LEWI 19:10 - ASII LAKDAP Bible (BSI)

¹⁰ Namshiq spiqro wa aso atiichongki kra naq panki rongkiq she. Riimakla spiqtsi hiq na arokki kra naq riichomki rongkiq she. Kriika miitsan maiqsetiim ma nai wanshawe pong mungti thun miitu mirlaq. Ngi ka Tatiwe namshiq Shiikeawe.

Hawa Naga Bible 2001

¹⁰ Svpiq sunc wawc vthuey vkvjungx kaz rvmuq ngoz ruiux vdvy vruez kaz vthuey htenc kuex nauk tvjomx kaz shex; kvruex kuex htemc saz jix nuiyc pungnuk miqsaz tvkoc tvjungx tvy shec rax. Ngaz kuex Yehowa nuimshiq Tishox rvtauk.

LEWI 19:10 Referencias Cruzadas

ISAIA 17:6

Maiq ka re jaqsong abungse atsap seli she mitiichong, kiimaq Israil mung ka olip petsi chong atsi wiita apanlotwi she ikha miraq, achong mun na petsi po ka poshi ponai ra selishe tiipaq raqraq atiichong ikha miraq. Kiimaq akü achongji thotho kiijaq atiichong poshi shi se tiipaq raq raq ikhli she miraq. Arka Ngi Tati Israilnok Shiikeawe raq ngutiikang.”

ISAIA 24:13

Akhiisiisaq mangjong tlotli na maiqmung aweatek na mipin wan. Arka oliptsi pantum akhing ikha miraq. Oliptsi ka achong aweatek wa riichom panlot jai ikha miraq. Spiqtsiro wa aso kiimin archom panwi she ikha miraq.

JEREMIA 49:9

Maiq raq spiqro wa spiqtsi pan raüla, aso ka achong niili tiichong thütlo. Kiimaq rawa na thiimeaq raq maiq jam tek wa raüla, tsangshiq ma jamlai wa akhek kriiphan hupsam kriili lamho raüta kihotlo.

LEWI 11:44

Ngi ka Tatiwe namshiq Shiikeawe. Krai mren namshiq raq maiqmii khum ka asii thü raa dongdii. Jamkhano ngukla Ngi ka asii.

LEWI 19:11

“Ahuk naq jaq rongkiq. Riimakla maiq naq long rongkiq riimakla arot naq chong rongkiq.

LEWI 19:25

Shatmaq rawii biingi she angu niishetiq namshiq raq petsi thun kra pan sea mimai. Namshiq raq ara tri thun ara langhanla, nam petsiro na atsi ka pahea mitsikuq. Ngi ka Tatiwe namshiq Shiikeawe.

LEWI 19:9

“Ümtiikiiwa namshiq raq wak wa bunwong hankitlan, phekam kam wiika naq han rongkiq. Kiimaq jaina atiichongki tsamso kriika naqsoki rongkiq she.

LEWI 23:22

Namshiq raq ümtiikiiwa bunwong hantlan, wakphe phe wiika naqhan wan rongkiq. Kiimaq aso nyam atiichongki thun kriika naq hanki nong rongkiq she. Kra tsamso ka miitsan maiqsetiim nai wanshawe pongmungti sitlaq kra miitu tiichong kuq ronglaq. Tatiwe ka namshiq Shiikeawe.

LEWI 25:6

Kra rawii wak ajam thun ka shamsiq kiman li jiimin, namshiq miitu phaqsea chang ka, hiqkhu rakhu raq namshiq ma, namdise kong ma, namshiq jaqshamti ningchangtibi ma, wanshawe pong mungti namshiq rai siti ma, phaqsea ka chamtraq mikuq.

Obadia 1:5

“Rawa na ahukkong maiqjam na nyapwa raüla, tsangshiq ma jamlai wa rongra tlaq kli hukhotlo. Maiq raq spiqtsi panki raüla, tsangshiq raq aso ka tiichongthü ruq riitlo. Shatmaq ümjaqti raq ümniika, botkhulai rai shottlii tiithen baiqto.

Mikha 7:1

Miqkang she! ahü miqkang she! Ngi ka ram raq ahaü apit wan, Petsiro na petsi ritkikang min ahüshe, Spiqtsiro niimin atsi ahü she. Waitsi asumwiq tsihea thun nai, phupmuptsi hea hea thun, rangran kang ka apansea wishe.

TRI CHONGKE 24:19

“Ümtiikiiwa ümniiraq ümtsam bunwong ka hantlaü, kiiwa tsamte wiijam ka jam na howan maüdea laqbaiq haü jiila, kra hokai nong ka naq kikiq she. Kriika pong mungti wansha we miitu nai jechisetiim kiimaq manti-nyungre miitu she tiichong kuqlaq. Kra riihaüla, Tatiwe üm Shiikeawe raq ümniiraq phanrap minshiiqtlaü kiijaq achu mishman kuq.

TRI CHONGKE 24:20

Ümtiikiiwa ümniiraq oliptsiro wa atsi ka jangshi panki tlaü, jai na thongshi ka naq panki kiq she. Kra aso tiichong tlaq kriika pong mungti wanshanok kiimaq jechisetiim, kiimaq manti-nyungre miitu she.

TRI CHONGKE 24:21

Ümtiikiiwa ümniiraq üm spiqro wa atsi ka lakshi panki tlaü, kiijaq aso tiichongtlaq kra pankai nong ka naq kikiq she. Kra spiqro na aso tiichongtlaq kriika pong mungti wanshawetiim, jechisere kiimaq manti-nyungre sitlaq kra miitu she.

PHOWEBI 8:2

Kiijiishe apaiq raq treto, “Ngi raq jamlai wa shamkang kriika namshiq raq jaq sham lan kriirai tiimren chang ka riimak. Namshiq Ephraim phan raq ralangse li sham lan kra dongdii min, naita raq ümtinkhan wa shamkai kra tlotli rom raüta thapthi raüla, namshiq raq sham lan kriika ajong pinthum.

RUTHA 2:2

Ranaiqshi Rut raq anyaichhi Naomi ma chongto, “Ngi ka nanok wak tsamhanrü na kipha. Lata maiqjai wa tsamso soki pha. Maiq weshi raq ngi ma tsangshiq wak wa, tsamso ka mitiisokuq ahiq.” Kiijiishe, “Ise lei, ahea na, kilaq,” nguta Naomi raq treto.