John 8:26 - ASII LAKDAP Bible (BSI)

²⁶ Ngi raq namshiq miitu bom ka pahea dea chongke chang asi shaq. Kiimaq namshiq tiishut chang lam bom min pahea dea chong chang ka asi shaq li. Shatmaq, ngi tiikaiti we Shiikeawe ka tingting. Krai mren, ngi riimin mangjong maiqse miika apaiq raq jamlai wa ngi ma chong kuq wan tlaq kriili tlü chong kuq tiikang.”

Hawa Naga Bible 2001

²⁶ Ngaz rueq nuimshiq lvmz nuex seng vtueq vjungc juing paunghvlc httax yaq, nuimshiq muex mvrax tvgurc juing muinz paunghvlc httax yaq, Yuq muinz ngvy tvkay jix waz kuex tsuingrux waz rvtueq, vpiq kox wawc ngaz rueq tay wvnc tauk tanc khvnc dvyx mungkawx nuex jungx vshaungx,” ngoz tueq.

Muklom

²⁶ Nga nim tung aa raaq nim ma bat kotching daqhan ang aa etho khaphung ma daqhan ang aa. Nga takatteywa asing, etho nga piq ching wang tat táng esha hun mingkang miqtang ma bat kot ang.”

John 8:26 Referencias Cruzadas

John 15:15

Ngi raq namshiq ka, disetiim nguta ngu mang she. Ara jamkhano chongtiikang ngukla, dise riika, atijong we jaq tho ka lap mak. Ngi raq namshiq ka disetiim ngo rii na, kongtibi ngutiishe ngutiikang. Ara jamkhano chongtiikang ngukla, i We jaqtho ngi raq ümchuwa lap tiikang kriika, ngi raq namshiq ma wiita phanchan kuq kang.

John 16:12

“Ngi raq namshiq ma pahea dea bom chongke chang asi shaqli. Shatmaq, ümchaü ka namshiq ma liichum tsin hea tak lot man mirhan.

John 17:8

Ümniiraq ngi ma ümbomtsi ka tsangshiq ma chongkuq laq nguta, thaü laü irka, ngi raq tsangshiq ma, chongkuq kang she. Kiimaq tsangshiq raq, ümbomtsi ka tao wanto she. Tsangshiq raq ngi ka ümpha wiidea akiha ngutiimin sap wanto she. Kiimaq, tsangshiq raq ngi ka ümniiraq atiikihaü dea nguta kamtlo.

John 18:20

Kiijiishe, Jesuq raq apaiq bom ka treto, “Ngi riika nokwe man na kholam kholiiq maq traho bom chongkuq wan kang ihata. Ngi raq mungmaiqse ma traho bom chongke wan ka nokwe riitam nga chang sinagok thun nai Shomjam mong maq chongkuq wan kang ihata. Ngi raq adam apaü lam maq, jamlai bom min chongkuq mang.

John 3:11

Ngi raq chong tiikang arka tengteng: Naishiq raq jamlai wa saptiikai, kra chong tiikai. Kiimaq naishiq raq maiqmii mak maq jamlai wa chhi tiikai, kra namshiq ma chong kuq tiikai. Shatmaq, namshiq phong wa jurmin naishiq raq chong kuq tiikai tsütsa bomtsi arma kam man.

John 7:16

Kra tairaütiishe Jesuq raq tsangshiq bom ka treto, “Ngi raq namshiq ma shrinkuq tiikang bomtsi arka, i tsan mong maq acham ka riimak. Arka Shiikeawe nübok maq atiidea bomtsi chongkuq tiikang.

John 7:28

Kra akhing na Jesuq ka Shomjam mong na nokmaiqse ma trahoke rea riito. Apaiq raq tiihong raüta kholam kholiiq maq mungmaiqse ma, “Riita namshiq raq ngi ka ju nguto tiima tlan? Kiimaq i dong chang chong ka ümba niiwa kra asap han dea sha? Ngi ka mangjong hiq na i tsiitsii maq asaüki ha ka riimak. Shatmaq ngi ka ara mangjong hiq na tiikaiti we ka tingting we. Shatmaq namshiq raq apaiq ka juwa kra sap man.

John 8:25

Kiijiishe, “Riita, ümniika ju wiita?” nguta hali tsangshiq raq apaiq ma bom ka wai nongto. Kiijiishe, Jesuq raq tsangshiq bom ka treto, “Ngi raq namshiq ma man na apha miiphü chongkuq pha ihata.

John 8:27

Jesuq raq tsangshiq ma kra bomtsi phanchan kuq tlaq kriika, Awe bomtsi chongkuqtlo. Shatmaq, tsangshiq raq kra bomtsi ka tak wan lot mak dea riito.

John 8:40

Riita ngi riika ümchaü niitaq, ngi ma Shiikeawe raq tengteng bomtsi ümchuwa chongkuq tlaq, kriili namshiq ma tlü chongkuq tiikang. Akha taümaq dongdii min, namshiq raq ngi ka atsea baiq chang ngutli tankhan tlan! Abraham raq tengteng bomtsi chongke wanti ka atsea baiq chang nguta tankhan mak dea!

2 Corinthians 1:18

Shiikeawe raq jamlai wa chongtlaq kriika tengteng bomtsi li chongtlo. Krai mren, ngi raq namshiq ma Shiikeawe Tsütsa bomtsi chongkuq kang kriimin, tengteng bomtsi li chongkuq kang. Kra bomtsi ka Tengteng bomtsi wa, Tengmak bomtsi miika jaki mak phan.