LEWI 27:9 - ASII LAKDAP Bible (BSI)

⁹ Kiimaq kra sinkhamtaq nyamse ka Tatiwe ma honglu na ke mimai phan nyamse jiila, jamlai wa mikuqha nguta khamtaq kriika Tatiwe ma asii kongphiq siisaq miraq.

Hawa Naga Bible 2001

⁹ Yehowa muex bomkhvrc nuex seng yaq nyvmx saz shomc kuq ruiux yuq, Yehowa muex kuq shuex yauk noalc phvnx ruip htenc kuex vsawc shex ningkhvnc nuex,

LEWI 27:9 Referencias Cruzadas

TAKSU LAK 20:25

Shiikeawe ma mikuq shaq na, jamlai honglu wa mikuq haü, kra samhea tiima laq. Bomkhamke jai na, naq tiishudaq kiq.

THARC TVLUINGC 5:6

Ümbomtsi kriimiili ümniika ngarai na tiidea baiq chang ka naq bomkiq. Shiikeawe ramwe ma, ümniiraq shut rai kang dea nguta mra tiidii chang miraq. Shiikeawe tsan ka ümkhuthaq na jaram tiikhiq wa? Laüta ümjaq ajaqsham haü ka apaiq ma jaram tiithen baiq wa?

EJEKIEL 48:14

Tatiwe ma honglu na akiinong kuq hiqba kriika wiitarü thaq na pinthum hiqhea ba. Kra hiqshong ba kiiwiika akha phushi rase dongdii min maiq ma shake maimak. Riimakla ahin hiq ba rai aklai min maimak. Kiimaq maiq ahinti ma kebaiq min maimak. Arba hiqshong arka asii hiq ba kiimaq arba arka Tatiwe rii.

LEWI 27:10

Kra ningkhan jurwa kra sinkhamtaq apaiq raq kra laihin nyamse maq songke maimak she. Kiimaq apaiq raq kra nyamse ka ahin miishe la song raüla, kra nyamse wiinai ka anai wiita Tatiwe rii she miraq.

LEWI 27:8

Kiimaq sinkham kuqtiiqwe kriika miitsanhea kha maq sinkham kampho ka kuqlot mak raüla, jurwa akhum Tatiwe ma kiinong kuqtiiwe kriika ramwe phana shea wan chang. Raüta ramwe raq apaiq raq mikuq lot chang khan thiinin lin na seng raüta athii ka mimiitang kuq.

LEWI 5:15

Maiq ashi ra raq sapmak lam maq Tatiwe ma asii honglu ake chang wa kuqmak dea laq baiq raüla, apaiq raq kra kuq mak dea riitaq kra miitu Tatiwe ma tiitham-honglu kenong chang. Kriika sku pongwe ashi riimakla chhechhi akhum nyeajokjok ami atsi jam min ahü kra kechang. Kra thii ka mung raq langtlaq thii riikhaq li maq kechang.

Matthew 15:5

Shatmaq namshiq raq nokwe ma shrinkuq tlan, maiq weshi raq anyung lo awe lo kra khrum kewan miitu apaiq jaq na phanshi ra asi miraq. Shatmaq, apaiq raq, ‘O arka Shiikeawe rii she,’ nguta apaiq nü miishe ngu raüla,