LEWI 10:6 - ASII LAKDAP Bible (BSI)

⁶ Kiijiishe Mosheq raq Aron nai asenai Eleajar nai Ithamar ma nguto, “Maaho maajü tiichhi nguta namshiq khu ka thai hü maq naq thü rongkiq. Riimakla namdü wa khea kra chailanta maajo kheasam ikha naqchai rongkiq. Namshiq raq kiikha riihanla atsai mirhan. Kiimaq Tatiwe ka Israilnok tlotli ma tsankhiq miraq. Shatmaq namshiq Israilnok mungmaiqse riiwe kla ara Tatiwe raq wa tiisat raüta tiikhiim baiqtaq ara miitu maajo jümii shiri mimai.

Hawa Naga Bible 2001

⁶ Kvruex yimaq Moshe rueq Arun nuiyc piq sanueyc Eleazar nuiyc Ethamar muex, “Nuimshiq vyonz vyec thuinbac rvhumc vtuinx kuex tvkhic tvkoc nuimshiq khux htiz guez maq nauk httax kaz, svmhung htenc muinz nauk juir kaz. Mkhoc shoc maq kvkhoc ruez ruiux yuq nuimshiq vthueyc rvhumc tuinx, Yehowa muinz miq phungc kvyuq thuinkhvy dung tuex. Yuq muinz nuimshiq phuz vnox Israel miqsaz htenc kuex Yehowa kox wawc wvr tvkaz vtueq, tvkhamc gay tueq jix laung nuex vyonz vyec thuinbac kuex tvkhic mvy yaq.

LEWI 10:6 Referencias Cruzadas

2 SAMUEL 24:1

Tatiwe ka thongshi ri hali Israil mungti ma atsankhiq riito. Kra ningkhan apaiq raq Dawit tsantsii tiipherak raüta Israil mung khuthaq na chamchao tiisaüto. Tatiwe raq apaiq ka thaüto, “Kilaq. Laüta Israil mungti nai Juda mungti maiq ümchuwa kra wealaq.”

EJRA 7:5

Bukki ka Abishua se; Abishua ka Phinehas se; Phinehas ka Eleajar se; Eleajar ka Aron se riito.

DUNGWVNC 33:5

Jamkhano ngukla Tatiwe raq Mosheq ma tsangshiq ma akha chongkuqlaq nguta aming kuqto, “Namshiq ka nilan wanshak shaknok. Ngi ka namshiq rai heashiseli wadamha jiimin, Ngi raq namshiq ka tiisiirai mitiithum baiqha. Ümchaü min, namshiq chaq nai kampho laktum thun kra chhut baiq ronglaq. Kiimaq Ngi raq namshiq rai jamkha sichang wa ka Ngi tiq mithiha.”

DUNGWVNC 6:23

Aron raq Elisheba lamto. Apaiq ka Amminadab se kiimaq Nashon ma ano ashea nyung. Kriinyung raq apaiq ma asetiim ka Nadab, Abihu, Eleajar, kiimaq Ithamar humkuqto.

JEREMIA 7:29

“Maaho maanyi hotrang ronglaq, Jerusalem lei; namkhudap ka tap lantea baiq ronglaq. Hiqlam thaq thun na majo shinge ronglaq, jamkhano ngukla, Ngi namshiq Tatiwe ka tsankhiq, krai mren isenginok ka tiishaübaiq kang she.

LEWI 13:45

Maiq ümriiti khum niiwa thabi tsi asi, kriiti riika wunthaü riinaü khu akhea kriili sam ratlo. Raüta akhu ka thaihü miili thü chang. Raüta atheaphi ka hiq nü nü ba ka khea maq pangshat riichang. Raüta apaiq raq nanok ma, “Ashe, ashe!” nguta chiiriim raüta khumchang.

Mikha 1:16

Juda mungti lei, Namkhu siikeakea silanta, liitii khupo ikha kealoklok tiisibaiq laq, lanta namsetiim miitu hoqsiq ronglaq. Jamkhano ngukla namsetiim ka shumwi miishe mitsuq wan.

WEAWEA 1:53

Shatmaq Lewi phan raq tsangshiq piitiip ka Tombutiip tro na tei wan ratlo. Raüta Tombutiip kra khe ratlo. Kriika maiq ahinti jumin kra tho na wamak chang miitu. Kiimaq itsan tiikhiq raüta Ngi raq Israilnok ka jiipbaiq mang chang miitu khe wan ratlo.”

WEAWEA 14:6

Kiimaq Nun se Joshua kiimaq Jephunne se Kelib, siwe wiinai raq tsangnai dü wa khea ka tsangnai tsanbitsi ma chai hea hea she chaito.

WEAWEA 16:22

Shatmaq Mosheq nai Aron ka hiq na bum rang bum kito. Raüta akha nguto, “O, Shiikeawe lei, ümniika tlotli ma rilung tsitsü raü chong. Ngarai ka maiq weshi riili tangto. Riita ümniiraq mungmaiqse tlotli miisha mikhiq haü?”

WEAWEA 18:5

Asii Khok nai berong-wacha na jaqsham chang sitlaq kriika ümnaq nai ümsetiim riili dongdii jaq ka sham chang. Kra riihan jiitiq Israilnok khuthaq na itsankhiq walü ka nyai nong mak she miraq.

WEAWEA 20:25

Aron nai ase Eleajar ka Hor pum na shea wanlaq.

WEAWEA 5:18

Kra raütiishe apaiq raq jechak nyung khudap kra adü mirbaiq. Raütiishe apaiq raq jaili wongwin honglu kra kriinyung jaq niishe mithii. Kiimaq ramwe raq apaiq jaq na nüchhong win pin na akhapwiq kham manson tiinikai chang kra ajaq na misham.

TRI CHONGKE 33:9

Tsangshiq ka ümniirai tiipumtlii siwanto Anyungwe, aphu anotiim riimakla tsangsetiim thaq niimin. Tsangshiq raq ümnaq aming thun langto Kiimaq tsangshiq ka üm tongshong mong na tsapkapkap sito.

JOSHUA 22:18

Riita ümchaü min, namshiq ka apaiq wokhong wa pong na dongho she shea? Namshiq raq ümchaü Tatiwe kiq khii han jiila, anap ranaiq apaiq ka Israilnok kunli ma atsankhiq miraq.

JOSHUA 22:20

Jera se Akan raq tiimiqchup shiithenbaiq chang nguta aming akuq hupsam kra tiithenbaiq mak tri jin raüta, mra pintaq ira tsan na tiitsang ronglaq. Kra ngarai tang kha na, Israilnok mungmaiqse kunli raq mohoto. Apaiq ngarai khana, Akan apaiqli ka tsaimak.”

JOSHUA 7:1

Shamtaq Tatiwe raq Israilnok ma, Jeriko chela wa phanrap hupsam ka wiita ashthen baiq chang phanshi ra min jaqkaiq maq shamkai maimak nguta aming akuq ka langmak dea riito. Maiq weshi amang Achan ngutlaq kriiraq, kra aming ka lang mak jinto. Kra ningkhan Tatiwe ka Israilnok ma atsan khiqhea walü wa ikha riito. Achan ka Karmi se. Apaiq ma ati ka Jabdi. Kiimaq tsangta mang ka Jera ta. Kiimaq tsangshiq weraü ka Juda phan wa.

JOSHUA 7:11

Israilnok raq ngarai tangto! Ngi raq tsangshiq ma tongshong jaqkhaq raü atiipa kuqha kra samhea thü ronglaq nguta aming akuqha kra panbaiqto. Tsangshiq raq atiithen baiqchang hupsam wiijam ka lamhoto. Tsangshiq raq hukhoto. Raüta kra miitu arot riito. Raüta tsangshiq hupsam rai she thühoto.