Jona 3:4 - ASII LAKDAP Bible (BSI)

⁴ Riita Jona ka chela mong na ranaiq shi tingkhit wato. Raütiishe apaiq raq kra chela na siti mungmaiqse ma, “Raroqblai sijai maq Ninewi chela arka tiisii rai mishthen baiq!” nguta tra hokuqto.

Hawa Naga Bible 2001

⁴ Yona kuex ghaqyungx kvyuq nyuip vtueq nuiyq shiz lvmx khuemc yix maq, “Raungrok bvlic htvmx yix, Ninewe ghaq kuex bac wvnc tuex,” ngoz tueq ramc tueq.

Jona 3:4 Referencias Cruzadas

2 HOKHVMX 20:1

Ümchaü atin choji Hokhamwe Hejekia ka tsikito. Apaiq ka tsai namnam tsito. Amoj se shammiwe Isaia ka apaiq liikai kito. Raüta akha apaiq ma nguto, “Tatiwe raq ümniima phanrap jaqsham kaiwa ka aheawiq tiihongtha laüta thülaq nguta chongtlo. Jamkhano ngukla ümtsi ka heamak miraq. Atsai wan miitu khekham maq silaq.”

2 HOKHVMX 20:6

Ngi raq ümrilung ka wiiroqshi ri wiibiingi alu tlu kuqkang. Ngi raq ümnaq nai ara chela Jerusalem arka Asiria mung rümti ajong hokhamwe jaq khon mong wa mitiichhiikuqha. Ngi raq ara chela ka ikhushü jong shreng lata mitiiwong kuqha. Jamkhano ngukla Ngi raq ijaqshise Dawit ma ikiq khamkuq wan kang kra anato miitu.”

ISAIA 30:18

Li jiimin, Tatiwe riika namshiq ma tiihangkuq wan ruq roli miraq. Apaiq riika namshiq ma mangchan tiichhikeli sitlo. Jamkhano ngukla apaiq riika wranaiqtek tingting kli klotlo. Kechu jonghea jurwa Tatiwe miili kamtsantsii thütlaq.

JEREMIA 42:10

‘Namshiq ka lungwii tsantsii maq armung niili la sihan jiila, ngi raq namshiq ka mitiijonglu wanha kiimaq ngi raq namshiq ka runbaiq mang. Ngi raq namshiq ka michhi jang wanha. Kiimaq namshiq ka phaibaiq mang. Ngi raq namshiq khuthaq na tiithen jen baiq wan kang kra miitu itsan ka kai bitlo.

Jona 3:10

Shiikeawe raq tsangshiq jaqsham ka chhito. Apaiq raq tsangshiq ngarai hon atsii mra tiidii wantaq kra chhiraüta san, apaiq raq kongkhu ji maq, tsangshiq ka ashthen mea nguta tiimataq kra, aklai she riito. Tsatmak she.

Matthew 12:41

Phangthum Khapho Ranaiq na Ninewi mungti ka chap raüta, namshiq kra mishra. Jamkhano ngukla, tsangshiq ka Jona traho bomchong tai raüta, tsangshiq ngarai kra tiidii wanto. Shatmaq, ümchaü ngi raq namshiq ma chongpha. Ümchaü arjaq namshiq makki na juwa sitlaq kriika Jona nam ma ajong!

Luke 11:30

Shammi Jona rilung jaqsham ka Ninewi mungti ma, Shiikeawe miithii shongke hakhi ashi. Kiikhiisii hali, Maiq Se kriimin, ümchaü pat wa mung maiqse arma, Shiikeawe raq miithii ashong ashi.

Luke 11:32

Phangthum Khapho Ranaiq na Ninewi mungti ka chap raüta, namshiq ka mishra wan. Ara jamkhano chongtiikang ngukla, tsangshiq ka Jona raq trahokuq wan kiita, kra tai raüta, tsangshiq mra thun kra tiidii wanto. Shatmaq, ümchaü ngi raq namshiq ma chongtiikang arka tengteng. Ümchaü namshiq makki na sitlaq we kriika Jona thaq niimin ajong!”

TRI CHONGKE 18:22

Kra ningkhan, shammi weshi raq Tatiwe mang na riisham bomtsi chong kuq raüjaq, shatmaq kra riisham bomtsi ka kuwa mak la raüla, kriika Tatiwe nübok maq adong bomtsi ka riimak ngushat. Kriika shammiwe raq apaiq tsan mong wa adong bomtsi apaiq arang maq bomto ngushat. Kra miitu ka ümniiraq apaiq ma haisong chang ahü.