John 8:21 - ASII LAKDAP Bible (BSI)

²¹ Jesuq raq tsangshiq ma jangshi ri hali chongkuq nongto, “Ngi ka awa she mirwan ha. Ngi wawan jai na, namshiq raq ngi ka mirit han. Namshiq ka maiqmii ngarai raq mitsai han. Ngi wawan chang hiqshong na namshiq ka wawan lot man.”

Hawa Naga Bible 2001

²¹ Yesu rueq tsuingshiq muex jungx yek tueq kuex, “Ngaz kuex waung wvnc taungx, nuimshiq rueq ngaz thuiyx phuinx, yuq muinz nuimshiq kuex miqmac mvrax ningkhvnc nuex vthueyc rvwvnc tuinx, ngaz waung wvnc taungx kvyuq nuimshiq httuiuc lot muit,” ngoz tueq.

Muklom

²¹ Jesu aa ning ma wey batta, “Nga ukat sey ang chey ang, nim aa nga bi phanin etho nim ni nim ngarey o ti nin. Nga bari náng ka ang eshináng nim jin kapha min.”

John 8:21 Referencias Cruzadas

1 HOKHVMX 18:10

Atra Tatiwe, üm Shiikeawe mang na tiitum lata chongtiikang, hokhamwe raq ümnaq tritkai maiq mung thun wiita maiq tiikito. Krai mren ümra mungti tuwe riiwa ümniika tsangmung na ahü nguta tsütsa ka tiichong wan tlaq, raüla Ahab raq kriiwe jaq wa atiitum raüta ümniika tsangmung na ahü dea, hummak dea nguta bom ka shiitep raüta jaütlo.

YOBA 20:11

Apaiq khum ka jero jong kiimaq ahong alawe riito, shatmaq jaqlo li botkhulai ma mijaki.

TAKSU LAK 11:7

Ashut kiimungti tsaiki raüla, apaiq ranphan tlaq kriimin, thumkisaq li riitlo. Tsiiq ma kamraüta siti ka atu niili mokitlo.

TAKSU LAK 14:32

Abi ati kiimungti ka maiqmii jaqsham, ashut thiikhobok na dea watlo. Shatmaq mitting maiqse ka, apaiq tingting jaqsham riili, tiikhup wongkuqtlo.

ISAIA 65:20

Noshiisetiim ka tsaimak she miraq. Kiimaq maiqse kunli raq maiq rilung ka sunglili siisaq misi wan. Maiq rawii shishi siti kriika jero jong nguta mingu. Kriima mishaq na tsaiki raüla, Ngi raq tsangshiq ma imo tiihokang nguta sap wan chang miraq.

Matthew 23:39

Ngi chongpha, ümchaü ara miiphat she, namshiq raq, ‘Tatiwe mang na juwa kitlaq kra Shiikeawe raq mishman laq,’ nguta namnü maq ngu man wiiwii, i sham ka chhi man she mirhan.”

Matthew 25:41

“Kra chongkuq lot raütiishe, apaiq raq apaiq ma jaqpha nü na ngati mungmaiqse kra miishe akha nguta mison, ‘Namshiq ka Shiikeawe manson hotibi ara ngi tho arwa tiibin tlo ronglaq! Khiim wan tlo ronglaq Thawe nai apaiq rasetiim miitu atiihong pattup pat-sa thumki mak phan wamungtan mong kiijaq!

Matthew 25:46

Riita ümchaü sanha arthun arka pattup pat-sa thum mak miq mak chamchao wamungtan kiiniishe mitiidea baiq wan. Shatmaq, kechu maiqse thun arka pattup pat-sa rilung lap wan raütiishe misi wan.”

John 12:33

Jesuq raq ara bomtaq arka, apaiq ka jamkhii chamchao raüta tsai chang wa, kra miitu chongto.

John 12:35

Kiijiishe Jesuq raq tsangshiq bom ka treto, “Namshiq ma rawüli ka heashili she mili. Rawüli asi bala, namshiq ka rawü lam phan tlan kra, phan ruq phan lantli si ronglaq. Ranyaq raq namshiq ka pang wan tlo jiiq. Juwa ranyaq mong na khum tlaq, kriiti riika, apaiq ka ümnüno kihotla, kriika sap mak.

John 13:33

I setiim lei, ngi ka namshiq rai alu ka simang she. Namshiq raq ngi mirit han. Ngi raq Jehudinok welabi ma jamkho chongkuq kang kiikha, ümchaü namshiq miimin ara bomtsi ara chongkuq tiipha ara, ‘Ngi ümbano wawan tiikang, kiijiika namshiq ka wawan lot man mirhan.’

John 7:34

Kiijiishe, namshiq raq ngi ka mirit han. Shatmaq, ngi ka hum man she mirhan. Ara jamkhano chongtiikang ngukla, ngi ka ümbano wawan tiikang, kiijaq namshiq ka wawan lot man.”

John 7:36

Riita, nashiq raq apaiq ka rit hai jiimin humlot mai she miraq nguta nashiq ma chongtlaq ahata. Kiimaq apaiq sichang kiijaq nashiq ka walot mai she miraq nguta chongtlaq ahata. Riita, arka jamlai ngo nang wa ngu tla?” nguta tsangshiq liipan na riiwaito.

John 8:24

Ara chong tiikang arningkhan tiina, namshiq ka namshiq maiqmii ngarai kho na dea lantli mitsai han nguta chongkuq tiipha ara. Namshiq raq ngi ka, ‘Ngi Santla Ngi,’ nguta tiichong tlaq we kriidea nguta kam man wiiwii, namshiq ka maiqmii ngarai mong niili mitsai han.”

Ephesians 2:1

Man na ji na, namshiq ka wenyi na amaa siwan lan. Namshiq raq Shiikeawe kiq khü lanta, ngarai mong na silan kha maq, namshiq ka wenyi na amaa silan.