LEWI 18:4 - ASII LAKDAP Bible (BSI)

⁴ Ngi aming thun kra lang rong laq. Kiimaq Ngi raq aming kuq tiikang kra sham ronglaq. Ngi ka Tatiwe namshiq Shiikeawe.

Hawa Naga Bible 2001

⁴ Ngvy tvrac htenc phvnx vtueq ngaz rueq nvr vphaungx kuex shuimx kaz shuinz. Ngaz kuex Yehowa nuimshiq Tishox rvtauk.

LEWI 18:4 Referencias Cruzadas

Tvtsvmc 105:45

arka asenginok raq apaiq thung tri milanglaq raüta apaiq aming wokhong na misilaq nguta kuqto. Tati tiitsam ronglaq!

Tvtsvmc 119:4

Tati lei, ümniiraq ümtri raütu naishiq ma kuqlaü; laüta kriithun ka tsapkapkap lang ronglaq nguta chonglaü.

EJEKIEL 20:19

Ngi ka Tatiwe namshiq Shiikeawe. Ngi raq akuqha thungtri raütu kra lang ronglaq. Kiimaq Ngi raq akuqha aming raütu thun kra lang ronglaq.

EJEKIEL 36:27

Ngi raq iwenyi ka namtsan mong niishe mithii kuqha. Kiimaq namshiq raq Ngi raq akuqha tri raütu thun kra nai aming thun kra langwan lanta siwan miitu she milii kuqha.

EJEKIEL 37:24

Hokham weshi, ijaqshise Dawit ikha kra tsang hokhamwe miraq. Tsangshiq wiita ka hokham weshi wokhong na adam niishe misi wan. Raüta i thungtri raütu ka tsapkapkap maq milang wan.

LEWI 18:2

Israil ma akha chongkuq laq nguta chongto, “Ngi ka Tatiwe namshiq Shiikeawe.

LEWI 18:26

Tsangshiq raq arthun maiqphai asi ara klo wan raüta, kra mung wa hiqshong rahai thun ka wiita tiishe baiqto. Shatmaq namshiq riika kriithun klo wan raamak. Namshiq kunli tarü raq, Israilnok phan raq lo, kiimaq namshiq rai shongti wanshanok pongmungti raq lo, Tatiwe thungtri raütu thun nai aming thun ka lang wan raa dongdii.

LEWI 18:5

Ngi raq jamkha singa chang ngutiiwa chongkuq kang kra phan phan sirong laq. Kiimaq Ngi raq namshiq ma Thungtri kuqkang kra lang lanta sironglaq. Ümniiraq ara lang haüla ümrilung ka mitiichhii haü. Ngi ka Tatiwe.”

LEWI 19:19

“Ngi raq akuqha aming thun kra langlaq. Jam nyamse ka phanshi rai phanshi nyamse ka adam na ala naq tiihaikiq. Phannai petsi lai ka wak dam ashi naq triishot jangkiq. Rai ka phannai pong phan phan triishot raüta ataq khea ka naq samkiq.

LEWI 19:37

Ngi raq akuqha thungtri raütu thun wiita kiimaq aming thun ka kunli lang rong laq. Ngi ka Tatiwe.”

LEWI 20:22

Tatiwe raq nguto, “Ngi raq akuqha thungtri raütu thun kiimaq aming thun ka wiita kun kun lang ronglaq. Kriika Ngi raq namshiq tsuq wan tiikang Kanan mung hiqkhu rakhu raq namshiq ka tiishaübaiq mak chang miitu.

Luke 1:6

Tsangnai wiita ka Shiikeawe maklii na kechu maiqse sii riito. Tsangnai ka Tatiwe tri raütu nai aming thun kra, kunkun lang raüta siti maiqta ashi.

John 15:14

Kiimaq ngi raq namshiq ma jamlai aming wa kuq tiikang kra namshiq raq lang wan lili riihan jiika, namshiq ka i khi i lu wetiim miishe mija wan han.

TRI CHONGKE 6:1

“Arthun thungtri raütu ara Tatiwe namshiq Shiikeawe raq namshiq ma shrinkuq laq nguta aming kuqto. Namshiq ka mung ashi na saü wan lanta hiq ka jiiwantlan kiijaq ara thungtri ara lang lanta siwan ronglaq.