LEWI 5:10 - ASII LAKDAP Bible (BSI)

¹⁰ Kra raütiishe apaiq raq wushi kaüshiti kriishe chaqtlii-honglu miishe mikuq. Arka thungtri na chongtlaq kra phan phan miraq. Ara chongtlaq akha ramwe raq kriiwe ngarai miitu honglu ka mikuq. Kiimaq apaiq ngarai ka adii mirkuq.

Hawa Naga Bible 2001

¹⁰ Kvruex yimaq piq rueq vphvnc juing htungx httax yaq rulc rv-ngvlc vganc vshiz kuex wvr maq jauk shomc kuy juing rvtueq. Ekvkhoc maq shomc waz rueq kvruex waz mvrax laung nuex shomc nawk kuy shomc kuq ruiux yuq mvrax dawc kuy rvhumc tuex.

LEWI 5:10 Referencias Cruzadas

LEWI 4:20

Raütiishe apaiq raq ngarai-honglu minsaü pongwe jamkho takuqtlaq kiikhiisii hali ara minsaü pongwe armin honglu na mikuq. Kiimaq apaiq raq akha mungmaiqse ngarai miitu honglu takuq tlaq arai mren tsangshiq ngarai ka midii kuq.

LEWI 4:26

Kra raütiishe apaiq raq ngampü thun ka tlotli, rintii-honglu nyamse ataakuq jamkho wa na chaqtlaq kiikhiisii hali, wa na michaq. Mungtuwe ngarai tangtlaq miitu ka ramwe raq akha ngarai miitu honglu take chang raüla apaiq ngarai ka adii mirkuq.

LEWI 4:31

Kra raütiishe apaiq raq ngampü thun ka wiita milambaiq. Arka rintii-honglu na ataakuq ngam maa thun wa jamkho lambaiqtlaq ikha milambaiq. Raüta apaiq raq ngampü thun ka berong-wacha na michaq. Krai mren ara khiimtsang ka Tatiwe ma tsan tiiheali miraq. Akha ramwe raq kriiwe ngarai miitu honglu ka mitaa kuq. Kiimaq apaiq ngarai ka midiikuq.

LEWI 4:35

Kra raütiishe apaiq raq ngampü ka wiita milam. Arka rintii-honglu na ataa sku ngampü lamtlaq ikha milam. Raüta apaiq raq wa na phaqsea-honglu krai adam na Tatiwe wa na michaq. Akha ramwe raq kriiwe ngarai miitu honglu ka mikuq. Kiimaq apaiq ngarai ka midiikuq.

LEWI 5:13

Ara chongtlaq akha ramwe raq kriiwe ngarai honglu ka mikuq, kiimaq apaiq ngarai ka midiikuq. Kiiwa abung tiichongtlaq bunwong win ka wong-honglu akuq wa ramwe ma kuqtlaq ikha ramwe riishe miraq.

LEWI 5:16

Apaiq raq ake chang wa kuq mak dea tlea baiqtaq kriika keraa dongdii. Kiimaq kriithaq na amet shishi khu na roqnai tliip raüta keraatlo. Apaiq raq kra ramwe jaq na mikuq. Kiimaq ramwe riishe kra nyamse ka kriiwe ngarai miitu mitaakuq. Kiimaq apaiq mra ka midiikuq.

LEWI 5:6

Kiimaq apaiq ngarai kra tham miitu apaiq raq Tatiwe ma sku kaü ashi, riimakla chhechhi kaü ka honglu na kewan ratlo. Raüta kriiwe ngarai miitu ramwe raq nyamse ka honglu na mitaa.

Romans 5:11

Riita ara chong tiikai ara lamlam siili ka riimak. Arthaq niimin apa dea asi shaqli. Nashiq raq khoqriiq wan chang lamlu ka jonghea dea asi. Arka Shiikeawe raq Tati Jesuq Khristo pum lümaq, nashiq ka Shiikeawe khi alu bi miishe tiija kuq wantaq arkha maq khoqriiq siq tiikai.

Ephesians 5:2

Khristo raq namshiq ka kai lungwii tlo. Raüta arilung ka nashiq miitu, honglu na kuq raüta tsaito. Apaiq tsaitaq ka, Shiikeawe ma honglu ngamrea ashu ikha, ahomwiq Shiikeawe tsan tiiheali riito. Krai mren, ümchaü sanha, namrilung ka lungwii tsii ma lam tiishea lantli she si ronglaq.

James 5:15

Ara kam raüta achu jaükuq tlaq ariiraq atsi ka ahea mirki. Tatiwe raq apaiq athatsi ka mitiihea kuq. Kiimaq apaiq raq ngarai thun tangtaq kriimin adii mirkuq.

1 John 2:2

Khristo apaiq tiijai maq nashiq ngarai khum na nei raüta, nashiq thaq na Shiikeawe tsankhiq sitlaq kra tiishi kuqto she. Arka nashiq ngarai lamlam tiisii miituli ka riimak. Jesuq tiijai ka maiqse angu wiitarü ngarai tiisiike miitu sitlo.