LEWI 7:16 - ASII LAKDAP Bible (BSI)

¹⁶ Kiimaq maiq weshi ra raq, sin kiitiq kiq akham kra shiipai riimakla atsanro maq rintii-honglu kuq raüla, ngam ka kra honglu ke ranaiq li tiithum pak phaqrea ngomin raamak. Abung tiichongki tlaq kriika anap ranaiq niimin phaq sea mimai.

Hawa Naga Bible 2001

¹⁶ Mkhoc shoc maq miq washiz kuex piq rungwanx vtueq, rvmuq ngoz ruiux piq lungwawc thuinz maq lux rvyaungc shomc kuq ruiux yuq, shomc kuq shuex raungnuiyq ngvmx kuex tvhtumx laz phuiuz rac muq, kvjungx yaq ngvmx kuex raungnvp kvyix nuex phuiuz mvy yaq.

LEWI 7:16 Referencias Cruzadas

Tvtsvmc 116:14

Asenginok mung thungtlaq kiijaq ngi raq apaiq ma kiqkham kang kongphiq kra mikuqha.

Tvtsvmc 116:18

Ümsenginok tlotli thungtlaq kiijaq, Jerusalem na üm Shomjam silaitap na, ngi raq ümniima mikuqha nguta kiqkham kang kra mikuqha. Tati tiitsam ronglaq!

Tvtsvmc 66:13

Ngi raq chatlii-honglu thun ümjam na mikuq waha; ngi raq ümniima sinkham kang honglu ka mikuqha.

DUNGWVNC 35:29

Israilnok mungmaiqse tlotli raq, jurwa honglu kewan lungwiittlaqti raq, tsangshiq honglu thun ka Tatiwe jaqsham miitu lamkuq wanto. Arka apaiq raq Mosheq ma aming kuqtaq kra phan phan kloto.

TAKSU LAK 7:14

“Ngi raq honglu min kuq kang she; kiimaq honglu ngamrea min lam wan kang she.

EJEKIEL 46:12

“Ümra akhing niiwa mungtuwe raq maiqmii tsantsii maq Tatiwe ma wiipumtam chaqtlii honglu, lo rintii-honglu kewan tiimatlaq, wang mong rinkea na nyap wa chang shedong nü kilam kra apaiq ma midi kuq. Apaiq raq honglu ka Asii Niitiitsak Ranaiq na jamkho kuq wan tlaq kiikha kewan chang. Kiimaq apaiq kinphai na donghori kilü ka ashaq riibaiq chang.”

LEWI 22:23

Maiqmii tsantsii honglu ka nyamse samhea jongmak, apot laq rai araq kra kewan ka mimai. Shatmaq arka sinkham mrochhi honglu miitu ka maimak.

LEWI 22:29

Ümtiikiiwa namshiq raq Tatiwe ma kechutum miitu honglu takuq tlan, thungtri na chongtlaq kra phanphan klo ronglaq. Kra raütiq namshiq ka mitao wan.

LEWI 23:38

Ara poi thun arka joli Asii Niitiitsak Ranaiq thun na klo wantlan kriithaq na klo wan chang. Kiimaq arthun honglu kewan armin, namshiq raq joli akhingtek kongphiq kuqtlan kriithaq na kewan chang, kiimaq namshiq sin kiitiq mrochhi honglu thun kuqtlan, kiimaq maiqmii tsantsii honglu thun kuqtlan thaq na kewan chang riito.)

NAHUM 1:15

Liirong laq! Pum na ahea tsasoqtiwe watlo. Apaiq ka tangkai she nguta tsütsa tiitai kai kitlo! Juda mungti lei poi she klo rong laq! Namshiq raq Tatiwe ma, sinkham bomtsi khakuq lan kriishe, kuq rong laq. Ümchaü san maiq abi mungti raq, nammung ka jai na longliiq wa mak she miraq. Tsangshiq ka laimiq tiithen baiqto she.

WEAWEA 15:3

Minsaü pongwe ashi, skure pongwe ashi, sku ashi, riimakla chhechhi ashi kra Tatiwe ma chaqtlii-honglu na ke mimai. Riimakla sinkham tiikhoi honglu na mimai, riimakla maiqmii tsantsii honglu riimakla akhing khing na kamasham poi klotlaq kiijaq ke mimai. Ara phaqsea-honglu akuq khiimtsang ka Tatiwe ma tsan tiiheali miraq.

TRI CHONGKE 12:11

Tatiwe raq apaiq shomnoq chang hiq ka bashi tiitsang dada she mitsea. Raüta mithü wan. Kra hiqba kiijiili apaiq ka namshiq raq shomnoq chang. Kiimaq ngi raq namshiq ma aming kuq kang kra phan phan, wiita namshiq raq lam wan lanta, kiijaq apaiq ma kewa ratlo: Namshiq raq wa na chaqtlii chang honglu kuqtlan kra kiimaq laihin honglu kuqtlan thun kra, namshiq raq aroq khu wa honglu kuqtlan thun kra, kiimaq namshiq raq Tatiwe ma akhek atiitsang kongphiq mikuqha nguta kiqkham kuqlan thun kra mikuq wan han.

TRI CHONGKE 12:17

Namshiq sitlan hiqshong kiijaq Tatiwe ma honglu na akuq han kriiwa jamlai phan jiimin phaqsea wan maimak: aroq khuwa bunwong wong honglu kuqtlan kra, spiqtai honglu kuqtlan kra, riimakla olip tsai kuqtlan kra, riimakla namshiq jam nyamse kong minsaü se chhikhu nyungtlaq kra kiimaq skuse chhikhu nyungtlaq kra, Tatiwe ma akhek atiitsang kongphiq mikuqha nguta kiq kham honglu kra, namshiq maiqmii tsantsii maq honglu kuqtlan kra, riimakla laihin honglu kuqtlan thun kra, namshiq sitlan ba kiimaq phaqsea maimak.

TRI CHONGKE 12:26

Namshiq raq honglu kechang thun nai akhek atiitsang kongphiq thun mikuqha nguta Tatiwe ma kiqkham kuqlan thun kra wiita atiitsang noqku hiq ba kriijaq lamho lanta kuqholili ronglaq.

TRI CHONGKE 12:6

Kriiba kiijaq namshiq raq wa na chaq chang honglu takuq tlan thun kra mikuq han, kiimaq namshiq raq ahin honglu kuqtlan thun kra, namshiq raq aroq khuwa kuqtlan honglu thun kra, kiimaq namshiq raq honglu thun kuqtlan kra, kiimaq namshiq raq Tatiwe ma mikuqha nguta kongphiq akha han thun kra, kiimaq namshiq tsantsii maq honglu kuqtlan thun kra, kiimaq nashiq nyamse minsaü nai skukong raq chhikhu anyung chhikhu-honglu kuqtlan thun kra hiq bashi niili kewan chang.