LEWI 1:13 - ASII LAKDAP Bible (BSI)

¹³ Kriiwe raq among wa apuk aji thun nai awühokpe wiinai thun kra kham maq he ratlo. Kiimaq ramwe raq honglu ngam thun ka Tatiwe ma mikuq. Raüta ngam tlotli ka berong-wacha na michaq. Ara phaqsea honglu khiimtsang ka Tatiwe ma tsan tiiheali.

Hawa Naga Bible 2001

¹³ Shomc waz rueq Yehowa muex shomc nawk kuy juing lotlaz kuex shomrawx nuex wvr maq lotlaz juiuz gay rax. Vkhoc phuiuz vsvy maq shomc kuq shix homc tumc kuex Yehowa rueq raungc raq yaq.

LEWI 1:13 Referencias Cruzadas

RAPHA HIQWA LAK 8:21

Kra honglu ataakuq wa na chaqtaq kra khiimtsang ka Tatiwe ma tsan tiiheali riito. Kiimaq apaiq nai apaiq akha tiingoto, “Maiqse raq jamlai wa klotlaq kra ningkhan, Ngi raq ümtiikiimin mangjong hiq ma manson mang she. Ngi raq asapha maiqse ka noseji miiphü dongdii apaiq tsantsii ka abi. Li jiimin Ngi raq atra phan sitlaq kriika ümchaü lak na tiithen baiqkang akiika ümtiikiimin tiithenbaiq mang she.

2 KAÜWA WERAÜ 4:6

Kiimaq tsangshiq raq lairap heachang besin winpin thun min roqshi loto. Besin winpin biingi ka Shomjam maq shemai nü siim na thüto kiimaq biingi ka shekhu nü siim na thüto. Kra besin winpin thun kriika kham thü raüta nyamse honglu na chaqtlii riichang takuq tlaq kra ngam bu apan athiq thun sitlaq kra kham na tsamhi hi hechang riito. Kiimaq kra khamtum kaü mong na kham kriika ramwebi raq phanrap ahe atse chang miitu riito.

EJEKIEL 40:38

Shekhu nü kilamchong lam kinphai keathung wuseno jam ahai ashi asi. Kra jam mong na nyap wan chang khok kriika rinkea thung nü na tiinyi raü ahai riito. Ara khok na honglu na ataakuq wiipumtam maq wa na chaq chang nyamse maa thun ka kham maq hetlo.

LEWI 1:9

Kriiwe raq among wa apukji thun nai ahok thun kra kham maq heraatlo. Raüta kiijaq jaqshamti ramwe raq kra honglu ngam thun kra berong-wacha na wiita michaq baiq. Ara phaqsea-honglu khiimtsang ka Tatiwe ma tsan tiiheali.

LEWI 2:11

Ümniiraq Tatiwe ma wong-honglu kuqtlaü kiijaq pi maq sho raüta klo maimak. Ümniiraq raq Tatiwe ma phaq sea honglu kuqtlaü na ümtiikiimin pi maq shot raa mak, riimakla ngiq ngu maq shot maimak.

LEWI 2:2

Raüta Aron phan ramwe jaq na kewa chang. Kiijaq jaqshamti ramwe raq kiiwa jaqphi shi wongwin kra milam kiimaq olip tai kra kiimaq homseng thun ka tlotli milam. Kra raütiishe berong-wacha na Tatiwe ma tlotli akuq la na ngamrea ikha wa na chaq raüta mikuq. Ara phaqsea-honglu khiimtsang ka Tatiwe ma tsan tiiheali.

LEWI 3:5

Ramwebi raq arthun ngamrea arka chaqtlii-honglu thun krai adam na berong-wacha kiijaq michaq. Ara phaqsea-honglu khiimtsang ka Tatiwe ma tsan tiiheali.

LEWI 4:31

Kra raütiishe apaiq raq ngampü thun ka wiita milambaiq. Arka rintii-honglu na ataakuq ngam maa thun wa jamkho lambaiqtlaq ikha milambaiq. Raüta apaiq raq ngampü thun ka berong-wacha na michaq. Krai mren ara khiimtsang ka Tatiwe ma tsan tiiheali miraq. Akha ramwe raq kriiwe ngarai miitu honglu ka mitaa kuq. Kiimaq apaiq ngarai ka midiikuq.

LEWI 6:14

Wong-honglu thungtri raütu ka arthun ara. Aron phan ramwe raq wong-honglu ka Tatiwe ma berong-wacha khaki na kechang.

WEAWEA 15:3

Minsaü pongwe ashi, skure pongwe ashi, sku ashi, riimakla chhechhi ashi kra Tatiwe ma chaqtlii-honglu na ke mimai. Riimakla sinkham tiikhoi honglu na mimai, riimakla maiqmii tsantsii honglu riimakla akhing khing na kamasham poi klotlaq kiijaq ke mimai. Ara phaqsea-honglu akuq khiimtsang ka Tatiwe ma tsan tiiheali miraq.

WEAWEA 15:4

Jurwa sku ashi honglu na kuqtlaq riimakla chhechhi ashi ka chaqtlii-honglu na Tatiwe ma kuqtlaq, kriiti raq nyamse ashi krai bunwong win kilogram shi ka olip tai litar shi rai shot raüta wong-honglu na spiqtai litar shi krai adam na kechang.

WEAWEA 28:11

Tatiwe ma jinye dong wantek na chaqtlii-honglu kuqlaq: Minsaü pongre se anai, sku pongre se ashi, arawii wiishi sku pongsetiim miishi, arthun tarü ka akhum nyeajokjok adü na ami atsi ahü siisaq riichang.

WEAWEA 28:8

Rajiko niika skuse anai ngojati kriishe ranap na jamkho takuq laü kiikhiisii, spiqtai-honglu kra adam na kuqlaq. Armin phaqsea-honglu akhiimtsang ka Tatiwe ma tsan tiiheali.

TRI CHONGKE 12:27

Tatiwe berong-wacha na wiita chaqtlii chang honglu thun kra kiijaq takuq lili ronglaq. Kiimaq laihin nyamse honglu atiijai ka berong-wacha na raübaiq lanta, angam ka aphaq chang honglu thun kriimin kriiba kiijaq takuq lanta phaq ronglaq.