LEWI 21:5 - ASII LAKDAP Bible (BSI)

⁵ “Ramwebi phong wa juwe riimin, akhupo wa bashi ra min sibaiq raamak, riimakla anübin ka tapbaiq maimak, riimakla akhum na tlam tlii tiimi khat raüta maaho dam mai mak.

Hawa Naga Bible 2001

⁵ “Shomc waz kuex vthueyc kay jix waz laung nuex yonzyec tvraung khux kuex bongluiz bongdvp nauk sulx kaz, kaqbanx mul muinz nauk sulx kaz, miqmac gvnz muinz nauk ruit gvnz kaz.

LEWI 21:5 Referencias Cruzadas

ISAIA 15:2

Dibon chelati ka hiq lam thaq kiina sumla noqchang asi hiqba kiijaq maaho wa wawanto. Mob mungti ka Nebo chela nai Medeba chela thentaq kra miitu majo agi lülü hoqsiq trangtlo. Tsangshiq tsanbi hositsi ma maajo tsang khu thun ka loktam sibaiqto. Kiimaq tsang nübin kiimin maajo tsanbi tsi ma sibaiqto.

ISAIA 22:12

Ajong Thaq Na Ajong Pinthum Tatiwe raq kiitiikaq maaho manyi hoqsii ronglaq kiimaq namkhu ka loktam sibaiq lantea, wunthaü riinaü khea samlanta hoq ronglaq nguta hea wanto.

JEREMIA 16:6

Armung wa chiithe maiqse nai miitsan maiqse thun ka wiita mitsai. Shatmaq tsangshiq maaphong lapti maiq ka ahü miraq. Kiimaq tsang maa joti maiq ahü miraq. Maajo tsanbi tiichhi tsangshiq dü na tiimi hanti riimakla tsangkhu kra loktam maq si raüta maahoketi maiq jumin ahü she miraq.

JEREMIA 48:37

Tsangshiq wiitarü raq tsangkhu ka loktam sibaiqto. Raüta tsang nübin ka sibaiqto. Tsangshiq wiita raq tsang jaq na wiita tiimitsi hanto. Kiimaq maiq loweatek raq wunthaü riinaü khea sam raüta maaho majü jümiitlo.

EJEKIEL 44:20

“Ramwebi raq tsangshiq khu ka loktam maq sibaiq min maimak kiimaq tsangkhu ka luhea tlu min maimak. Tsangshiq raq tsangkhu ka riikhaqli thi raüta thü chang.

EJEKIEL 5:1

Tatiwe raq nguto, “Maiqse lei, nepja sihea ashi kra lamlaq. Laüta ümnübin nai ümkhu ka wiita tiisiirai sibaiqlaq. Laüta tok na ümkhubin ka shinlaq. Laüta kra mantsam na triiphealaq.

LEWI 10:6

Kiijiishe Mosheq raq Aron nai asenai Eleajar nai Ithamar ma nguto, “Maaho maajü tiichhi nguta namshiq khu ka thai hü maq naq thü rongkiq. Riimakla namdü wa khea kra chailanta maajo kheasam ikha naqchai rongkiq. Namshiq raq kiikha riihanla atsai mirhan. Kiimaq Tatiwe ka Israilnok tlotli ma tsankhiq miraq. Shatmaq namshiq Israilnok mungmaiqse riiwe kla ara Tatiwe raq wa tiisat raüta tiikhiim baiqtaq ara miitu maajo jümii shiri mimai.

LEWI 21:4

Apaiq raq tsang-nyung lamtaq kra ta awii phan wa maiq tsaiki raüla, ramwe raq apaiq khum ka tiishe shi raamak.

AMO LUIK DVP (AMOS) 8:10

Kra akhing na namshiq peo poi shinge ka, maalap maaho majü ma miklai baiq ha. Maaho jümii namkhu loktam silanta, wunthaü riinaü samhong samlanta, ase sekhuq laqlaqse tsaiki raüjaq, anyungwe hoqsii tlaq ikha, mitiihoq pha. Kra thum wan ka jamlai ranaiq maq thichang min riimak she.

Mikha 1:16

Juda mungti lei, Namkhu siikeakea silanta, liitii khupo ikha kealoklok tiisibaiq laq, lanta namsetiim miitu hoqsiq ronglaq. Jamkhano ngukla namsetiim ka shumwi miishe mitsuq wan.

TRI CHONGKE 14:1

Mosheq raq Israilnok ma nguto, “Namshiq ka Tatiwe namshiq Shiikeawe senginok. Kra ningkhan pongnok phan maiqse raq maaho majütlaq akhing na tsangshiq khum na tiimi hantlaq ikha kiimaq tsangshiq khakam wa khubin ka sibaiqtlaq ikha namshiq riika namkhum naq tiimihan rongkiq kiimaq nam khakam wa khubin ka naq sibaiq rongkiq.