LEWI 26:12 - ASII LAKDAP Bible (BSI)

¹² Ngi ka namshiq rai nong nong misiha. Ngi ka namshiq Shiikeawe ma mijaha. Kiimaq namshiq ka isenginok ma mija han.

Hawa Naga Bible 2001

¹² Ngaz kuex nuimshiq rulc vdvmz; ngaz kuex nuimshiq Tishox rvtauk, nuimshiq muinz ngvy miqsaz htenc yaungx wuez tuinx.

LEWI 26:12 Referencias Cruzadas

RAPHA HIQWA LAK 17:7

“Ngi raq ümniirai ikiq kham tiikang ka ümniirai kiimaq rawiichii pat achat na ümlai ümla thun rai min pattup pat-sa tongshong ma mitiijaha. Ngi ka üm Shiikeawe she kiimaq ümlai ümla thun Shiikeawe she.

RAPHA HIQWA LAK 17:8

Ngi raq ümniima kiimaq ümlai ümla thun ma, arhiq ara ümchaü ümniika wanwe sitlaü ara mikuqha. Kanan mung kunli ka pattup pat-sa miitu ümlai ümla phan rii she miraq. Kiimaq Ngi ka tsangshiq Shiikeawe she mirha.”

RAPHA HIQWA LAK 3:8

Kra raji tsangnai raq Tati Shiikeawe ka sonruk na akhum trang taito. Kiimaq tsangnai ka apaiq raq chhijiiq nguta pero mong na tiipaüto.

RAPHA HIQWA LAK 5:22

Kriijai maq, Enokh ka Shiikeawe rai rintiishi maq arawii 300 hali sinongto. Raüta asetiim ahinti thun min humto.

RAPHA HIQWA LAK 5:24

Apaiq raq arilung ka Shiikeawe rai rintiishi maq sito. Raüta apaiq ka amoshe riikito. Jamkhano ngukla Shiikeawe raq apaiq ka shea wanto.

RAPHA HIQWA LAK 6:9

Arka Nowaq manphan. Asetiim ka wetsam, Shem, Ham, kiimaq Japheth. Nowaq ka jamlai shut phit min ahü riito. Kiimaq apaiq pat wa maiqshaq ka apaiq kli riito. Apaiq ka Shiikeawe rai rintiishi maq sito.

2 SAMUEL 7:7

Ngi ka Israilnok rai laü wan dam tiikang pat na, ngi raq isenginok khuthaq na welabi ümchuwa shongwan kang kriiwa, juwe miimin, tsangshiq raq ngi siwan chang jam Sedar pe maq jamto haikuq man nguta ümtiikiimin wai wan mang shaq.’

Tvtsvmc 50:7

“Tairong laq, i senginok lei, ngi chongpha; ngi raq namshiq ma kha nyan tiikang, Israilnok lei. Ngi ka Shiikeawe, namshiq Shiikeawe.

DUNGWVNC 29:45

Ngi ka Israilnok phong na misi damha. Kiimaq Ngi ka tsangshiq Shiikeawe ma mirha.

DUNGWVNC 29:46

Kiimaq tsangshiq raq Ngi ardea tsangshiq Tatiwe, tsangshiq Shiikeawe, tsangshiq rai sidam miitu tsangshiq ka Ejip mung wa shea wantiwe nguta misap wan. Ngi ka Tatiwe tsangshiq Shiikeawe.

DUNGWVNC 3:6

Ngi ka ümtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe.” Kra ningkhan Mosheq raq atheaphi ka khea maq pangto. Jamkhano ngukla apaiq ka Shiikeawe theaphi na liikham mak ahaisi riito.

DUNGWVNC 6:7

Ngi raq namshiq ka isenginok shaq miishe mitiija wanha. Lata Ngi ka namshiq Shiikeawe miishe mija wanha. Kiimaq namshiq raq Ngi ka Tatiwe namshiq Shiikeawe nguta misap han. Arka ümtiikiiwa Ngi raq namshiq ka Ejip mung na dikong ma jatlan kriiwa dokda wan tiikang akhing niishe misap wan han.

ISAIA 12:2

Shiikeawe ka ngi chhiiti; Ngi ka apaiq ma mikamha kiimaq haisong mang. Tati raq ngi ma ningkun kuqtlo kiimaq rii tiihongtlo; apaiq ka ngi chhiiti.

ISAIA 41:10

Naqhaikiq - Ngi ka ümniirai asi! Ngi ka üm Shiikeawe - ümniika jam miimin naqphiip jiipkiq! Ngi raq üm ningkun ka mitiiheng kang; lata mikhrumkuq kang. Ngi raq ümniika mitiiwong kang lata mitiichhiiha.

JEREMIA 11:4

Ara tongshong tri raütu arka man na ngi raq tsangtitiim pat na tsangshiq ka watum mong na khiimtlaq ikha Ejip mung na khumraitlaq kiiwa Ngi raq tsuq wan kang akhing na ashongkuq wanha. Ngi raq tsangshiq ma ibom taironglaq lanta Ngi raq aming kuqkang tri raütu kra lang lanta shong nga wan ronglaq nguta chongkang. Ngi raq tsangshiq ma chongkang tsangshiq Ngi aming wokhong na si raüla, tsangshiq ka isengi ma mija wan kiimaq Ngi ka tsangshiq Shiikeawe miaq.

JEREMIA 31:33

Ngi raq Israilnok rai tongshong anye shong tiikang kriika, akhiishe miraq: Ngi raq itri raütu ka tsangshiq khum niishe mithüha kiimaq tsangshiq mongjii na miwaiq kuqha. Ngi ka tsangshiq Shiikeawe miraq. Kiimaq tsangshiq ka isengi miraq.

JEREMIA 32:38

Kiitiikaq tsangshiq ka isenginok she miraq. Kiimaq Ngi ka tsangshiq Shiikeawe she mijaha.

JEREMIA 7:23

Shatmaq ngi raq tsangshiq ma ibom tai raüta iwokhong na siraa nguta aming kuqkang. Krai mren ngi ka tsangshiq Shiikeawe miraq. Kiimaq tsangshiq ka isengi miraq. Kiimaq tsangshiq ka ngi raq jamkho aming kuq tiikang kraphan phan siwan ronglaq. Raüla tsangshiq ma rilung na phanrap ka aheawiq miraq nguta chongkuq kang.

EJEKIEL 11:20

Kiijiishetiq tsangshiq raq itri raütu thun ka mirüm wan kiimaq Ngi raq akuqha aming thun ka tsapkapkap miishe milang wan. Tsangshiq ka isengi miraq. Kiimaq Ngi ka tsang Shiikeawe mijaha.

EJEKIEL 36:38

Chela thun ümchaü botkhulai rai shottlii tiithen baiqtaq thun ka, man na poi akhing na Jerusalem na honglu na take chang skukong phong raq ama riiphongtlaq ikha, mungmaiqse ka misi wan nong. Kiijiishetiq tsangshiq raq, Ngi ardea Tatiwe nguta misap wan.”

Yoel 2:27

Kra akhing niishe, Israilnok lei, namshiq raq, ngi ka namshiq rai adam miidea sitiikang nguta misap han. Kiimaq namshiq raq, ngi namshiq Tati Shiikeawe ka ardea, Kiimaq ngi tea raüta, ahin shiikea ahü nguta misap han. Israilnok ka maiqmung ahinti raq, saisi mak she miraq.

JEKERIA 13:9

Kiimaq ngi raq mantsam wa manshi tiichong tlaq kra, wa mong maq mitleaha, lata kampho ikha wa na michenha. Chaq chentlaq ikha tsangshiq ka michenha. Kiijiishe tsangshiq raq, ijaq wa achu mijaü. Kiimaq ngi riimin mitreha, Ngi raq, ‘Tsangshiq ka isengi,’ nguta minguha, Kiimaq tsangshiq raq mingu, Tatiwe ka nashiq Shiikeawe.”

WEAWEA 5:3

Ara tsangshiq khum na apii ashe phan asi maiq kong thun ka wiita chiiphai na tiikibaiq ronglaq. Kra riihantiq tsangshiq raq Ngi isenginok rai sidam tiikang piitiip ka tiisheshi mak miraq.”

Matthew 22:32

‘Ngi ka Abraham Shiikeawe, Isak Shiikeawe kiimaq Jakob Shiikeawe.’ Krai mren, Apaiq ka maiqse amati sitlaq kra Shiikeawe ka riimak. Maiq atrati siwan tlaq kra Shiikeawe.”

2 Corinthians 6:16

Shiikeawe asii shomjam ka thawe makchuk jam rai apong dam chang lamlu min asi sha? Nashiq ka atra Shiikeawe sichang shomjam ahata! Shiikeawe raq akha chongto: “Ngi raq I jamjong ka I sengi rai mihai ha, Lata tsangshiq rai misiha, ngi ka tsangshiq Shiikeawe ma mijaha; kiimaq tsangshiq ka I sengi miraq.”

TRI CHONGKE 23:14

Üm sichang piitiip ka apii ashan chang ahü asii maq thülaq. Jamkhano ngukla Tatiwe üm Shiikeawe ka ümniirai piitiip na ümnaq tiikhup wongke miitu sitlo. Kiimaq ümjaqtinok khuthaq na ümniima rekhat tiitangke wan miitu sitlo. Tatiwe raq lungwiimak phan, apaiq raq ümniika jai nong shungthü chang phan ashe ashi jaq ka naq shamkiq.

TRI CHONGKE 23:15

“Maiq dise ashi ka atijongwe jam wa juho raüta, ümpuk na nyapki raüla, apaiq ka atijongwe phana naq tiijang wankiq she.

Hebrews 11:16

Kra rii na, tsangshiq ka ramungtan na tsangshiq miitu hiqshong rahai, athuk atsom thü tlaq kiijaq saü tlo hai jiilei nguta maklii khamthii maq siwanto. Krai mren, Shiikeawe raq tsangshiq ka apaiq sengibi ma tiija wan dam miitu Shiikeawe ka jeasi mak. Kiimaq krai mren, Shiikeawe raq tsangshiq miitu tsangshiq siwan chang hiqshong rahai chela ashi tei kuqto.

Revelation 2:1

“Ephisia na phungtu sitlaq kra liiti rase ma ara waiq laq: “Ara tsütsa arka raiqsaiqpo miishi, ajaq jaqtsi nü na sham raüta, chaq lem kham miishi mong na khumti we raq atiiwan.

Revelation 21:7

Jurwa rekhat tang tlaq kriiti raq i jaq wa ara milap: Ngi ka apaiq Shiikeawe miraq. Kiimaq apaiq ka i se miraq.