John 6:71 - ASII LAKDAP Bible (BSI)

⁷¹ Apaiq raq ara tiithai raüta chong tlaq arka, Simon Iskariot se Judas kra ngo nang riito. Ara jamkhano tiithai tlaq ngukla, Judas ka ajaqshisetiim roqshi ri wenai phong wa ashi. Shatmaq, apaiq raq Jesuq ka maiq jaq khon mong na mishaphaq baiq wan.

Hawa Naga Bible 2001

⁷¹ Vpiq rueq kvkhoc jungx tueq kuex, Simon Iskarut saz Yuda nuex tvhungx vtueq vjungx rvtueq. Yvmx khoc lac ngoz ruiux lec kvruex waz kuex sangac waz rokshiz rac wanueyc phungc wawc washiz rvtueq, yuq muinz vpiq kuex tvshuk kuy gay kvmungx jix waz rvtueq.

Muklom

⁷¹ Piq aa ira Simon Iscariot miqwasa Judas tung aa raaq batta, chammatakoi piq asi ani mong wang ashey angta, etharin jio piq aa Jesu tha dip eq thalo ta.

John 6:71 Referencias Cruzadas

Tvtsvmc 41:9

Itsanwawe shaq, ngi raq pinthum kamtiikangwe raq dongdii min, ngi rai dung pinshi na phaqseatiwe riimin, ngi ka shaphaq baiqto.

Matthew 10:2

Kiimwebi roqshi ri wenai shong wantaq mang thun ka ara riito: Apha shaqshaq we mang ka Simon, (Apaiq ka Petar ngutiimin ngutlo). Kiimaq apaiq ma anowe ka Andru. Kiimaq Jebedi we senai Jakob nai anowe Johan.

Matthew 10:4

Kiimahali maiqmii phan ma tsan tiitsiti we Simon kiimaq Jesuq shaphaqti we Judas Iskariot ri riito.

Mark 14:10

Kra akhing na ajaqshisetiim roqshi ri wenai phong kiiwa weshi Judas Iskariot kriika, ramwe jongbi phana, Jesuq ka shaphaq kai she kihoto.

John 12:4

Kra chhi raüta, Jesuq jaqshisetiim phong wa maiq weshi, apaiq shaphaqti ma jawanti, Judas Iskariot raq,

John 13:2

Jesuq nai ajaqshisetiim ka raji dungsea adam na artam nga wishe. Kra akhing na, Tha raq Simon Iskariot se Judas tsan ka, Jesuq shaphaq miitu arap baiq kun she.

John 13:26

Kiijiishe, “Ngi raq winsii phu ka weashaü tai pin na tsam lata, ümriiti mo kuq tiikang, kriiwe ka miraq,” nguta Jesuq raq apaiq bom ka treto. Krai mren, apaiq raq winsii phu ashi ka, weashaü tai pin na tsam raüta Simon Iskariot se Judas ma kuqto.

John 2:2

Kiimaq Jesuq nai ajaqshisetiim kiimin maiqlam poi na atiihea araq, kiijaq poi lomdam asi riito.

John 20:24

Jesuq ka ajaqshisetiim rai riihum kitaq akhing ranaiq na, ajaqshisetiim roqshi ri wenai phong wa Thomas (apaiq ka Achhop we ngutlo) ka tatimii bala chato.

John 6:64

Ngi raq atinkhan chongke wan jai min, namshiq phong wa maiq wiijamti raq ngi ma kam man.” (Jesuq raq apaiq ma kam makti ka juju wa, kiimaq apaiq shaphaqti ka juwa miraq, kra thun ka apha miiphü asap.)

John 6:70

Kiijiishe, Jesuq raq treto, “Ngi raq namshiq ka roqshi ri wenai tsea wan pha riimak sha? Kra taü maq dongdii min, namtsam phong wa weshi ka tha kaü!”

Acts 2:23

Arka Shiikeawe apaiq raq kongkhu miiphü tiihong wanje she dongdii. Apaiq raq tiihong wantaq kra phanphan, Jesuq ka namshiq jaqkhon mong na tiishaü kuqto. Kiimaq, namshiq riishe, apaiq ka ngarai maiqsetiim ma kiinong kuq lantiishe, pumsongkham na tiitü baiq lanta tiitsat baiq lan.

Jude 1:4

Ara jamkhano chong tiikang ngukla, nashiq phong na, nashiq raq chhilap mai shon li, Shiikeawe sap makti maiq shang wanto. Tsangshiq raq, Shiikeawe kaphap mangchan ka, ajiq lam nü na seng raüta chongkuq tlo. Tsangshiq ka nashiq Tatiwe nai nashiq Chhiiti we, Jesuq Khristo ka shreng makti. Tsangshiq ka, Asii bomtsi na, man na, rathup rapha ji niiphü dongdii, atiishut baiq wan wishe.