LEWI 26:11 - ASII LAKDAP Bible (BSI)

¹¹ Ngi ka namshiq rai Ngi asii tombutiip na misiha. Lata Ngi raq namshiq ka ümtiikiimin baiqthü mang she mirha.

Hawa Naga Bible 2001

¹¹ Ngaz kuex nuimshiq hvlwvl wawc ngvy vsawc tap nuex httax vtueq, nuimshiq kox wawc mkaq muinz kvwek wvnc taungx rvmuq.

LEWI 26:11 Referencias Cruzadas

2 SAMUEL 7:7

Ngi ka Israilnok rai laü wan dam tiikang pat na, ngi raq isenginok khuthaq na welabi ümchuwa shongwan kang kriiwa, juwe miimin, tsangshiq raq ngi siwan chang jam Sedar pe maq jamto haikuq man nguta ümtiikiimin wai wan mang shaq.’

1 HOKHVMX 6:13

Ngi ka isenginok Israilnok rai ara ümniiraq ahai haü Shomjam mong na misi damha. Krai mren Ngi raq tsangshiq ka ümtiikii jiimin miimbaiq mang she mirha.”

1 HOKHVMX 8:13

Ümchaü ngi raq ümniima achhai anyii shomjam ashi haikuq kang, arka ümnaq pattup pat-sa siwan changba she miraq.”

1 HOKHVMX 8:27

“Shatmaq, O Shiikeawe lei, ümniika ara mangjong hiqrai khü na silichang ka mibin haü shea? Jamkhano ngukla ramungtan wang win sitlaq kra tlotli santla ümnaq singa miitu ka aranse miraq. Riita ikhiijiika ara ngi raq ahaiha Shomjam khoshose armong niika jamkho misiim haü?

Tvtsvmc 106:40

Kriikha na Tati asenginok ma tsankhiq riito; apaiq ka tsangshiq ma shukhiqshe riito.

Tvtsvmc 76:2

Apaiq jam ka Jerusalem chela na; Apaiq ka Jajon kin na sitlo.

Tvtsvmc 78:59

Shiikeawe raq kriithun ka chhiraüta pinthum khiqto, kriikha niishe apaiq raq asenginok ka jainong shungthütlii miimbaiqto.

DUNGWVNC 25:8

Mungmaiqse raq Ngi miitu asii tombutiip ashi hai ratlo. Kriika Ngi tsangshiq rai sidam miitu.

DUNGWVNC 29:45

Ngi ka Israilnok phong na misi damha. Kiimaq Ngi ka tsangshiq Shiikeawe ma mirha.

DUNGWVNC 29:46

Kiimaq tsangshiq raq Ngi ardea tsangshiq Tatiwe, tsangshiq Shiikeawe, tsangshiq rai sidam miitu tsangshiq ka Ejip mung wa shea wantiwe nguta misap wan. Ngi ka Tatiwe tsangshiq Shiikeawe.

JEREMIA 14:21

Ümkiqkham bomtsi thun ka tiitsanglaq, laüta naishiq ka naqsaisikiq; Jerusalem ma jea naq tiingaükiq, ümhokham achhai anyii ngacho thüchang hiq, Ümniiraq naishiq rai tongshong laü kra naq jinkiq.

AJONJÜ 2:7

Tatiwe raq apaiq hongluke chang, berong-wacha nai, apaiq asii Shomjam kiimin jai maq nong baiqto. Apaiq raq rewe ma atuk thun, runbaiq miitu kiinong kuqto. Man na naishiq shomnoq chochi chang Jam na, tsangshiq raq tang raüta riiriiq wanto,

Yoel 2:27

Kra akhing niishe, Israilnok lei, namshiq raq, ngi ka namshiq rai adam miidea sitiikang nguta misap han. Kiimaq namshiq raq, ngi namshiq Tati Shiikeawe ka ardea, Kiimaq ngi tea raüta, ahin shiikea ahü nguta misap han. Israilnok ka maiqmung ahinti raq, saisi mak she miraq.

LEWI 20:23

Kra mung na sitinok maiq mung thun thung nai lai ka naq lang rongkiq. Ngi raq tsangshiq thatsang maiqse phan thun ka wiita jobaiq wan tiikang. Kriika namshiq ka kra mung na tiinyap wan miitu. Tsangshiq raq abi klo wanto. Raüta Ngi ma iphai tiisito.

LEWI 26:15

Namshiq raq Ngi raq akuqha thungtri thun nai aming thun kra lang man tlea hanla, kiimaq Ngi raq namshiq rai tongshong wan kang bomkham raütu thun kra jin wan hanla,

LEWI 26:43

Shatmaq, aphana, kra mungwa maiq thun ka kongkhu tiisiirai jobaiq chang. Kra riihaütiq hiqkhu rakhu thun raq niitiitsak rahiq tiinyili mihaisiq. Kiimaq tsangshiq raq Ngi raq akuqha thungtri raütu thun jin wan kha na nai kiimaq Ngi raq akuqha aming thun kra tlea wan kha na thumli tsangshiq kha tham kra kewan ratlo. Raüta chamchao homa kra howan ratlo.

LEWI 26:44

Shatmaq, kiitinkhan taü miili jiimin, tsangshiq ka tsang jaqtinok mung na sishon na, Ngi raq tsangshiq ka klang maq baiqtlii lang lang kla tiishaübaiq mang. Riimakla tiithumpak kla tiithenbaiq mang. Kra riiha jiika Ngi raq tsangshiq rai i tongshong wan kang ka athum she mirki. Kiimaq Ngi ka Tatiwe tsangshiq Shiikeawe.

JEKERIA 11:8

Shatmaq ngi ka sku rümti maiq wetsam kriirai, kiq ram wan lot mang she riikang. Tsangtsam raq ngi ka kai ngeng seng wanto. Kriikha niishe, jipi lüshi liipan niili, ngi raq tsangtsam ka ajo riibaiq kang.

Ephesians 2:22

Riita, ümchaü sanha, namshiq ka, apaiq rai pumshi hanshi she siwan lan krai mren, namshiq kiimin nanok ahinti wiitarü sitlaq kra rai, adam na rom raüta, Shiikeawe apaiq si miitu, jamjong kaü ashi she hai tlo. Apaiq ka namshiq rai, Asii Wenyi lümaq sitlo.

TRI CHONGKE 32:19

“Ümtiikiiwa Tatiwe raq ara chhitaq, apaiq atsan khiqto, kra ningkhan ase maiqwesetiim nai jechaksetiim ka miimbaiqto.

JOSHUA 22:19

Riita ümchaü min, namshiq hiqshong ka Tatiwe shomnoq thekmak jiika, Tatiwe asi Tombutiip sitlaq mung kiina kirongra. Lanta naishiq hiqshong kiiwa hiq wiijam namshiq rii jaü ronglaq. Shatmaq Tatiwe aming ka naq jin rongkiq. Riimakla Tatiwe nashiq Shiikeawe berong-wacha kra tlea lanta, berong-wacha achan ashi haiho lanta, nashiq liipan wa maiq wiijam ma ngarai naq tiitang rongkiq.

JOSHUA 22:31

Kiijiishe, ramwe Phinehas Eleajar se raq, tsangshiq ma akhiishe nguto, “Ümchaü ka naishiq riimin sap kai she. Tatiwe nashiq rai asi. Namshiq raq apaiq kiq ka tlea man dea. Krai mren, namshiq raq Israilnok ka Tatiwe moho chang wa tiichhii kuq lan.”

Revelation 21:3

Ngi raq hokham ngachang ngacho maq tiihong raüta abom, maiq bom ashi akha taikang, “Ümchaü Shiikeawe jam ka maiqse rai she! Apaiq ka tsangshiq raishe misi. Kiimaq tsangshiq ka apaiq sengi she miraq. Shiikeawe apaiq ka tsangshiq rai nong nong she misi wan dam. Kiimaq apaiq ka tsangshiq Shiikeawe miraq.

Revelation 7:15

Arningkhan she, ümchaü sanha, tsangshiq ka Shiikeawe wokhong niishe, apaiq shomnoq ranaiq rawa, apaiq shomjam mong na sitlaq ara. Ümchaü sanha, hokham ngacho na ngati we raq, tsangshiq ka achi arakhong maq pangshat she.