LEWI 7:21 - ASII LAKDAP Bible (BSI)

²¹ Kiimahali, maiq weshi ra raq, maiq khum wa adong apii chang phan, riimakla apii chang phan ngamse ka ajaq maq sham jai na, ara ngam ka phaq raüla, apaiq ka Shiikeawe sengi nguta weadam mak she miraq.

Hawa Naga Bible 2001

²¹ Miq nuex muinz, nyvmx saz nuex muinz, nawk palx htungx maq sawc muq phvnx hup svmx yvmx yuq muinz piq kvheq kvtungc gay yix maq, vruex shomc kuy juing ngvmx kuex phauk ruiux yuq, piq kuex Tishox miqsaz wawc tvdungc gay rvhumc tuex.

LEWI 7:21 Referencias Cruzadas

RAPHA HIQWA LAK 17:14

Maiqwere jurwa athohan ka klomak dea, kriiti ka isengi riimak she. Jamkhano ngukla apaiq raq Ngi rai tongshong raükha athü wan ka lang mak dea.”

DUNGWVNC 12:15

Tatiwe raq nguto, “Ramiishi na saüli namshiq raq pi maq joshe winsii ka phaq maimak. Pi maq shohü winsii kli phaq ronglaq. Apha wan ranaiq na namshiq jam wa pi ka tiisiirai lambaiq ronglaq. Kra ramiishi liipan na maiq ashi ra raq winsii ka pi maq shoje phaq raüla, kriiwe ka isenginok wa weshi nguta wea dam mak she miraq.

DUNGWVNC 12:19

Kra ramiishi liipan na namshiq jamkun thun na pi ka akhiismin si maimak. Jamkhano ngukla juli jiimin, noktiwe lo riimakla wanshawe lo, jurwa kra bala winsii ka pi maq shoje phaq raüla, apaiq ka isenginok phong wa weshi nguta weadam mak she miraq.”

EJEKIEL 33:25

“Tsangshiq ma, Ngi, Tati Rakaü Hiqwe raq jamlai wa ngutiikang ara chongkuqlaq: Namshiq raq ngam ka wiitiijai tam maq lumphaq tlan. Namshiq raq sumla phra thun shomnoq tlan. Namshiq raq maiq tsat tlan. Jamlai tiima lanto kra mung ka namshiq riishe nguta tiima tlan?

EJEKIEL 4:14

Shatmaq ngi raq trekang, “Riimak, Tati Rakaü Hiqwe lei! Ngi raq ikhum ka jangshi ra min tiisheshi mang. Ngi raq noseji miiphü apaiq tsai tsai atsaiki ngam riimakla asea awea raq akaq binriim ngam ka umtiikiimin phaqsiq mang. Kiimaq ngi raq phaq nai sea apii chang phan ashe ka ümtiikiimin inü na thümang phan.”

LEWI 11:20

Arakong asi phan ajong ajii thun ka ashe siisaq.

LEWI 12:1

Tatiwe raq Mosheq ma arthun thungtri raütu

LEWI 17:10

Kiimaq Israilnok wa maiq weshi ra raq, lo riimakla wanshawe pongmungti tsangshiq rai asiwa raq ngam ka wiitiijai tam maq lum phaq raüla, Tatiwe ka apaiq ma wesang she miraq. Kiimaq apaiq ka asenginok wa weshi nguta weamak she miraq.

LEWI 17:14

Atra phan tsitsü ka atiijai na sitlo. Kiimaq kra ningkhan Tatiwe raq Israilnok ma tsangshiq raq ngam ka wiitiijai tam maq phaq mai mak nguta aming kuqtaq. Kiimaq jurwa kra tri ka jin raüta phaqsiq tlaq, kriiti ka asengi phong wa weshi nguta weamak she miraq.

LEWI 18:29

Namshiq raq sap wan ratlo, jurwa ara maiqphai asi kiimung thun arwa phanshi ra klo wan raüla, kriiti ka Shiikeawe raq asengi ma weadam mak she miraq.

LEWI 19:8

Maiq ashi ra kra ngam ka phaqsiq raüla, kriiti ka ashut we she mijaki. Jamkhano ngukla Ngi ma akiinong kuq hupsam kriika apaiq raq hiqtili hupsam ikha tiijabaiqto. Kriikha na apaiq ka isengi nguta weadam mak she miraq.

LEWI 20:3

Kiimaq maiq ashi ra raq asetiim phong wa ashi ka Molekh phra shomnoq miitu kuq raüla, raüta ijam asii Tombutiip kra tiishe shi raüla, raüta imang asii kra tiibi raüla, Ngi ka apaiq ma wesang mijaha. Lata apaiq ka isengi nguta wea mang she mirha.

LEWI 22:3

Kiimaq ümsaü ümsetiim phong wa, ashi ra raq apaiq ka apii ashe sitlaq bala, Israilnok raq asii honglu thun Ngi ma kiinong kuqtlaq kra phong tho na wa raüla, apaiq ka berong-wacha na wa raüta ijaq ka ümtiikiimin sham wa lot mak she miraq. Arka pattup miitu tri. Ngi ka Tatiwe.

LEWI 22:4

“Aron saüsetiim phong wa juwa akhum na thabitsi ami atsi asi riimakla akhum wa kham dongtlaq atsi siraüla, asii honglu thun ka akhum ka apii mitiisii shaq wiiwii phaq sea maimak. Ramwebi jurwa jamlai phanli jiimin maiq maa niishe tiithantaq hupsam kra ajaq maq thantaq jiila, riimakla apaiq khum wa akham ka dongtlaq jiila, apaiq ka ashe she miraq.

LEWI 23:29

Jurwa kra ranaiq phanshi ra phaqsiqtlaq kriiti ka Shiikeawe sengi nguta weamak she miraq.

LEWI 7:20

Shatmaq maiq weshi ra juwa asii riimak kriiti riila phaqsiq raüla, apaiq ka Shiikeawe sengi nguta weamak she miraq.

LEWI 7:22

Tatiwe raq Mosheq ma arthun thungtri ara kuqto.

LEWI 7:25

Maiq ümriiti riiwa Tatiwe ma phaqsea-honglu na akuq nyamse ngampü kra phaqtlaq, kriiti ka Shiikeawe sengi nguta weadam mak she miraq.

LEWI 7:27

Jurwa arthun thungtri raütu arwa raüshi jin jiiq, kriiti ka Shiikeawe sengi nguta weadam mak she miraq.

WEAWEA 19:22

Akhum ashe we raq jamlai phan hupsam wa ajaq ma shamtlaq, kriithun ka ashe apii she miraq. Kiimaq kriithun hupsam ka maiq jurwa ajaq maq than shamtlaq kriiwe kiimin raji na saüli ashe miraq.

TRI CHONGKE 14:10

Shatmaq jü mong na siti phan wa arakong ahü nai asak ahü phan kriika phaq sea maimak. Arthun arka ashe phan siisaq.

TRI CHONGKE 14:3

“Tatiwe raq jamlai wa ashe phan nguta toqtan wantaq kra phan ngam ka naq phaqkiq.

1 SAMUEL 20:26

Shatmaq Saul raq kra ranaiq ka jammin ngumak kaiqshak li riito. Jamkhano ngukla, apaiq raq, “Apaiq arka ashut. Sho na lum na akaihowi she sham,” nguta tiimato.