Jona 1:12 - ASII LAKDAP Bible (BSI)

¹² Kiijiishe Jona raq, “Namshiq raq ngi arka sammoktra jü mong na dobaiq rong laq. Raüla rathaiq arka asang she mirki. Ümchaü namshiq raq ara phiiptsi jiiptsi rathaiq mong na chamchao tlan arka ngi shut kha miidea,” nguta Jona raq treto.

Hawa Naga Bible 2001

¹² Yona rueq, “Ngaz vruex svmuktvrax nuex tenz tuip gay kuit, kvkhoc ngoz ruiux jix raunghtiq kuex suingx wvnc tuex. Nuimhez raunghtiq rulc rvhumc vtuinx kuex ngvy mvrax ningkhvnc nuex rvtueq kuex ngaz rueq tuiuz vshaungx,” ngoz tueq tvralc tueq.

Jona 1:12 Referencias Cruzadas

2 SAMUEL 24:17

Dawit raq maiq tseabaiqti rase kra chhito. Kiimaq apaiq raq Tatiwe ma nguto, “Ngi ahata ajiqwe ka. Ashut klotiwe ka ngi. Ara mungmaiqse nyungwe nosekong riika jamlai ri tiibiti mak? Ümniiraq ngi ma nai ijamti thun ma sintsang ka tiiholaq.”

1 KAÜWA WERAÜ 21:17

Raüta Dawit raq akha achu jaüto, “O Shiikeawe lei, ashut klotiwe ka ngi ara. Ngi raq maiq wea aming ka kuqkang. Riita ara miitsan miijan maiqse kong riika jamlai wa tiibita? Tatiwe lei, i Shiikeawe lei, ümniiraq ngi nai ijamti thun kriima mo ka tiiho laq. Laüta ümsenginok ka tiihang kuq laq.”

YOBA 35:8

Ümngarai riika ümkongtiwe kli tiichamchaotlo, kiimaq ümniiraq athuk atsom jaqsham tlaü kriiraq apaiq khrumtlo.

THARC TVLUINGC 9:18

Rekhat chang chuntsi nyiimwin nam ma, taksu tsii chongkuq tlaq kra tai haü jiika, mungmaiqse ma hansang miraq. Shatmaq ngarai maiqse ashi riili Ahea awa pahea shiithen baiqtlo.

Jona 1:11

Kiimaq sammoktra jü mong na rathaiq ka henghea riiwan wan li riito. Kra ningkhan she, “Riita ara rathaiq ara tiitsang miitu ümniika ümkhiiwa mir i?” nguta apaiq ma waito.

Jona 1:13

Li jiimin, laijiiqtinok riika, lai ka tareko nü na jiiq wan miitu pinthum shiichaqto. Shatmaq rathaiq ka heng wan wan khoti riito. Tsangshiq raq tangmak she riito.

John 11:50

Maiqmung ashi kra thenkai nam ma, maiq weshi tsai kai riiwe kra ahea miraq nguta namshiq raq tak man sha?” nguta anok welabi ka sonto.

Acts 27:24

‘Paul, ümnaq naqhaikiq! Ümniika Roman Hokham we man na chap wa raa dongdii. Kiimaq Shiikeawe raq ümniima lungwiitsii jonghea thütlo. Kriikha maq, ümniirai laijong na maiq ümchuwa wadam tlaq thun ka, wiitarü tiikhup wongkuq wanto she,’ nguta ngi ma chongkuqto.

JOSHUA 7:12

Arningkhan tiina Israilnok ka rewe khaki na chap wan lot mak she riitaq. Tsangshiq raq rewe ka khatlot mak dea jangkito. Jamkhano ngukla tsangshiq maiqmii kiimin ashthen baiq chang phan manson thiikho na araü baiq wishe jakito! Ngi raq namshiq ma, jaqkaiq maq naqsham rongkiq nguta aming akuqha hupsam thun kra shiithen baiq man wiiwii, ngi ka namshiq rai sidam mang she!