LEWI 24:4 - ASII LAKDAP Bible (BSI)

⁴ Aron raq lemsetiim ka lem tochang chiisan chaq khamchong na tiitotlaq thun kra aheawiq shiilichang, Apaiq raq ara lemsetiim ka akhing tek akhing khaq khaq na tiinyai ruq maq thü wan ratlo.

Hawa Naga Bible 2001

⁴ Arun rueq kuimshawx wvr htung wawc wvrkok htenc kuex Yehowa khaungkac nuex mkaq muinz luic hvt tvluic rax.

LEWI 24:4 Referencias Cruzadas

1 HOKHVMX 7:49

Asii Thaq Na Asii khok khaki na lem tochang roqshi kra, kriika shemai nü siim na biingi, kiimaq shekhu nü siim na biingi; kiimaq pepü tu thun kra, lem thun kra, kiimaq kiipthun kra.

1 KAÜWA WERAÜ 28:15

Kiimaq lem ashi tiiq miitu, kiimaq lem tochang kham kra tiiq miitu,

2 KAÜWA WERAÜ 29:7

Tsangshiq raq Shomjam kilü thun ka shaqbaiqto. Raüta lem thun ka wiita tiimat baiqto. Kiimaq homseng honglu min chaq mak she thaq baiqto. Kiimaq Israilnok Shiikeawe ma wa na wiipumtam maq chaqtlii nyamse honglu thun min takuq mak she thaq baiqto.

DUNGWVNC 31:8

chamrii nai chamrii miirii hupsam thun kra, chiisan chaq maq aklo lem-khamchong kra kiimaq kra miirii hupsam thun kra, homseng honglu chaq chang berong-wacha kra,

DUNGWVNC 39:37

kiimaq lem-khamchong chiisan chaq maq aklo, lemsetiim thun, kiimaq lem rai langchang miirii thun kra, kiimaq lem na tiinyai chang tel;

JEREMIA 52:19

Tsangshiq raq chaq maq nai kampho maq alo hupsam thun ka wiita howanto: aransetiim pincho thun, wachan wiiwatam maq chaq chang winpin setiim, honglu ataakuq ngam tiijai satlaq kra chung chang pincho kaütiim, honglu wabun thüchang hupsam thun, lemtochang thun, homseng chaq chang pinchosetiim thun, spiqtai honglu kechang pincho thun kra wiita howanto.

LEWI 24:3

Rajitek na Aron raq lemsetiim ka tiinyai chaqlili miraq. Raüta anap ranap na saüli lüshat riichang. Ara lemsetiim ka Tatiwe asi Tombutiip na Asii Pinthum Khok na Tongshong Tek sitlaq kra raituk chang khea chan tlaq kriimaq kinphai khokti na totlo. Ara thungtri ka pattup pat-sa lang wan ruq riichang.

WEAWEA 3:31

Tsangshiq ka Tongshong Tek kaü kra, chamrii kra, lem tochang kham kra, berong-wacha thun kra, Asii Tiip na ramwebi raq langtlaq tak apin thun kra, kiimaq Asii Pinthum Khok na wachang kilamchong na chantlaq kheathum thun kra liikoti riito. Tsangshiq ka arthun hupsam ara shiililii wan arang hoti riito.

WEAWEA 4:9

Raüta tsangshiq raq khea wai khea kra milam. Raüta kriimaq lem tochang khamchong nai lem thun kra, kiipsetiim thun kra, ado chang pin thun kra, kiimaq olip tai thüchang hupsam thun kra wiita mipang.

WEAWEA 8:2

“Aron ma chonglaq, ümtiikiiwa apaiq raq lem setiim miishi kra atochang khamchong kiijaq totlaq akhing na lem li raq khaki nü siim kra liliim chang mitiinyailaq.”

Hebrews 9:2

Shiikeawe shomnoq chang ka tombu maq, jolitiip chan tlo. Kra tiip ka among na khok anai asi. Rin khokti kriika, Asii khok nguta ngutlo. Kra khok mong niika, piijongteng tochang nai ramwebi raq Shiikeawe ma honglu na akuq winsii thü chang chamrii thü tlo. Chamrii na winsii ka thü ruq phan.

Revelation 1:20

Apaü raüta athü liichum ka ahata. Ümniiraq i jaq jaqtsi nü na raiqsaiqpo miishi, kiimaq lem tochang chaq kham miishi chhi tlaü liichum ka ara: Raiqsaiq pomiishi chhi tlaü kriika phungtu miishi kheti rasetiim sitlaq kra. Kiimaq piijongteng kham miishi chhi tlaü kriika phungtu miishi sitlaq kra.

Revelation 11:4

Riita, kra hakhi anai ka olip pechong anai chaptlaq, kiimaq lem anai mangjong hiq rümti TATIWE khaki na tiito tlaq kra.

Revelation 2:5

Tiima rong laq. Namshiq ka ümtinkhan tsaü diikiq niishe wa dea wan lan! Arkha maq, ümchaü min, namshiq ngarai lam wa ngi phana jang wan tlo ronglaq. Lanta, man na aphaji na ngi ka jamkho lungwii lan, ikha hali lungwii lanta sironglaq. Namshiq ngarai lam phan wa jang wan man la jiila, ngi kilata namshiq lem ka ato chang ba wa ado mirki ha.