LEWI 7:12 - ASII LAKDAP Bible (BSI)

¹² Maiq weshi ra raq ara honglu ka Shiikeawe ma kechutum-honglu ma kuq raüla, apaiq raq nyamse honglu na take chang kuq tlaq kriirai winsii honglu pi maq shohü maq alum kriirai kechang: bunwong wong win olip tai rai shotje theapakpak winsii riichang. Riimakla, biskut ka olip tai maq nyat raüta, riimakla, kek bunwong wongwin nai olip tai rai shot raüta alum riichang.

Hawa Naga Bible 2001

¹² Mkhoc shoc maq miq washiz rueq Tishox muex kejux shomc kuy shomc kuq ruiux yuq, shomc nawk juing nyvmx saz rulc vdvmz wisiz lomx muq wanx muinz lvmc lvy rax, kvruex wanx kuex olip puiz nuiyc wungwanx tvshot vtueq vtvhungx wanx poz, rvmuq ngoz ruiux olip puiz vnyvt wanx, rvmuq ngoz ruiux olip puiz nuiyc wungwanx tvshot vtueq vtvhungx wanx ruec rax tuex, vruex wanx htenc vyuq wisiz tvlomx mvy muq.

LEWI 7:12 Referencias Cruzadas

2 KAÜWA WERAÜ 29:31

Raütiishe Hejekia raq mungmaiqse ma nguto, “Ümchaü namshiq khum ka phum ram kham maq batje asii she. Tatiwe ma kechutum honglu thun kriishe lam wa lantea kuq rong laq.” Tsangshiq raq kra aming ka langto. Kiimaq maiq wiijamti riika maiqmii tsü maq nyamse ka wiipumtam maq chaqtlii chang honglu thun kiimin lamkuq wanto.

2 KAÜWA WERAÜ 33:16

Kiimaq hali apaiq raq Tatiwe shomnoq chang berong-wacha kriimin tiihea haito. Kiimaq apaiq raq rintii honglu thun nai kechutum hanglu thun ka kiijaq kuqto. Apaiq raq Juda mungti tlotli raq Tatiwe Israilnok Shiikeawe kli shomnoq raa nguta aming she kuqto.

NEHEMIA 12:43

Kra ranaiq na, mungmaiqse raq Shiikeawe ma achong lotmai pahea honglu kuq wanto. Shiikeawe raq mungmaiqse ka pinthum tiikhoqriiq wanto. Kriikha maq, tsangshiq ka kai chochi wanto. Kiimaq jechakre nai nosere thun riimin, kra poi jong klo wantaq, kra lom wan damto. Krai mren, mungmaiqse shinge wan trang, ashi riinya wan ka, barap binriiti raq taito.

Tvtsvmc 107:8

Tsangshiq raq Tati ma pinthum kechutum ratlo, apaiq raq tiipitmakphan lungwiitlo, apaiq raq tsangshiq ma amaochang jaq shamkuqto.

Tvtsvmc 116:17

Ngi raq ümniima kechutum honglu mikuqha; lata ümniima ngi achujaü honglu mikuqha.

Tvtsvmc 50:23

Kechutum honglu kuqtlaq kriika, ngi ma riikhaqli shreng wanto, kiimaq ibom taitibi ka ngi raq tengteng mitiichhii kuqha dongdii.”

JEREMIA 33:11

Chojong chise agi asii watrang kiimaq wiinum shewa maiqlam poi polo watrang poi klo she mitai wan nong haü. Ümniiraq nokmaiqse ka I Shomjam na kechutum honglu thun howan raüta kra kewa lam maq ashi ange watrangli she mitai haü. Tsangshiq raq akha mingu, ‘Tati Ningkun Ajongwe ma kechu tum ronglaq, jamkhano ngukla apaiq ka ahea kiimaq apaiq lungwii tsii ka pattup pat-sa thum mak.’ Ngi raq armung ka man na jamkho rongboq sitaq kiikha, arong awin hali mitiija wan nongha. Arka Ngi, Tatiwe raq toqtan tiikang.”

Hosea 14:2

Tatiwe phana jangtlo ronglaq. Akha achu jaü ronglaq, “Naishiq ngarai diikuqlaq. Naishiq achujaü tre laq. Ümniima kiqkhamkuqkai, kra phanphan mishomnoq kai.

LEWI 2:4

Kra honglu ka winsii watum na koraüta alum jiila, kriika pi maq shohü winsii riichang. Kriika bunwong win wa olip tai rai shot raüta ako theapakpak winsii moraq miraq. Riimakla, wongwin olip tai rai ashot riimakla biskut ka olip tel maq nyat raüta kechang.

LEWI 2:5

Kiimaq kra honglu winsii ka jinpen pintam na ako jiila, kriika bunwong win ka olip tai rai ashot riichang. Shatmaq pi maq sho ka maimak.

LEWI 22:29

Ümtiikiiwa namshiq raq Tatiwe ma kechutum miitu honglu takuq tlan, thungtri na chongtlaq kra phanphan klo ronglaq. Kra raütiq namshiq ka mitao wan.

LEWI 6:16

Kiiwa chantlaq abung ka ramwebi raq miphaq siq. Kriika winsii ma pi maq shohü maq kochang. Raüta asii khok Tombutiip Tatiwe asi rinkea kiimaq phaq chang. Arka Tatiwe ramwebi rii she nguta phaqsea-honglu akuq kiiwa phea kuqtlo. Arka asii pinthum, ngarai-honglu nai thiitham-honglu thun kuqtlaq kiikha.

LEWI 7:15

Kra ngam ka honglu takuqtaq ranaiq liipan niili tiithum phaq chang. Kra ngam ka anap ranap na saüli akhiismin abung tiichong maimak.

AMO LUIK DVP (AMOS) 4:5

Kechutum honglu winsii kra kuq wan rong liita, lanta achan anase kuq wan tlan kra miitu, nokwe ma chiiriim lanta tiitai kuq wan lili rong liina. O, Israilnok lei, namshiq riika akha, Shiikeawe shomnoq wan kra kai lungwii tlan kata, nguta Tatiwe Shiikeawe raq ngutlo.

WEAWEA 6:15

Kiimaq apaiq raq taükok shi pi maq shohü maq alum winsii thun: atheawiq bunwong win na olip tai maq shot raüta ako winsii thun kra, kiimaq biskut olip tai maq nyat je thun kra, kiimaq arthun arthaq na ratlaq bunwong win nai spiqtai honglu thun kriimin kechang.

Luke 17:16

Raüta, apaiq ka Jesuq jini chong na bumki tlii riito. Kiimaq, Jesuq ma pinthum kechu tumto. Apaiq ka Samaria we.

Luke 17:18

Riita, Shiikeawe ma kechutum wanti we ka ara pongmungti we arli sha?”

Romans 1:21

Tsangshiq raq Shiikeawe ka asi dea nguta asap. Shatmaq, tsangshiq raq Shiikeawe ma shreng manto, apaiq rii dongdii sitlaq, kra kuq wan mak maq sitlo. Kiimaq apaiq ma kechu tumke wan min ahü maq sitlo. Kra rü na khoti, tsangshiq tiima tsantsii ka, ajiq aphiq siisaq li, kiimaq tsangshiq khutsai ka shaqmii miili sitlo.

Ephesians 5:20

Tati Jesuq Khristo mang maq, Awe Shiikeawe ma, phanrap phanrii miitu, wranaiq she, kechutum ruq si ronglaq.

Hebrews 13:15

Krai mren, ümchaü sanha nashiq raq wranaiqshe, Shiikeawe kli she shomra laita, si rong i. Nashiq raq Shiikeawe ka, Jesuq mang na shomra wan tiikai arka, nashiq raq Shiikeawe ma honglu kewan. Nashiq raq apaiq kiidea Tatiwe nguta shomnoq tiikai arka honglu kewan ashi.

1 Peter 2:5

Namshiq ka atra longkaüsetiim ikha warong ra. Lanta namkhum ka longkaüsetiim ikha, Shiikeawe raq asii wenyi shomjam kra mihai laq. Kra shomjam mong na namshiq ka asii ramwebi ma ja lanta, wenyi honglu kiimaq Shiikeawe tsan tiiheali chang honglu, Jesuq Khristo lümaq mikuq han.