LEWI 17:5 - ASII LAKDAP Bible (BSI)

⁵ Riita ara aming liichum ka ümchaü sanha Israilnok raq man na wak ram na nyamse thun ta phaq tlaq kriika tsangshiq raq Tatiwe phaniishe milam kuq wan. Ümchaü sanha tsangshiq raq nyamse thun kriika ramwe ma Tatiwe asi Tombutiip kilamchong kiijaq milam kuq wan. Raüta kriithun ka rintii-honglu miishe mitaa.

Hawa Naga Bible 2001

⁵ Vkhoc nvr tueq vlvmz kuex Israel miqsaz htenc rueq yaruix nuex thvt wvnc tueq nyvmx saz htenc kuex Yehowa kox nuex lvmc lvy tvkoc rvtueq. Tsuingshiq rueq kvruex htenc kuex lux rvyaungc shomc kuy tvyaungc tvkoc thvt vtueq Tap kaluix daungx nuex shomc waz kox nuex lvmc lvy rax tuex.

LEWI 17:5 Referencias Cruzadas

RAPHA HIQWA LAK 21:33

Raütiishe Abraham raq kra Beersheba hiq shong na Tamarisk pechong se ashi chhito. Kiimaq Tatiwe, Pattup Pat-sa Shiikeawe kra shomnoqto.

RAPHA HIQWA LAK 22:13

Kiijiishe Abraham raq apaiq tro na liito. Riikiita skure se nyiimtam rum na arong maq akanrai kra chhito. Kiimaq apaiq ka kiraüta lapkito. Raütiishe ase rii na kra honglu na wiipumtam-chaqtlii takuqto.

RAPHA HIQWA LAK 22:2

Shiikeawe raq nguto, “Ümse ka shea wanlaq. Ümse sekhuq laq laq se Isak kra, ümniiraq pinthum lungwiitlaü kra. Laüta Moria wang kiina walaq. Kiijaq Ngi raq hiqlam ashi ümniima mitiichhikuq kang. Kiijaq apaiq ka Ngi ma honglu na takuq laq.”

RAPHA HIQWA LAK 31:54

Apaiq raq nyamse kaüshi tato. Kriika apaiq raq pum na honglu na takuqto. Kiimaq apaiq raq asengibi ka dung sea miitu heato. Tsangshiq raq phaq sea lot raütiishe tsangshiq ka kra pum niili kra rawa ka japto.

1 HOKHVMX 14:23

Tsangshiq raq arot phra thun shomnoq chang hiqba diilulu pahea haito. Kiimaq longkham thun shongto, kiimaq Ashera sumla phra shomnoq chang berong pahea ku akin thun hamli na shong wanto. Kiimaq pechongtong thun angu wiita na arthun ara shong wanto.

1 HOKHVMX 3:2

Kiitiikaq Tatiwe miitu Shomjam ka mihai shaqli riito. Kra ningkhan na mungmaiqse raq honglu take ka pongbaba berong-wacha thun na kuq wan lili riitlo.

1 HOKHVMX 3:3

Solomon raq Tatiwe ka pinthum lungwiito. Kiimaq awe Dawit tsiichong ka tsapkapkap maq langwanto. Shatmaq apaiq riimin nyamse pahea honglu na takuq wanto. Raüta phanrap phanrii berong-wacha thun na honglu ka takuqto.

2 HOKHVMX 16:4

Ahaj riika, thatsang maiqse raq sumla phra thun shomnoq wan chang hiqba thun kiijaq, kin phong kiijaq, pechong atsung ajong ra abang abang ba thun kiijaq, honglu thun nai homseng honglu wa na chaq raüta kuqto.

2 HOKHVMX 17:10

Kinthun ümchuwa sitlaq kiijaq kiimaq pechong atsung asisi angu thun takiq kriijaq thatsang chang longkaü kham thun shongto. Kiimaq Ashera phrakaü jechak nyung sumla kra tiinga shongto.

2 KAÜWA WERAÜ 28:4

Thatsang maiqse raq sumla phra thun shomnoq chang ba na, ku kin thun na, kiimaq pechong atsung ajong jong chongji thun na Ahaj raq honglu takuq wanto kiimaq wa maq chaqtlii honglu takuq wanto.

DUNGWVNC 24:5

Raütiishe apaiq raq jerobi wiijam ka tiiwato. Kiimaq tsangshiq raq Tatiwe ma honglu thun ataakuq kra wa na chaqto. Kiimaq minsaü wiijam thun ka rintii-honglu na takuqto.

EJEKIEL 20:28

Ngi raq tsangshiq ma mungtan ashi mikuqha nguta kiqkham kuqkang kra mung niishe shea wan kang. Ümtiikiiwa tsangshiq raq kiijaq ku akin thun ka diiluluwiq siisaq kiimaq pero pahea ajaq thun waichat chat hea kra chhito. Kra chhi raüta pechong tong thun tiikham raüta tsangshiq raq honglu thun takuq wanto. Tsangshiq kra honglu thun kra takuq raüta wa na chaqto kiimaq tsangshiq raq che honglu thun kuqto. Raüta itsan tiikhiq wanto.

EJEKIEL 22:9

Ümsenginok wa maiq wiijamti raq rung na arot hakhi kuq raüta maiq ka sepii pahea tiitsat baiqtlo. Tsangshiq phong wa wiijamti raq sumla phra phong ma honglu ataakuq ngam kra nyiimtlo. Kiimaq maiq wiijamti ka tsang sükhatsi kra ngeasiq raütli sitlo.

EJEKIEL 43:27

Ümtiikiiwa kra liipanshi kriishe thumjiiq, ramwebi raq mungmaiqse miitu kra berong-wacha na wa maq chaq chang honglu kiimaq rintii-honglu thun kra ta raüta kewan chang. Kiijiishetiq Ngi ka namshiq tarü rai tsan ahea miishe misiha. Arka, Ngi, Tati Rakaü Hiqwe raq ngutiikang.”

EJEKIEL 44:15

Tati Rakaü Hiqwe raq nguto, “Shatmaq Lewi phan wa Jadok saüse weraü wa ramwebi thun riika, Israilnok mungmaiqse abiti thun raq Ngi ka miimthü raüta sumla phra shomnoqkai kihotaq akhing niimin, tsangshiq ka iwokhong na siraüta tsapkapkap maq Ngi shomnoq wan Shomjam na jaqsham wanto. Arningkhan ümchaü, tsangshiq raq Ngi ka mishlilii kiimaq ikhaki na chap raüta, Ngi ma ngampü honglu nai tiijai honglu kra wa na michaq.

LEWI 17:6

Ramwe raq kra ngam tiijai ka Tombutiip rinkea kilamchong tho na berong-wacha siim thun na mibat. Kiimaq ngampü thun khiimtsang ka Tatiwe tsan tiiheali miitu wa na michaq.

TRI CHONGKE 12:2

Kra namshiq raq jiiwan tlan mung wa, kra mungti raq phra kong pum diilulu wiq thun na, kin thun na, kiimaq ajaq nümtlaq pechong tong thun na, shomnoqtlaq thun kra wiita hihut tiithen baiq ronglaq.