütangkham miphok. Kra kham raq Dawit saüse phan nai Jerusalem na siti raq ngarai nai ashe sumla noq wantaq kriiwa mitiisii heakuq wan.

1 Corinthians 6:11

Namshiq phong wa maiq wiijamti ka, man na akha siwanti. Shatmaq namshiq ka ngarai mong wa tiisii hekuq wanto she. Namshiq ka Shiikeawe ma apaiq rii she nguta akiinongke wan kun she. Namshiq ka Tati Jesuq Khristo raq nai Asii Wenyi raq Shiikeawe jam niishe tiidiito. Raüta Shiikeawe rai wehea she tiijato.

Ephesians 5:26

Apaiq raq ara, apaiq miisaq kuq raüta phungtu ka Shiikeawe ma apkuqto. Apaiq raq tsangshiq khum ka kham maq tiisii hetse kuqlot raütiishe, Shiikeawe ma kiinong kuqto.

Hebrews 10:22

Krai mren, ümchaü sanha, nashiq ka Shiikeawe wokhong niishe nyap tlo rong i. Tiima tsantsii siirairai maq, kiimaq kamtsantsii pharangrang maq, tsantsii ka ashe ashi wiita tiijai maq tiisii he laita, kiimaq nashiq khum ka asii kham maq jühe laitiishe, Shiikeawe wokhong na warong pha.

Hebrews 9:10

Arthun honglu kuq tlaq arka, aphaq asea chang phan, raipo wonglo, anyang chang phan phaq asea, kiimaq alam alam na seng raüta khuliiq tsaichhin wan, mrochhi phaq wan chang sitlaq thun kra nangnga li chongtlo. Arthun arka rakhü-tsiri na lang wan chang thungtri li. Arthun arka Shiikeawe raq maiqse rilung lamphan lamjong anye kra mitan kuq shaq pat na lang chang li.

Revelation 7:14

“Shiilang we lei, ngi riiri sap mang. Ümniiraq asap haü,” nguta ngi raq trekang. Kiijiishe apaiq raq ngi ma chongto, “Arthun arka Phungmaiqse kong, kai chamchao wamong nyang maq alun wanti thun ahata. Tsangshiq raq tsangshiq miirii ka Skuse tiijai maq hewanto she. Raüta, ümchaü sanha lüdiidii hea she samtlo.